Հա

Քաղաքական

Չորեքշաբթի, 11 Հոկտեմբերի 2017 10:20

Աղւան Վարդանեան. «Համոզւած եմ՝ ՀՀ-ն 2018 թ. գարուն կը մտնի առանց հայ-թուրքական անհեռանկար ու սպառւած արձանագրութիւնների»

Խորապէս համոզւած եմ, որ Թուրքիան որեւէ բան չի անելու հայ-թուրքական արձանագրութիւնը վաւերացնելու համար, եւ մենք 2018 թւականի գարուն մտնելու ենք առանց այդ անիմաստ, անհեռանկար, սին արձանագրութիւնների:

«alikonline.ir» - Խորապէս համոզւած եմ, որ Թուրքիան որեւէ բան չի անելու հայ-թուրքական արձանագրութիւնը վաւերացնելու համար, եւ մենք 2018 թւականի գարուն մտնելու ենք առանց այդ անիմաստ, անհեռանկար, սին արձանագրութիւնների: «Tert.am»-ի հետ զրոյցում ասաց ՀՀ ԱԺ ՀՅԴ խմբակցութեան քարտուղար Աղւան Վարդանեանը, ով համոզւած է, որ ՀՀ նախագահի յայտարարութիւնը չի մղի Թուրքիային, որ ստորագրի արձանագրութիւնները:

Յիշեցնենք, որ 8 տարի առաջ՝ 2009 թւականի հոկտեմբերի 10-ին Ցիւրիխում ստորագրւեցին հայ-թուրքական արձանագրութիւնները, որոնք այդպէս էլ չվաւերացւեցին եւ կեանքի չկոչւեցին։ Նախագահ Սերժ Սարգսեանը 2017 թւականի սեպտեմբերի 20-ին ՄԱԿ-ի գագաթնաժողովին յայտարարեց, որ եթէ Թուրքիան մինչեւ գարուն չվաւերացնի Ցիւրիխեան արձանագրութիւնները, ապա դրանք առ ոչինչ կը յայտարարւեն մեր կողմից:

Ըստ Աղւան Վարդանեանի՝ Թուրքիայի այսօրւայ ղեկավարութիւնը որեւէ քայլ չի անելու այս ուղղութեամբ: 

«Մօտենում է այն խելամիտ ժամկէտը, որի մասին ՀՀ նախագահը պարբերաբար ասել է։ Մենք ունենք յստակ պետական դիրքորոշում, որը, կարծում եմ, նոյն «Դաշնակցութեան» դիրքորոշումն է, որն ի վերջոյ դարձաւ Սահմանադրական դատարանի որոշում: Եւ ակնյայտ է, որ առնւազն Թուրքիայի այսօրւայ ղեկավարութիւնը որեւէ քայլ չի անելու այս ուղղութեամբ: Շատերն ասում են, որ նախագահի այս ելոյթը նրա համար էր, որ շահագրգռի Թուրքիային, կամ Եւրոպան, ԱՄՆ-ն փորձեն Թուրքիայի հետ աշխատել, որ Թուրքիան առաջ գնայ, սակայն մենք յաճախ փաստերը մոռանում ենք»,- յաւելեց Վարդանեանը։

Յարակից Հրապարակումներ

Ամենաշատ ընթերցւած

Քւէարկութիւն

Սարգսեան-Ալիեւ վերջին հանդիպման արդիւնքում կը գրանցւի՞ արդեօք առաջընթաց ԼՂ հակամարտութեան կարգաւորման գործում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։