Հա

Քաղաքական

Շաբաթ, 02 Սեպտեմբերի 2017 13:20

Բակօ Սահակեան. «Քաղաքակիրթ ու առաջադէմ աշխարհը վաղ թէ ուշ կը ճանաչի Արցախի ժողովրդի օրինական որոշումը»

Արցախի իշխանութիւնների եւ անձամբ իմ անունից ի սրտէ շնորհաւորում եմ բոլորիս Սեպտեմբերի 2-ի՝ Արցախի Հանրապետութեան օրւայ առթիւ: 26 տարի առաջ մեր ժողովուրդն ընդունեց պատմական որոշում սեփական ճակատագիրն ինքնուրոյն տնօրինելու, ազատ, անկախ, ժողովրդավարական, իրաւական ու սոցիալական պետութիւն կառուցելու մասին:

«alikonline.ir» - Արցախի նախագահ Բակօ Սահակեանը շնորհաւորական ուղերձ է յղել Արցախի Հանրապետութեան օրւայ առթիւ: Տեղեկացնում է Արցախի նախագահի մամուլի գրասենեակը:

«Սիրելի՛ հայրենակիցներ,

Արցախի իշխանութիւնների եւ անձամբ իմ անունից ի սրտէ շնորհաւորում եմ բոլորիս Սեպտեմբերի 2-ի՝ Արցախի Հանրապետութեան օրւայ առթիւ: 26 տարի առաջ մեր ժողովուրդն ընդունեց պատմական որոշում սեփական ճակատագիրն ինքնուրոյն տնօրինելու, ազատ, անկախ, ժողովրդավարական, իրաւական ու սոցիալական պետութիւն կառուցելու մասին:

Այս տարիների ընթացքում Մայր Հայաստանի եւ Սփիւռքի մեր քոյրերի ու եղբայրների հետ միասին մեզ յաջողւել է կեանքի կոչել բազմաթիւ ռազմավարական ծրագրեր, որոնք օր օրի մօտեցնում են մեզ համազգային նպատակների իրականացմանը, մեր երկիրը դարձնում աւելի ուժեղ եւ ամուր:

Վստահ եմ՝ քաղաքակիրթ ու առաջադէմ աշխարհը վաղ թէ ուշ կը ճանաչի Արցախի ժողովրդի այս արդարացի եւ օրինական որոշումը, անպայման կը ընդունի ստեղծւած իրողութիւնները, որոնք վկայում են համամարդկային արժէքներին եւ միջազգային նորմերին ու սկզբունքներին մեր հաւատարմութեան մասին:

Վստահ եմ, որովհետեւ մեր ժողովուրդն արդէն երկար տարիներ իր քրտնաջան աշխատանքով ու քաջ զաւակների անձնւեր ծառայութեամբ ապացուցել է, որ ի վիճակի է սեփական ուժերով կառուցել, շենացնել ու պաշտպանել իր հայրենի օջախը, իր անկախ պետականութիւնը:

Թանկագի՛ն հայրենակիցներ,

Մէկ անգամ եւս շնորհաւորում եմ ձեզ յիշարժան տօնի առթիւ եւ մաղթում խաղաղութիւն, քաջառողջութիւն ու ամենայն բարիք, բարեկեցութիւն ու բարգավաճում՝ մեր ժողովրդին ու հայրենիքին»: 

Յարակից Հրապարակումներ

Ամենաշատ ընթերցւած

Քւէարկութիւն

Կարո՞ղ է արդեօք նախագահի այցը Նիւ Եօրք նպաստել Իրանի միջազգային դիրքի ամրապնդմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։