Հա

Քաղաքական

10/09/2017

ԱՄՆ Ներկայացուցիչների պալատն ընդունել է Արցախում ականազերծմանն աջակցելու Վալադաոյի առաջարկը

ԱՄՆ Ներկայացուցիչների պալատը սեպտեմբերի 7-ին ընդունել է կոնգրեսական Դեւիդ Վալադաոյի կողմից առաջարկւող առաջարկը, որը նախատեսում է ԱՄՆ 2018 թւականի ֆիսկալ տարում աջակցել Արցախում ականազերծմամբ զբաղւող «HALO Trust» ոչ կառավարական կազմակերպութեանը: 

«alikonline.ir» - ԱՄՆ Ներկայացուցիչների պալատը սեպտեմբերի 7-ին ընդունել է կոնգրեսական Դեւիդ Վալադաոյի կողմից առաջարկւող առաջարկը, որը նախատեսում է ԱՄՆ 2018 թւականի ֆիսկալ տարում աջակցել Արցախում ականազերծմամբ զբաղւող «HALO Trust» ոչ կառավարական կազմակերպութեանը: Այս մասին «Արմէնպրես»-ին յայտնեցին Հայ Դատի ԱՄՆ յանձնախմբից:

Վալադաոյի առաջարակը ներառւել է 2018 թւականի ֆիսկալ տարւայ արտաքին օգնութեան յատկացման ծրագրում, որը, որպէս աւելի մեծ՝ «H.R. 3354» բանաձեւի մաս քւէարկութեան կդրւի սեպտեմբերի 8-ին:

«Ցաւալի իրողութիւն է այն, որ Լեռնային Ղարաբաղի ընտանիքները ամէն օր ապրում են ականների պայթելու վտանգի տակ: Ես լաւատեսական եմ տրամադրւած, որ իմ առաջարկով նախատեսւող գումարային յատկացման պարագայում մինչեւ 2020 թւականը տարածաշրջանն ականազերծւի, եւ ընտանիքները կարողանան հանգիստ ապրել՝ առանց ականների հետ կապւած դժբախտ պատահարների վտանգի»,- առաջարկի ընդունումից յետոյ ասել է Վալադաոն:

Առաջարկի ընդունմանն աջակցել են նաեւ կոնգրեսականներ Էդ Ռոյսը, Ադամ Շիֆը, Ֆրենք Փալոնէն եւ Ջէքի Սփայերը: «Լեռնային Ղարաբաղի տարածքում ականազերծման աշխատանքներին Միացեալ Նահանգների կողմից ցուցաբերւած աջակցութիւնը մեծապէս օգնել է «HALO Trust»-ին 2000 թւականից մաքրել տարածքն ականներից ու այլ պայթիւնավտանգ սարքերից: Այս աջակցութիւնը կօգնի «HALO Trust»-ին իրենց վերժնաժամկէտին՝ 2020 թւականին աւարտել այս կարեւոր աշխատանքը»,- նշել է Փալոնէն:

Վալադոն ԱՄՆ Կոնգրեսի յատկացումների յանձնաժողովի անդամ է: Նա ներկայացնում է Կալիֆորնիայի 21-րդ ընտրատարածքը, որն ընդգրկում է Սան Խուակինի հովիտը, որտեղ հազարաւոր հայեր են բնակւում: Կոնգրեսական Վալադոն երկար ժամանակ է, ինչ աջակցում է Արցախում ականազերծման համար ԱՄՆ-ի կողմից ֆինանսական աջակցութեան տրամադրմանը: Նա ջանքեր է գործադրել, որպէսզի 2018 թ.-ի ֆիսկալ տարում ԱՄՆ շարունակի աջակցել Արցախում ականազերծմամբ զբաղւող «HALO Trust» ոչ կառավարական կազմակերպութեանը, որ 2006 թ.-ից ի վեր աշխարհով մէկ ոչնչացրել է 8733 հակահետեւակային, 2584 հակատանկային ականներ, 12423 կասետային ռումբեր, 180858 միաւոր հրազէն եւ 48572 այլ պայթուցիկներ:

Յարակից լուրեր

  • Ակնարկ. Ներքին արդարութիւն-արտաքին անվտանգութիւն բանաձեւը
    Ակնարկ. Ներքին արդարութիւն-արտաքին անվտանգութիւն բանաձեւը

    Մեր երկրին մէջ տիրող յետյեղափոխական իրավիճակը բեկումնային պահեր ստեղծելու նախադրեալներ կը պարզէ: Արտաքին առումով եթէ յատկապէս նկատի ունենանք կառավարութեան ծրագիրը, վարչապետի ուղերձն ու տարբեր առիթներով կատարած յայտարարութիւնները, արտաքին գործոց նախարարի պատասխանները արտաքին քաղաքականութեան վերաբերող հարցումներուն, հիմնականին մէջ շրջադարձեր չեն նկատուիր. երանգային տարբերութեամբ մը Ստեփանակերտի բանակցային սեղան վերադարձի անմիջականութեան մասին առաջադրանքներ կը բարձրաձայնուին:

  • Արցախում հակառակորդը խոցել է ՊԲ անօդաչու թռչող սարք
    Արցախում հակառակորդը խոցել է ՊԲ անօդաչու թռչող սարք

    Յունիսի 19-ի ժամը 11.20-ի սահմանում արցախա-ադրբեջանական հակամարտ զօրքերի շփման գծի հարաւարեւելեան ուղղութեամբ սահմանային դիտարկում իրականացնելու ժամանակ հակառակորդի կողմից խոցւել է ՊԲ անօդաչու թռչող սարք:

  • «Ապառաժ»-ի խմբագրական. Սթափւե՛նք
    «Ապառաժ»-ի խմբագրական. Սթափւե՛նք

    Վերջին 15 օրերին Արցախի ներքաղաքական դաշտն ապրեց վայրիվերումներով լի օրեր: Թերեւս, ապրիլից սկսած՝ Հայաստանի Հանրապետութիւնում տեղի ունեցած իրադարձութիւններից յետոյ ակնյայտ էր, որ հասարակական պահանջի իրավիճակի ալիքը կը հասնի նաեւ Արցախ: Սակայն, ըստ ամենայնի, ակնկալիքը իրականութիւն դառնալու ճանապարհին բախւեց անսպասելի արձագանգի:

  • Արա Վարդանեան. «Արցախի Գետաւան գիւղում դպրոց եւ հիւանդանոց կը կառուցւի»
    Արա Վարդանեան. «Արցախի Գետաւան գիւղում դպրոց եւ հիւանդանոց կը կառուցւի»

    Սփիւռքահայ երկու բարերարների նւիրատւութիւնների արդիւնքում շուտով «Հայաստան» համահայկական հիմնադրամը Արցախի Գետաւան գիւղում դպրոց, հիւանդանոց եւ մանկապարտէզ կը կառուցի: 

  • Իրանահայ բժիշկներն անվճար հետազօտութիւններ են անցկացնում Արցախում
    Իրանահայ բժիշկներն անվճար հետազօտութիւններ են անցկացնում Արցախում

    Նախօրէին «Թուֆենկեան» բարեգործական հիմնադրամի նախաձեռնութեամբ Ստեփանակերտ ժամանած իրանահայ բժիշկները սկսել են անվճար հետազօտութիւնները:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։