Հա

Քաղաքական

02/09/2017

«Ազդակ»-ի խմբագրական. Չբարձրաձայնուող, սակայն առկայ տարրը

Արցախի Հանրապետութեան անկախութեան նշումին արդիական հնչեղութիւն տալու առումով քաղաքական հրապարակագրութիւնը անպայման աշխարհաքաղաքական ներկայ իրադարձութիւններու, գերտէրութիւններու միջեւ ելեւէջային յարաբերութիւններու լոյսին ներքոյ կը քննարկէ հետագայ հաւանական ընթացքներու հունաւորման միտումները։

(Արցախի Հանրապետութեան հիմնադրման 26-ամեակին առիթով)

 

Արցախի Հանրապետութեան անկախութեան նշումին արդիական հնչեղութիւն տալու առումով քաղաքական հրապարակագրութիւնը անպայման աշխարհաքաղաքական ներկայ իրադարձութիւններու, գերտէրութիւններու միջեւ ելեւէջային յարաբերութիւններու լոյսին ներքոյ կը քննարկէ հետագայ հաւանական ընթացքներու հունաւորման միտումները։

Այլ տարածաշրջանի մէջ կը թուի, որ լուռ, չբացայայտուած, այսուհանդերձ ինքզինք զգալի դարձնող համաձայնութիւներու, պատերազմական սահմանափակ գործողութիւններու եւ ընդհանրապէս իրավիճակը վերահսկողութեան տակ պահելու զինուորաքաղաքական մօտեցումները կը շարունակեն կիրարկուիլ։

Արցախի պարագային գոյավիճակը փոխելու աշխարհաքաղաքական որոշումի ազդանշան չ՛երեւիր տակաւին։ Նման զարգացումներ կրնան ուրուագծուիլ, երբ բանակցային տարրերու մէջ նշուած խաղաղապահ առաքելութեան տեսքն ու տարազը սկսին ձեւաւորուիլ։

Իսկ խաղաղապահ առաքելութեան ճշդումը գերտէրութիւններուն համար ազդեցութեան գօտիի պահպանման կարեւորագոյն երաշխիքն է։ Յայտնաբար նաեւ հայ-ազրպէյճանական երեւցող անհամաձայնութիւներէն անդին կայ խորքային անհամաձայնութիւն խաղաղապահ առաքելութեան բաղադրութեան նկատմամբ։

Իսկ այս խնդիրը դիւրաւ լուծելի չէ որեւէ ձեւով։ Եթէ մէկ կողմէ ռուսական գործօնի ազդեցիկութիւնը տարածաշրջանին մէջ պահելու նպաստող առաջադրանք է, միւս կողմէ՝ Արեւմուտքի համար այդ գերակայութիւնը հակակշռելու կարեւոր միջոց։ Թէեւ իրաւականօրէն նաեւ պայման է հակամարտող կողմերու համաձայնութիւնը կամ դիմումը նման զօրամասեր հրաւիրելու։

Գերտէրութիւններու տարածաշրջանային քաղաքականութեան մանրամասնութիւններուն, ծալքերուն քաղաքական ճիշդ ընթերցումը կատարելը հայկական կողմին համար աւելի քան անհրաժեշտ է, բանակցային պահերուն անհրաժեշտ դիրքորոշումները ունենալու, քաղաքական յայտարարութիւներուն ընդգծումներն ու շեշտադրումները հրապարակելու եւ այս բոլորին մէջ նուազագոյն վնասով կամ առաւելագոյն շահով դուրս գալու։

Ռուս-թուրք մերձեցման միտումները, Պաքուին զինամթերք վաճառելու առումով վերջին շրջանին Մոսկուայի ցուցաբերած հետեւողականութիւնը եւ ընդհանրապէս իրաւարարի դերակատարութեամբ հիմնահարցի գոյավիճակը պահպանելու ձգտումները քաղաքական ներկայ պահը յատկանշող երեւոյթներ են։

Կ՛աւելնան Թուրքիոյ կողմէ շանթաժային քաղաքականութեան դրսեւորման փորձերը` Եւրասիական տնտեսական միութեան միանալու սպառնալիքով Եւրոպական Միութեան ուղերձներ փոխանցելու, կամ նոյն կառոյցին միանալու Պաքուի փոխանցած պատգամները` Արցախը ստանալու դիմաց։

Գոյավիճակին փոփոխութիւնը սակայն այս բոլորին նկատառումով չի բխիր Մոսկուայի շահերէն։ Ի վերջոյ աշխարհաքաղաքական դիտանկիւններէ խնդիրը ոչ թէ տարածքին պատկանելիութեան իրաւացիութիւնն է, այլ ազդեցութեան գօտիներու պահպանման, անոնց երաշխաւորման կամ նոր գօտիներ նուաճելու ծաւալողականութեան նկրտումները։

Խաղաղապահ զօրքերու տեղակայման առայժմ չբարձրաձայնուող, բայց առկայ տարրը գործարկելու նախադրեալները տակաւին տեսանելի չեն։ Անոնց բաղադրութեան խնդիրը համազօր է արցախեան հակամարտութեան լուծման աշխարհաքաղաքական ծրագիրներու բացատրութեան։

aztagdaily.com

Յարակից լուրեր

  • Աւստրալիայի Ռայթի քաղաքապետարանը ճանաչել է Արցախի Հանրապետութիւնը
    Աւստրալիայի Ռայթի քաղաքապետարանը ճանաչել է Արցախի Հանրապետութիւնը

    Աւստրալիոյ Հայ Դատի յանձնախումբը յայտարարեց թէ Աւստրալիոյ Սիտնի քաղաքի մէջ գտնուող Ռայտի քաղաքապետարանը ճանչցաւ Արցախի Հանրապետութիւնն ու անոր ժողովուրդի ինքնորոշման իրաւունքը, երեքշաբթի 22 մայիսի 2018-ին երեկոյեան տեղի ունեցած քաղաքապետարանի նիստի ընթացքին:

  • Պատերա՞զմ, թէ՞ խաղաղութիւն. Կեղծ երկընտրանք
    Պատերա՞զմ, թէ՞ խաղաղութիւն. Կեղծ երկընտրանք

    Թուրքիայի ներխուժումը Սիրիա խաղաղութեան տէրպետրոսեանական կոնցեպցիայի ջատագովներին լուրջ մտորումների տեղիք պէտք է տար: Մինչդեռ նրանք այսօր էլ մտմտում են ԼՂ հարցի կարգաւորման թուրք-ադրբեջանական առաջարկների շուրջ, այն է` ազատագրւած տարածքների վերադարձ եւ դրան որպէս փոխզիջում` ԼՂ ստատուս-քւոյի երեւակայական փոփոխութիւն եւ խաղաղութեան հաստատում:

  • Արցախի Հանրապետութեան պատւիրակութեան այցն Ամերիկայի Միացեալ Նահանգներ պատմական է
    Արցախի Հանրապետութեան պատւիրակութեան այցն Ամերիկայի Միացեալ Նահանգներ պատմական է

    «Արցախի Հանրապետութեան պատւիրակութեան այցն Ամերիկայի Միացեալ Նահանգներ պատմական այցելութիւն է»,- այս մասին «Ապառաժ»-ի հետ հեռախօսազրոյցում ասել է ԱՀ պատւիրակութեան անդամ, ՀՅԴ Արցախի ԿԿ ներկայացուցիչ, ԱՀ ԱԺ «Դաշնակցութիւն» խմբակցութեան անդամ Դաւիթ Իշխանեանը։

  • ԱՀ խորհրդարանի փոխխօսնակ. «Կը գայ մի օր, երբ Արցախը կը դառնայ ՄԱԿ-ի անդամ»
    ԱՀ խորհրդարանի փոխխօսնակ. «Կը գայ մի օր, երբ Արցախը կը դառնայ ՄԱԿ-ի անդամ»

    Օրերից մի օր Ադրբեջանը համակերպւելու է, որ Արցախն անկախ է: «tert.am»-ի հետ զրոյցում ասաց Արցախի Հանրապետութեան Ազգային ժողովի փոխնախագահ Վահրամ Բալայեանը: Նա նշեց, որ Ադրբեջանը չի կարող պայքարել այն տենդենցի դէմ, որը կայ աշխարհում` ճանաչել Արցախը: Ըստ նրա` Ադրբեջանը չունի այն հնարաւորութիւնները պայքարել ամբողջի դէմ, ժողովրդավարական երկրները չեն կարող անտեսել արցախցիների անկախութեան պահանջը:

  • Բարի գալուստ եւ «սեւ ցուցակներ». ռուս բլոգերը կիսւել է Արցախ այցելութեան տպաւորութիւններով
    Բարի գալուստ եւ «սեւ ցուցակներ». ռուս բլոգերը կիսւել է Արցախ այցելութեան տպաւորութիւններով

    Ռուս բլոգեր Սերգէյ Նովիկովը տպաւորւած է Արցախի Հանրապետութիւն կատարած այցով. նա տպաւորութիւններով կիսւել է իր բլոգում տեղադրւած յօդւածում, ներկայացրել Հայաստանի եւ Արցախի տեսարժան վայրերը, անդրադարձ կատարել Ադրբեջանի «սեւ ցուցակ»-ին, որում յայտնւում են Արցախ այցելող յայտնի մարդիկ:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։