Հա

Քաղաքական

27/12/2017 - 08:40

Սերժ Սարգսեանը Մոսկւայում մասնակցել է ԱՊՀ մասնակից պետութիւնների ղեկավարների ոչ պաշտօնական հանդիպմանը

ՀՀ նախագահ Սերժ Սարգսեանը Մոսկւայում մասնակցել է ԱՊՀ մասնակից պետութիւնների ղեկավարների ոչ պաշտօնական հանդիպմանը:

«alikonline.ir» - Աշխատանքային այցով Ռուսաստանի Դաշնութիւնում գտնւող ՀՀ նախագահ Սերժ Սարգսեանը դեկտեմբերի 26-ին Մոսկւայում մասնակցել է ԱՊՀ մասնակից պետութիւնների ղեկավարների ոչ պաշտօնական հանդիպմանը: Տեղեկացնում է «yerkir.am»-ը:

Պետութիւնների ղեկավարները հանդիպման ընթացքում ամփոփել են ԱՊՀ-ում 2017 թւականին ռուսաստանեան նախագահութեան արդիւնքները եւ մտքեր են փոխանակել տարբեր ոլորտներում համագործակցութեան յետագայ զարգացման հարցերի շուրջ:

Հանդիպման սկզբում ՀՀ նախագահ Սերժ Սարգսեանը ԱՊՀ մասնակից պետութիւնների գործընկերների հետ միասին շնորհակալութիւն է յայտնել հիւրընկալող երկրի նախագահ Վլադիմիր Պուտինին ԱՊՀ-ում Ռուսաստանի ակտիւ նախագահութեան, ինչպէս նաեւ մոսկովեան ոչ պաշտօնական հանդիպումը կազմակերպելու համար: Այն, ըստ Սերժ Սարգսեանի, լաւ առիթ է ընդգծելու Ռուսաստանի կայունացնող եւ միաւորող դերը: ՀՀ նախագահը նշել է, որ այս տարի Ռուսաստանում արձանագրւած տնտեսական դրական միտումները դրականօրէն են ազդել նաեւ Հայաստանի ընդհանուր տնտեսական վիճակի վրայ: Նախագահ Սարգսեանը յաջորդ տարում եւս յաջողութիւններ է մաղթել Ռուսաստանին եւ նրա նախագահին` ի բարօրութիւն Ռուսաստանի ժողովրդի եւ ի նպաստ հայ-ռուսական բարեկամութեան:

Սերժ Սարգսեանը յաջողութիւններ եւ ակտիւ աշխատանք է մաղթել նաև ԱՊՀ-ում 2018 թւականին նախագահութիւնը ստանձնող երկրի` Տաջիկստանի նախագահ Էմոմալի Ռահմոնին:

Յարակից լուրեր

  • «Հրապարակ». «ՀՀԿ-ն պատրաստ է իշխանութիւնների հետ յուշագիր ստորագրել, որ վարչապետի թեկնածու չի առաջադրի, բայց պայմանով»
    «Հրապարակ». «ՀՀԿ-ն պատրաստ է իշխանութիւնների հետ յուշագիր ստորագրել, որ վարչապետի թեկնածու չի առաջադրի, բայց պայմանով»

    «Հրապարակ» թերթն իր այսօրւայ համարում գրում է. «Տեւական դադարից յետոյ նախորդ օրը Մելիք-Ադամեանում անցկացւած ՀՀԿ ԳՄ նիստը բաւականին հետաքրքիր է անցել։ Սերժ Սարգսեանը լռել է եւ հնարաւորութիւն է տւել բոլորին արտայայտւել, յայտնել իրենց կարծիքը «խնդրոյ առնչութեամբ»։ 

  • «Փաստ». «Սերժ Սարգսեանը խուսափում է մարդաշատութիւնից. ՀՀԿ-ականները շփոթմունքի մէջ են»
    «Փաստ». «Սերժ Սարգսեանը խուսափում է մարդաշատութիւնից. ՀՀԿ-ականները շփոթմունքի մէջ են»

    «Փաստ» օրաթերթը գրում է. «Ի տարբերութիւն նախկինի, իշխանափոխութիւնից յետոյ ՀՀԿ-ն գրեթէ ԳՄ նիստեր չի հրաւիրում, էլ չենք խօսում խորհրդի նիստերի մասին: Բանն այն է, որ կուսակցութեան ղեկավար Սերժ Սարգսեանն ուղղակի խուսափում է մարդաշատութիւնից: 

  • Արցախեան քառակուսի. արդեօ՞ք Փաշինեանին պէտք է հանդիպել ՀՀ նախկին նախագահներին
    Արցախեան քառակուսի. արդեօ՞ք Փաշինեանին պէտք է հանդիպել ՀՀ նախկին նախագահներին

    ԵԱՀԿ ՄԽ Ռուսաստանի նախկին համանախագահը կարծում է, որ Փաշինեանը պէտք է հանդիպի հանրապետութեան նախկին նախագահների հետ։ Փորձագէտներն այս հարցում այդքան էլ լաւատես չեն։

    Որոշ փորձագէտներ կարծում են, որ Հայաստանի նոր իշխանութիւնները արցախեան հիմնախնդրի վերաբերեալ երկրի քաղաքականութիւնը պէտք է քննարկեն նախկին նախագահների հետ։

  • Այլեւս՝ երբեք
    Այլեւս՝ երբեք

    Հանրութիւնը ցնծում է, կալանաւորւել է ՀՀ երկրորդ նախագահ Ռոբերտ Քոչարեանը։ Վերջապէս յոյսեր են արթնանում, որ կը բացայայտւեն 2008 թւականի մարտի 1-ի ողբերգական գիշերւայ 10 զոհերի մահւան իրական հանգամանքները եւ մեղաւորները կը պատժւեն։ Ռոբերտ Քոչարեանին մեղադրանք է առաջադրւել ՀՀ քրէական օրէնսգրքի 300.1-ին յօդւածի 1-ին մասով այն բանի համար, որ նա այլ անձանց հետ նախնական համաձայնութեամբ տապալել է Հայաստանի Հանրապետութեան սահմանադրական կարգը:

  • Փնտրւում է Հայաստանի Հանրապետութիւնը
    Փնտրւում է Հայաստանի Հանրապետութիւնը

    Այս պատմութիւնը ո՛չ Ռոբերտ Քոչարեանի մասին է, ո՛չ Սերժ Սարգսեանի, ո՛չ Լեւոն Տէր-Պետրոսեանի, ո՛չ Արմէն Սարգսեանի, ո՛չ էլ Նիկոլ Փաշինեանի, որի անունը վերջինն եմ գրում, ոչ թէ որովհետեւ ամենաչսիրւածն է, այլ քանի որ միւսները նախագահ են: Ի դէպ, նախագահը նախկին չի լինում, այսինքն` երբ «Երկիր Մեդիա»-ի եթերում Գեղամ Մանուկեանը Ռոբերտ Քոչարեանին դիմում է՝ պարո՛ն նախագահ, պէտք չէ գունատւել, կատաղութիւնից եղունգները կրծոտել, բարձր հայհոյել, սառը թան խմել… Եթէ մարդը գոնէ մէկ անգամ եղել է նախագահ (դիտմամբ չօգտագործեցի ընտրւել բառը), ուրեմն նա միշտ նախագահ է, ճիշտ` օլիմպիական չեմպիոնների պէս, որոնք նոյնպէս նախկին չեն լինում:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։