Հա

Քաղաքական

02/12/2017

ԱՀ ԱԳ նախարարը՝ «Շարղ» օրաթերթի հետ զրոյցում. «Ցանկանում ենք Իրանի հետ ունենալ ակտիւ սահման»

Իրանցի քաղաքական փորձագէտ, լրագրող Սալար Սէյֆօլդինին բացառիկ հարցազրոյց է անցկացրել Արցախի Հանրապետութեան ԱԳ նախարար Մասիս Մայիլեանի հետ, որը տպագրւել է «Շարղ» օրաթերթի այսօրւայ համարում:

«alikonline.ir» - Իրանցի քաղաքական փորձագէտ, լրագրող Սալար Սէյֆօլդինին բացառիկ հարցազրոյց է անցկացրել Արցախի Հանրապետութեան ԱԳ նախարար Մասիս Մայիլեանի հետ, որը տպագրւել է «Շարղ» օրաթերթի այսօրւայ համարում:

Զրոյցի ընթացքում անդրադարձ է կատարւել ԼՂ հակամարտութեանը վերաբերող ամենատարբեր հարցերին:

Պատասխանելով Իրանի Իսլամական Հանրապետութեան հետ կապւած Արցախի Հանրապետութեան քաղաքականութեան դոկտրինայի մասին հարցին, Մասիս Մայիլեանը նշել է, որ պաշտօնական Ստեփանակերտը բարձր է գնահատում ԼՂ հակամարտութեան հետ կապւած Իրանի կառուցողական եւ չէզոք դիրքորոշումը:

«Մենք դրական ենք վերաբերում Իրանին եւ բարձր ենք գնահատում ԼՂ հակամարտութեան հետ կապւած այդ երկրի դիրքորոշումը: Քանզի այն հաւասարակշռւած քաղաքականութիւն է, որը հիմնւած է չէզոքութեան պահպանման սկզբունքի վրայ: Մենք յիշում ենք, որ դեռեւս 1992 թւականի կէսերին, Իրանը որպէս միջնորդ երկիր ներգրաււած էր հակամարտութիւնում, իսկ սա նշանակում է, որ Իրանը ձգտում է տարածաշրջանում խաղաղութեան հաստատմանը: Վերջին տարիներին մշտապէս խօսւում է այն մասին, որ Իրանը ցանկանում է միջնորդի դեր ստանձնել հակամարտութեան կարգաւորման գործում: Սա շատ կարեւոր է. Իրանը բարիդրացիական յարաբերութիւններ ունի հակամարտող երկու կողմի հետ»,- ասել է Մասիս Մայիլեանը՝ նշելով, որ պաշտօնական Ստեփանակերտը ցանկանում է ակտիւ սահման ունենալ Իրանի հետ:

Զրոյցի ընթացքում Սալար Սէյֆօլդինին անդրադարձել է այն հարցին, թէ խաղաղութեան վերջնական պայմանագրի դէպքում Արցախը հաւանաբար ստիպւած է լինելու ազատագրւած եօթ տարածքներից, այդ թւում, նաեւ Իրանի հետ սահմանային գօտին յետ վերադարձնել Բաքւին: Արդիւնքում, գործնականում, կը վերանայ Իրանի հետ հարեւանութեան թեման:

ԱՀ ԱԳ նախարարն արձագանգել է. «Հարկաւոր է ընդգծեմ, որ Արցախի սահմաններից դուրս մենք որեւէ տարածք չունենք: Իհարկէ կան տարածքներ, որոնք այսօր մեր վերահսկողութեան տակ չեն գտնւում: Օրինակ Շահումեանի շրջանը, Մարտունու եւ Մարտակերտի որոշ շրջանները, որոնք գտնւում են ադրբեջանական կողմի վերահսկողութեան ներքոյ: Այսինքն Արցախի Հանրապետութեան տարածքների 15 տոկոսը: Երկրի սահմանադրութիւնը յստակ նշում է, որ Արցախ կոչւում են այն տարածքները, որոնք գտնւում են Արցախի իշխանութիւնների վերահսկողութեան ներքոյ: Սա ժողովրդի կամքն ու ցանկութիւնն է»:

Պատասխանելով Ապրիլեան քառօրեայ պատերազմի ընթացքում Ռուսաստանի դերակատարութեան, եւ յօգուտ Բաքւին այդ երկրի արտաքին քաղաքականութեան հնարաւոր փոփոխութեան մասին հարցին Մասիս Մայիլեանը, նշել է, թէ չի կարծում, որ Ռուսաստանը փոխել է իր դիրքորոշումը:

«Ռուսաստանը, ԱՄՆ-ը եւ Ֆրանսիան համարւում են Մինսկի խմբի համանախագահները, եւ համադրւած դիրքորոշում են կիրառել տարածաշրջանում խաղաղութեան հաստատման հետ կապւած: Եթէ կոնկրետ խօսենք Ապրիլեան քառօրեայ պատերազմի մասին, ապա պէտք է նշեմ, որ Ռուսաստանն աւելի ակտիւ դերակատարութիւն ունեցաւ ռազմական գործողութիւնների դադարեցման գործում, քանզի ՄԽ-ի համանախագահներից միայն նա ունէր կողմերի վրայ ազդելու համար համապատասխան միջոցները»:

Խօսելով խաղաղութեան կայացման դէպքում ազերի փախստականների վերադարձի հնարաւորութեան մասին, ԱՀ արտաքին քաղաքական գերատեսչութեան ղեկավարը մասնաւորապէս նշել է. «Այս հակամարտութիւնից կան տուժածներ: Սովետական Միութեան օրօք, 1989 թւկանին, Ադրբեջանում 390 հազար հայ էր ապրում: Այլ տւեալներով այդ թիւը հասնում էր մինչեւ 400-500 հազարի: Միեւնոյն ժամանակ, նոյն ժամանակահատւածում, Արցախում 40 հազար ադրբեջանցի էր ապրում: Սա նշանակում է, որ Ադրբեջանում հայերի թիւը 10 անգամ գերազանցում էր Արցախում ադրբեջանցիների թւին: Ադրբեջանի հայերը տարագրւեցին հակամարտութեան պատճառով:

Այս խնդիրն անհրածեշտ է կարգաւորել, հաշւի առնելով բոլոր փախստականների իրաւունքները»:

Նշենք, որ հարցազրոյցի ամբողջական տարբերակին կարող էք ծանօթանալ «Շարղ» օրաթերթի այսօրւայ համարում, կամ «alikonline»-ին պարսկերէն բաժնում:

Յարակից լուրեր

  • Երբ հարեւանը պատժամիջոցների տակ է. Հայաստաննն ու Իրանը խօսելու բան ունեն
    Երբ հարեւանը պատժամիջոցների տակ է. Հայաստաննն ու Իրանը խօսելու բան ունեն

    Իրանի նախագահ Ռոհանին վերջերս էներգետիկայի նախարար Ռեզա Արդականիանի միջոցով Հայաստանի վարչապետ Նիկոլ Փաշինեանին Թեհրան այցելելու հրաւէր է փոխանցել։ Հաշւի առնելով երկու երկրների փոխշահաւէտ յարաբերութիւնները` երկու երկրների առաջնորդները քննարկելու բան ունեն ու կարող են պայմանաւորւածութիւնների հասնել։ 

  • Թ.Հ.Թ. առաջնորդը դատապարտել է Թրամփի՝ հակաիրանական քայլերը
    Թ.Հ.Թ. առաջնորդը դատապարտել է Թրամփի՝ հակաիրանական քայլերը

    Թեհրանի հայոց թեմի առաջնորդ Տ. Սեպուհ Ս. արք. Սարգսեանը դատապարտել է ԱՄՆ նախագահ Դոնալդ Թրամփի՝ հակաիրանական քայլերն ու յայտարարութիւնները, իրանահայ համայնքի անունից զօրակցութիւն յայտնելով Իրանի մեծ ժողովրդին:

  • ՀՀ ԱԳՆ. «Իրանի հետ յարաբերութիւնները ՀՀ-ի համար կենսական են»
    ՀՀ ԱԳՆ. «Իրանի հետ յարաբերութիւնները ՀՀ-ի համար կենսական են»

    ՀՀ ԱԳՆ մամուլի խօսնակի ժամանակաւոր պաշտօնակատար Աննա Նաղդալեանը լրագրողների հետ զրոյցում յայտարարել է, որ Իրանի Իսլամական Հանրապետութեան հետ յարաբերութիւնները Հայաստանի համար կենսական նշանակութիւն ունեն:

  • «CONIFA»-ի միջազգային մրցաշարը կանցկացւի Արցախում
    «CONIFA»-ի միջազգային մրցաշարը կանցկացւի Արցախում

    «CONIFA»-ի (անկախ ֆուտբոլային ասոցիացիաների կոնֆեդերացիա) հովանու ներքոյ անցկացւող «Եւրոպական ֆուտբոլի գաւաթ 2019» մրցաշարը անցկացւելու է Արցախի Հանրապետութիւնում:

  • Ամերիկեան պատժամիջոցներով պայմանաւորւած Իրանը եւ Թուրքիան ակտիւացնում են երկկողմ փոխգործակցութիւնը
    Ամերիկեան պատժամիջոցներով պայմանաւորւած Իրանը եւ Թուրքիան ակտիւացնում են երկկողմ փոխգործակցութիւնը

    Իրանի եւ Թուրքիայի վերջին երկու տասնամեակի յարաբերութիւնները բնութագրելիս արտաքուստ այնպիսի տպաւորութիւն է ստեղծւում, թէ տարածաշրջանի այս երկու մրցակից երկրների յարաբերութիւնները մշտապէս լարւած են եւ առկայ է փոխադարձ անվստահութեան մթնոլորտ: Թէեւ մի շարք առանցքային հարցերում Իրանը եւ Թուրքիան ունեն լուրջ տարաձայնութիւններ, սակայն իրականում տարածաշրջանի այդ երկու ազդեցիկ պետութիւնները միմեանց հնարաւորութիւնները ճիշտ գնահատելով, կարողանում են փոխշահաւէտ համագործակցութիւն ծաւալել` յատկապէս տնտեսութեան ոլորտում: 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։