Հա

Քաղաքական

Շաբաթ, 02 Սեպտեմբերի 2017 13:30

Սերժ Սարգսեան. «Խաղաղ Արցախը ոչ միայն մարտունակ է, այլեւ կենսունակ եւ մրցունակ»

Հայաստանի նախագահ Սերժ Սարգսեանը շնորհաւորական ուղերձ է յղել Արցախի անկախութեան տօնի առթիւ:

«alikonline.ir» - Հայաստանի նախագահ Սերժ Սարգսեանը շնորհաւորական ուղերձ է յղել Արցախի անկախութեան տօնի առթիւ:

ՀՀ նախագահի մամուլի գրասենեակից «news.am»-ին յայտնում են, որ ուղերձում ասւած է.

«Սիրելի՛ հայրենակիցներ,

Շնորհաւորում եմ ձեզ Արցախի Հանրապետութեան անկախութեան տօնի առթիւ:

Քսանվեց տարի առաջ՝ այս օրը, արցախահայութիւնը հռչակեց իր անկախ պետականութիւնը:

Պատերազմի կրակների եւ աւերակների միջից նա կարողացաւ բարձրանալ եւ աշխարհին ներկայանալ իր հերոսական բանակով, պետական հաստատութիւններով, տնտեսական լուրջ առաջընթացով, կրթական ու մշակութային օրինակելի օջախներով եւ վերջապէս՝ իր կազմակերպւած հասարակութեամբ: Հասարակութիւն, որ հաւատարիմ է իր ազգային աւանդոյթներին, բայց նաեւ ժամանակակից է եւ ընդունակ տեղայնացնելու այն լաւագոյնը, որ մարդկութիւնը ստեղծել է գիտութեան ու մշակոյթի, տնտեսութեան ու քաղաքականութեան եւ այլ ասպարեզներում:

Անցած քսանվեց տարիների ընթացքում Արցախը կայացաւ որպէս ամուր, ազատ ու ժողովրդավարական պետութիւն:
Խաղաղ Արցախը ոչ միայն մարտունակ է, այլեւ կենսունակ եւ մրցունակ: Արցախի պաշտպանները գիտեն կռւել եւ հանուն ինչի կռւել: Արցախի զինւած ուժերը պաշտպանում են ոչ միայն Արցախի, այլեւ Հայաստանի եւ մեծ հաշւով՝ ողջ հայութեան անվտանգութիւնը:

Անցած տարւայ ապրիլեան ռազմական գործողութիւնները, որ սանձազերծւած էին Ադրբեջանի կողմից, եւս մէկ անգամ ի ցոյց դրեցին Արցախի հարցի ռազմական լուծման անհնարինութիւնը: Այդ արկածախնդրութիւնն ի սկզբանէ դատապարտւած էր ձախողման, քանի որ Պաշտպանութեան բանակն ամուր է, իսկ Արցախի թիկունքին Հայաստանն է եւ ողջ հայութիւնը:

Այս փառաւոր օրը մենք գլուխ ենք խոնարհում Արցախի ազատութեան համար ընկածների յիշատակի առջեւ:

Կեցցէ՛ ազատ ու անկախ Արցախը:

Կեցցէ՛ Արցախի Հանրապետութիւնը»:

Յարակից Հրապարակումներ

Ամենաշատ ընթերցւած

Քւէարկութիւն

Կարո՞ղ է արդեօք նախագահի այցը Նիւ Եօրք նպաստել Իրանի միջազգային դիրքի ամրապնդմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։