Հա

Քաղաքական

Երեքշաբթի, 18 Ապրիլի 2017 09:40

Վրացագէտ. «Վրաստանի քաղաքական վերնախաւը այն մակարդակի չի հասել, որ յոյս կապենք Ցեղասպանութեան ճանաչման հետ»

«Վրաստանի հասարակութիւնը, քաղաքական վերնախաւը ներկայ փուլում այն մակարդակի չեն հասել, որ յոյս կապենք Ցեղասպանութեան ճանաչման հետ: Նախորդ իշխանութիւնների կառավարման տարիներին հարցը, եթէ յիշում էք, խորհրդարանում բարձրացւեց, այն էլ վրացի պատգամաւորների կողմից, ուստի կարեւոր է, որ թէ՛ հայ պատգամաւորները Վրաստանում, թէ՛ ՀԿ-ները հարցը շարունակեն բարձրացնեն, չնայած, կրկնում եմ, քիչ է հաւանականութիւնը, որ հարցը քննարկւի»,- նշեց Ալիկ Էրոյեանցը:

«alikonline.ir» - Վրաստանում հայկական մի խումբ կազմակերպութիւններ դիմել են երկրի խորհրդարանին, նախագահին՝ Վրաստանում Հայոց Ցեղասպանութեան ճանաչման վերաբերեալ պաշտօնական քննարկում անցկացնելու պահանջով:

«tert.am»-ի հետ զրոցում վրացագէտ Ալիկ Էրոյեանցն այս առնչութեամբ ասաց, որ սա շատ կարեւոր նախաձեռնութիւն է Հայաստանի համար:

«Ցեղասպանութեան ճանաչման հարցը մշտապէս պէտք է բարձրացնել, քննարկման դնել, սա պէտք է անել մշտական հետեւողականութեամբ»,- նշեց վրացագէտը: Միաժամանակ, Էրոյեանցն ասաց, որ քիչ հաւանական է, հեռանկարային, որ Հայոց Ցեղասպանութիւնը ճանաչւի Վրաստանի կողմից կամ քննարկւի դրա ճանաչման հարցը:

«Վրաստանի հասարակութիւնը, քաղաքական վերնախաւը ներկայ փուլում այն մակարդակի չեն հասել, որ յոյս կապենք Ցեղասպանութեան ճանաչման հետ: Նախորդ իշխանութիւնների կառավարման տարիներին հարցը, եթէ յիշում էք, խորհրդարանում բարձրացւեց, այն էլ վրացի պատգամաւորների կողմից, ուստի կարեւոր է, որ թէ՛ հայ պատգամաւորները Վրաստանում, թէ՛ ՀԿ-ները հարցը շարունակեն բարձրացնեն, չնայած, կրկնում եմ, քիչ է հաւանականութիւնը, որ հարցը քննարկւի»,- նշեց Ալիկ Էրոյեանցը:

Վրացագէտն ասաց, որ Վրաստանը սերտ յարաբերութիւններ ունի Թուրքիայի ու Ադրբեջանի հետ, իսկ Հայոց Ցեղասպանութեան ճանաչման կամ հարցի քննարկման հանգամանքը կարող է ռիսկային դառնալ պաշտօնական Թբիլիսիի համար:

«Գիտէք, թէ որքան մեծ է թուրքական եւ ադրբեջանական գործօնը Վրաստանում: Բնական է, որ նման պայմաններում Վրաստանն այս հարցին շատ զգոյշ է մօտենում: Թուրքիան թիւ մէկ առեւտրային գործընկերն է Վրաստանի համար, Ադրբեջանը՝ էներգակիր է, տնտեսական գործընկեր: Էլ չասեմ, որ Ադրբեջանը նաեւ ռազմավարական գործընկերն է: Վրաստանը չի կարող հաշւի չառնել այս հանգամանքը, հակառակ դէպքում՝ հարւածի տակ կը դնի իրեն»,- ասաց վրացագէտը:

Վերջում Էրոյեանցն ասաց, որ յոյսը կորցնել պէտք չէ, որովհետեւ միւս երկրներում էլ այս գործընթացը բարդ ճանապարհ է անցել:

Յարակից Հրապարակումներ

Ամենաշատ ընթերցւած

Քւէարկութիւն

Սարգսեան-Ալիեւ վերջին հանդիպման արդիւնքում կը գրանցւի՞ արդեօք առաջընթաց ԼՂ հակամարտութեան կարգաւորման գործում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։