Հա

Քաղաքական

Հինգշաբթի, 20 Ապրիլի 2017 10:00

«Ակօս»-ի խմբագիր. «Բարեբախտութիւն է, որ Հայաստանն ու Թուրքիան մինչ այժմ դիւանագիտական յարաբերութիւններ չեն հաստատել»

Հարցին, թէ ինչ ազդեցութիւն կունենայ նոր սահմանադրութիւնը Թուրքիայի արտաքին քաղաքականութեան վրայ, Բագրատ Էստուկեանը պատասխանեց, որ կեղտոտ քաղաքականութեան մէջ է Թուրքիան ներքաշւած, եւ նա, ինչպէս եւ բոլոր Արեւմտեան երկրները, պատասխանատու է Սիրիայում թափւող ամէն կաթիլ արեան համար: 

«alikonline.ir» - Թուրքիայի սահմանադրական հանրաքւէի բացասական հետեւանքներն անմիջականօրէն իրենց ազդեցութիւնը չեն ունենայ ազգային փոքրամասնութիւնների, այդ թւում՝ հայերի վրայ: «Մեդիա կենտրոնում» ապրիլի 16-ին Թուրքիայում անցկացւած սահմանադրական հանրաքւէի մասին խօսելիս նշել է Ստամբուլում հրատարակւող «Ակօս» պարբերականի հայերէն էջերի խմբագիր Բագրատ Էստուկեանը: 

«Այն կազդի մեզ վրայ այնպէս, ինչպէս Թուրքիայում ապրող իւրաքանչիւր քաղաքացու վրայ»,- ասել է նա՝ նշելով, որ ինքը հանրաքւէի օրը շրջել է հայաշատ թաղամասերի ընտրատեղամասերում եւ նկատել, որ արկղերից դուրս եկող քւէաթերթիկների մեծ մասը «ոչ»-ի օգտին են եղել: 

«Մեզ համար կարեւորն այն է, որ Թուրքիայի այսօրւայ իշխանութիւնները երկիրը մեծ ալեկոծութեան մէջ են գցել»,- ասել է նա ՝ նկատելով, որ, փաստօրէն, Թուրքիան չգնաց Արեւմտեան բարքերի հետեւից: 

Հարցին, թէ ինչ ազդեցութիւն կունենայ նոր սահմանադրութիւնը Թուրքիայի արտաքին քաղաքականութեան վրայ, Բագրատ Էստուկեանը պատասխանեց, որ կեղտոտ քաղաքականութեան մէջ է Թուրքիան ներքաշւած, եւ նա, ինչպէս եւ բոլոր Արեւմտեան երկրները, պատասխանատու է Սիրիայում թափւող ամէն կաթիլ արեան համար: 

Անդրադառնալով Հայաստանի եւ Թուրքիայի յարաբերութիւնների վրայ սահմանադրական փոփոխութիւնների հնարաւոր ազդեցութեանը՝ նա նշել է, որ միգուցէ լաւ է եւ բարեբախտութիւն, որ Հայաստանը եւ Թուրքիան դիւանագիտական յարաբերութիւններ չեն հաստատել մինչ այժմ: 

«Եթէ դրացին բարի չէ, լաւ է չլինի, վտանգաւոր է, հետեւաբար լաւ է, որ մեր յարաբերութիւններն այսպէս մնան»,- ասել է նա՝ նկատելով, որ դրան հակառակ՝  Թուրքիայի եւ Հայաստանի հասարակութիւնների միջեւ յարաբերութիւնները որոշակի մակարդակի վրայ են եւ դրանք զարգանալու միտում ունեն, ինչը «Ակօսի» խմբագիրը դրական գնահատեց:

Յարակից Հրապարակումներ

Ամենաշատ ընթերցւած

Քւէարկութիւն

Սարգսեան-Ալիեւ վերջին հանդիպման արդիւնքում կը գրանցւի՞ արդեօք առաջընթաց ԼՂ հակամարտութեան կարգաւորման գործում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։