Հա

Քաղաքական

07/09/2017 - 11:30

Սիրիայի նորանշանակ դեսպանը հաւատարմագրերն է յանձնել Սերժ Սարգսեանին

ՀՀ նախագահ Սերժ Սարգսեանին այսօր հաւատարմագրերն է յանձնել Հայաստանի Հանրապետութիւնում Սիրիայի Արաբական Հանրապետութեան արտակարգ եւ լիազօր դեսպան Մուհամմադ Ահմադ Հաջ Իբրահիմը: 

«alikonline.ir» - ՀՀ նախագահ Սերժ Սարգսեանին այսօր հաւատարմագրերն է յանձնել Հայաստանի Հանրապետութիւնում Սիրիայի Արաբական Հանրապետութեան արտակարգ եւ լիազօր դեսպան Մուհամմադ Ահմադ Հաջ Իբրահիմը: Տեղեկացնում է «yerkir.am»-ը:

Հայաստանի Հանրապետութեան նախագահը շնորհաւորել է դեսպանին պաշտօնն ստանձնելու կապակցութեամբ եւ մաղթել յաջողութիւններ:

Հանդիպմանը զրուցակիցները քննարկել են հայ-սիրիական յարաբերութիւնների օրակարգը, անդրադարձել տարբեր ոլորտներում փոխգործակցութեան զարգացման եւ ամրապնդման հնարաւորութիւններին: ՀՀ նախագահը եւ Սիրիայի դեսպանը նաեւ մտքեր են փոխանակել Սիրիայում եւ ընդհանուր առմամբ՝ Մերձաւոր Արեւելքում տիրող իրավիճակի, տարածաշրջանի խնդիրների ու մարտահրաւէրների շուրջ:

Անդրադառնալով սիրիական ճգնաժամին՝ ՀՀ նախագահ Սերժ Սարգսեանը յոյս է յայտնել, որ Սիրիայի իշխանութիւններն ու բարեկամ սիրիացի ժողովուրդը, երկրի նախագահի գլխաւորութեամբ, կը կարողանան դիմակայել այդ մեծ փորձութեանը, եւ երկրում ի վերջոյ կը հաստատւի խաղաղութիւն եւ կայունութիւն, ինչում Հայաստանը շահագրգռւած է:

«Պատմութեան տարբեր ժամանակահատւածներում բոլոր ժողովուրդներին էլ բաժին են ընկնում փորձութիւններ, եւ ովքեր կարողանում են դրանց դիմակայել, շարունակում են իրենց ընթացքը:

Հայաստանը խորապէս մտահոգւած լինելով բարեկամ սիրիացի ժողովրդի ճակատագրով՝ այս ամբողջ ընթացքում ցաւով է հետեւել իրադարձութիւններին եւ հումանիտար իրավիճակի վատթարացմանն ու իր հնարաւորութիւնների սահմաններում աջակցութիւն ցուցաբերել ինչպէս զրկանքների ենթարկւած սիրիահայ համայնքին, այնպէս էլ սիրիացի ողջ ժողովրդին»,- ասել է ՀՀ նախագահ Սարգսեանը:

Դեսպան Մուհամմադ Ահմադ Հաջ Իբրահիմը շնորհակալութիւն է յայտնել ՀՀ նախագահին ընդունելութեան եւ ջերմ խօսքերի համար, ընդգծելով, որ Սիրիայի իշխանութիւնները բարձր են գնահատում բարեկամ Հայաստանի դիրքորոշումը եւ աջակցութիւնը երկրում խաղաղութեան ու կայունութեան հաստատման գործում: Դեսպանը դրւատանքով է խօսել սիրիահայ համայնքի մասին, որը, նրա խօսքով՝ սիրիացի ժողովրդի անքակտելի մասն է եւ տասնամեակներ շարունակ մեծ ներդրում է ունեցել երկրի զարգացման գործում: Սիրիայի դեսպանը վստահեցրել է, որ իր երկրում մեծ յարգանք վայելող հայկական համայնքը մշտապէս եղել եւ շարունակում է մնալ Սիրիայի իշխանութիւնների ուշադրութեան կենտրոնում:

Յարակից լուրեր

  • «Ապառաժ»-ի խմբագրական. Կրկին ռազմավարական համաձայնագրի անհրաժեշտութեան մասին
    «Ապառաժ»-ի խմբագրական. Կրկին ռազմավարական համաձայնագրի անհրաժեշտութեան մասին

    Թէեւ ՀՀ վարչապետի վկայութեամբ բանակցութիւններ չեն ընթանում Ադրբեջանի եւ ՀՀ իշխանութիւնների միջեւ, սակայն հանդիպումների, ծանօթութիւնների եւ անցեալի պատմութեան յուշերի փոխանակման արդիւնքում պէտք է խոստովանել, որ ղարաբաղա-ադրբեջանական սահմանային գօտում փոխհրաձգութիւնները նւազել են:

  • «Դամասկոսի, Թեհրանի եւ Բաղդադի յարաբերութիւնները չափազանց ամուր են». Ասադ
    «Դամասկոսի, Թեհրանի եւ Բաղդադի յարաբերութիւնները չափազանց ամուր են». Ասադ

    Մարտի 18-ին, Սիրիայի նախագահ Բաշշար Ասադը հանդիպել է Իրանի եւ Իրաքի զինւորական պատւիրակութիւնների հետ, որոնք Դամասկոսում էին, մասնակցելու տարածաշրջանում ահաբեկչութեան դէմ պայքարի կապակցութեամբ Սիրիայի, Իրանի եւ Իրաքի եռակողմ խորհրդակցութեանը:

  • ՀՀ վարչապետի Իրան այցի յատկանշելին…
    ՀՀ վարչապետի Իրան այցի յատկանշելին…

    Իրան-Հայաստան յարաբերութիւններում, 2019 թւականի փետրւարի 27-ին ՀՀ վարչապետ Ն. Փաշինեանի եւ նրան ընկերակցող պատւիրակութեան այցը յատկանշական պէտք է համարել, քանի որ. Հայաստանում իշխանափոխութիւնից յետոյ, մտահոգութիւն էր առաջացել այն մասին, թէ հնարաւոր է պաշտօնական Երեւանի քաղաքական արեւելման փոփոխութիւնը՝ հիւսիս-հարաւից դէպի Արեւմուտք: Այլ խօսքով, արեւելեան օրիենտացիան պէտք է, որ զիջէր արեւմտեանին:

  • «Հայրենիք»-ի խմբագրական. Համերաշխութի՞ւն, թէ՞ հայատեացութիւն
    «Հայրենիք»-ի խմբագրական. Համերաշխութի՞ւն, թէ՞ հայատեացութիւն

    Բեղուն գործունէութեան մէջ է ԵԱՀԿ-ի Մինսքի խումբը, որ դրական վերլուծումով հաղորդագրութիւն մը լոյս ընծայած էր, տեղեկացնելով, թէ պատշաճ միջավայրի պահպանման անհրաժեշտութեան դիմաց, կ՛ողջունէ Հայաստանի վարչապետ Նիկոլ Փաշինեանի եւ Ատրպէյճանի նախագահ Իլհամ Ալիեւի միջեւ յառաջիկային սպասուող՝ առաջին ուղղակի շփումներու պատրաստակամութիւնը։

  • Որ իրավիճակում Բաքուն կը համաձայնի, որ Արցախը վերադառնայ բանակցային սեղան
    Որ իրավիճակում Բաքուն կը համաձայնի, որ Արցախը վերադառնայ բանակցային սեղան

    Երեւանում կարծում են, որ Ստեփանակերտի մասնակցութիւնը բանակցութիւններին ժամանակի խնդիր է, իսկ Ադրբեջանի դիմադրութիւնը իր բացատրութիւնն ունի:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։