Հա

Քաղաքական

Հինգշաբթի, 18 Մայիսի 2017 11:30

Մեկնարկեց 6-րդ գումարման ՀՀ ԱԺ-ի առաջին նիստը

Քիչ առաջ Երեւանում մեկնարկեց 6-րդ գումարման ՀՀ Ազգային ժողովի առաջին նիստը:

Այն վարում է տարիքով ամենատարեց պատգամաւորը՝ ՀՀԿ ցուցակով ընտրւած ազգային փոքրամասնութեան ներկայացուցիչ Կնյազ Հասանովը:

«alikonline.ir» - Քիչ առաջ Երեւանում մեկնարկեց 6-րդ գումարման ՀՀ Ազգային ժողովի առաջին նիստը:

Ինչպէս տեղեկացնում են հայաստանեան լրատւամիջոցները՝ այն վարում է տարիքով ամենատարեց պատգամաւորը՝ ՀՀԿ ցուցակով ընտրւած ազգային փոքրամասնութեան ներկայացուցիչ Կնյազ Հասանովը:

Առաջին նստաշրջանի բացման առթիւ ողջոյնի խօսքով հանդէս եկաւ Ամենայն Հայոց Կաթողիկոսը:

«Առաւել մեծ լիազօրութիւններով ու իրաւասութիւններով օժտւած բարձրագոյն մարմին որպէս՝ Ազգային ժողովը ստանձնում է նաեւ աւելի մեծ պատասխանատւութիւն մեր երկրի ու ժողովրդի կեանքում մեր ներկայի ու ապագայի հանդէպ, մեր պետականութեան կայացման եւ մեր երկրում վերափոխումների իրականացման ճանապարհին: Ազգային ժողովի կողմից կարեւոր քայլեր են ձեռնարկւել՝ ստեղծելու օրէնսդրական հիմքերը իրաւական պետութեան ու քաղաքացիական հասարակութեան ձեւաւորման, մեր երկրում տնտեսութեան, գիտութեան, մշակոյթի զարգացման համար»,- իր ելոյթում ասաց կաթողիկոսը։

Վեհափառ հայարապետի ելոյթին այս պահին հետեւում է ՀՀ նախագահ Սերժ Սարգսեանի ելոյթը, որից յետոյ

6-րդ գումարման ՀՀ ԱԺ-ի պատգամաւորները կը երդւեն:

Խորհրդարանի առաջին նիստում փակ գաղտնի քւէարկութոամբ կըտրւեն ԱԺ նախագահը, փոխնախագահները, մշտական յանձնաժողովների նախագահները: ՀՀ նոր ԱԺ-ում ի տարբերութիւն նախորդի, մէկով աւելանալու է փոխնախագահների թիվը, եւ առաջին անգամ նրանցից մէկն ընդդիմադիր խմբակցութեան ներկայացուցիչ է լինելու:

Յիշեցնենք, որ ՀՀ ԱԺ առաջին նիստում կառավարութիւնը վայր է դնում իր լիազօրութիւնները, որից յետոյ 10 օրւայ ընթացքում ՀՀ նախագահը նշանակում է նոր վարչապետ: Վարչապետի նշանակումից յետոյ 20 օրւայ ընթացքում նշանակւում են կառավարութեան անդամները, եւս 20 օրւայ ընթացքում հաստատւում է կառավարութեան ծրագիրը:

Նշենք, որ նոր խորհրդարանն ունի 105 պատգամաւոր, որտեղ  գործելու է 4 խմբակցութիւն՝ ՀՀԿ, «Ծառուկեան» դաշինք, «Ելք» դաշինք եւ ՀՅԴ:

Յարակից Հրապարակումներ

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։