Հա

Քաղաքական

11/10/2017

Ֆրանսահայ պատգամաւորը ներկայացրեց առաջիկայ աշխատանքները

Հայ-ֆրանսիական յարաբերութիւնների ամրացում, հայկական հարցերի բարձրացում, Արցախի ուղղութեամբ աշխատանքի ակտիւացում: 

«alikonline.ir» - Հայ-ֆրանսիական յարաբերութիւնների ամրացում, հայկական հարցերի բարձրացում, Արցախի ուղղութեամբ աշխատանքի ակտիւացում: «Արմէնպրես»-ի մամուլի սրահում հրաւիրւած ասուլիսում Ֆրանսիայի Ազգային ժողովի հայազգի պատգամաւոր Դանիէլ Ղազարեանը ներկայացրեց օրակարգային հարցերը:

«Հայաստանն ու Ֆրանսիան միշտ առանձնացել են ամուր կապերով, ջերմ յարաբերութիւններով, դա աւանդաբար եղել է: Ֆրանսիայի ներկայիս խորհրդարանում 3 հայ պատգամաւոր կայ: Մենք մեր գործունէութեամբ նպաստելու ենք երկու երկրների քաղաքական, տնտեսական, մշակութային յարաբերութիւնների էլ աւելի զարգացմանը: Այդ համատեքստում ինձ համար շատ կարեւոր է Արցախի հարցը: Ֆրանսիան Մինսկի խմբում համանախագահող երկիր է, այն միշտ ակտիւ է եղել, կարծում եմ, որ նախագահ Էմանուէլ Մակրոնը նոյնպէս կը շարունակի ջանքերն Արցախում խաղաղութեան հաստատման գործում»,- ասաց Դանիէլ Ղազարեանը:

Քանի որ ընտրութիւններից յետոյ Ֆրանսիայի խորհրդարանի պատգամաւորների փոփոխութիւններ են եղել, հետեւաբար ներկայում աշխատանքներ են տարւում հայ-ֆրանսիական խորհրդարանական նոր խմբի ձեւաւորման ուղղութեամբ:

«Ֆրանսուա Օլանդի օրօք գոյութիւն ունէր խորհրդարանական բարեկամական խումբ, որը բաւական ակտիւ էր աշխատում: Ներգրաււած էր 60 պատգամաւոր տարբեր քաղաքական ուժ: Ընտրութիւններից յետոյ փոխւեց կազմը, շատ խորհրդարանականներ իրենց տեղում չեն: Այժմ աշխատանք է տարւում վերականգնել եւ վերստեղծել այս խումբը, որը կընդգրկի աւելի շատ ներկայացուցիչների»,- ասաց պատգամաւորը: Նա նշեց, որ խմբի ձեւաւորման հետ կապւած գրանցումները սկսւել են:

Խօսելով Արցախի ուղղութեամբ աշխատանքների մասին` Դանիէլ Ղազարեանը նշեց, որ պէտք է ակտիւացնել Ֆրանսիա-Արցախ բարեկամական խմբի շրջանակում աշխատանքները: Ըստ նրա` անհրաժեշտ է շարունակել աշխատանքը քոյր քաղաքների ձեւաչափում, մանաւանդ, որ Արցախը բաւական դինամիկ է իր շփումներում:

Դանիէլ Ղազարեանն ընդգծեց, որ այս ամբողջ աշխատանքների համատեքստում չափազանց կարեւոր է Ֆրանսիայում հայ համայնքի դերը: Ըստ նրա` Ֆրանսիայում բաւական ուժեղ հայ համայնք կայ ձեւաւորւած` ամուր ենթակառուցւածքներով: Այն բաւական դինամիկ է գործում, հայերը աւելի շատ կենտրոնացած են մեծ քաղաքներում` Լիոն, Մարսէլ Փարիզ:

«Ինչպէս գիտէք երկու երկրների մշակութային կապերը միշտ ուժեղ են եղել, բայց մենք ցանկութիւն ունենք տեսնել տնտեսական յարաբերութիւնների էլ աւելի զարգացում: Անկախ Հայաստանի Հանրապետութիւնը երիտասարդ է` 26 տարեկան է, ամէն անգամ,երբ գալիս եմ Երեւան, տեսնում եմ փոփոխութիւններ, ինչը շատ ուրախալի է: Յուսով եմ հետագայում աւելի կուժեղանան Հայաստան-Ֆրանսիա կապերը: Հայաստանը տնտեսութեան զարգացման կարիքն ունի, ստեղծւած նոր հնարաւորութիւնները թոյլ կը տան երիտասարդներին մնալ իրենց երկրում»,- ասաց նա:

կապւած լուրեր

  • Մեր ճշմարիտ յաղթանակը
    Մեր ճշմարիտ յաղթանակը

    Չմոռնանք, որ Դաշնակցութիւնը մուտք գործեց կառավարական դաշինքէն (կոալիցիա) ներս ԻՐ ԻՆՔՆՈՒՐՈՅՆ ՊԼԱՏՖՈՐՄՈՎ, որ կը ցոլացնէր ՀՅԴ 32-րդ Ընդհանուր Ժողովի եւ ՀՅԴ Հայաստանի Գերագոյն ժողովներու որոշումները։ Դժբախտաբար այս շատ կարեւոր հանգամանքը ցարդ լիարժէք եւ տեսանելի կիրառում չէ ստացած իրական կեանքի մէջ։ Պատճառը մասամբ այն է, որ կառավարական դաշինքը գործի երկար փորձ չէ ունեցած տակաւին եւ շատ բան կը մնայ քննարկելի։ Այնուամենայնիւ պէտք է ընդունիլ, որ կարելի չէ ասով միայն բացատրել դաշինքի գործունէութեան մէջ գոյութիւն ունեցող այս շատ կարեւոր բացը։

  • Նախարար. «Ես որպէս ծնող պարտաւոր եմ հոգալ իմ անչափահաս երեխաների անվտանգութեան եւ կրթութիւն ստանալու հարցերը»
    Նախարար. «Ես որպէս ծնող պարտաւոր եմ հոգալ իմ անչափահաս երեխաների անվտանգութեան եւ կրթութիւն ստանալու հարցերը»

    Խորհրդարանական ժողովրդավարութեան համար այդքան էլ լաւ չէ, երբ ազատ կամարտայայտութեան եւ ժողովրդավարական ազատութիւններ օգտագործելու իրաւունքը հակասութեան մէջ է մտնում օրէնքի պաշտպանութեան այլ բաղադրիչների հետ եւ այդ գործընթացում ստիպւած սկսում են ներգրաււել իրաւապահները: Այս մասին լրագրողների հետ հանդիպմանը ասաց ՀՀ պաշտպանութեան նախարար Վիգէն Սարգսեանը:

  • Մեծի Տանն Կիլիկիոյ կաթողիկոսութիւնը կոչ կ՚ուղղէ Ապրիլ 24-ի խորհուրդը հեռու պահելու Հայաստանի ներքին քաղաքական իրադարձութիւններէն
    Մեծի Տանն Կիլիկիոյ կաթողիկոսութիւնը կոչ կ՚ուղղէ Ապրիլ 24-ի խորհուրդը հեռու պահելու Հայաստանի ներքին քաղաքական իրադարձութիւններէն

    Երկուշաբթի, 23 ապրիլ 2018-ին, Ն.Ս.Օ.Տ.Տ. Արամ Ա Կաթողիկոսին գլխաւորութեամբ միաբանական հանդիպում մը տեղի ունեցաւ Անթիլիասի Մայրավանքին մէջ։

    Վեհափառ Հայրապետը ընդհանուր գծերով պարզեց Հայաստանէն ներս տեղի ունեցող իրադարձութիւնները։ Ան շեշտեց, որ մեր եկեղեցին չի կրնար անտարբեր մնալ, սոսկ դիտողի կրաւորական վիճակին մէջ մնալ ի տես հայրենիքէն ներս պարզուող ներկայ բողոքի ու ընդվզումի արտայայտութիւններուն։ 

  • Կոչ սիրոյ եւ զգաստութեան
    Կոչ սիրոյ եւ զգաստութեան

    Իրանահայ գաղութը եւ թեհրանահայը յատկապէս խոր մտահոգութեամբ հետեւում է Հայաստանում - Երեւան եւ այլ քաղաքներում- տեղի ունեցող դէպքերին, ցոյցերին, դժգոհութեան ձայներին, որոնք արդիւնք են երկրի ներսում տեղի ունեցող դժգոհութիւններին, արդար պահանջներին։

  • ՀՀ նախագահ.  «Չի կարելի փորձութեան ենթարկել Հայաստանի եւ Արցախի անվտանգութիւնը»
    ՀՀ նախագահ. «Չի կարելի փորձութեան ենթարկել Հայաստանի եւ Արցախի անվտանգութիւնը»

    ՀՀ նախագահ Արմէն Սարգսեանը յայտարարութիւն է տարածել, որում մասնաւորապէս ասւում է․

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։