Հա

Քաղաքական

%PM, %10 %423 %2018 %12:%Հնվ

Հայաստանը ձեռք կը բերի՞ «SU-30» կործանիչներ. տարածաշրջանային անվտանգութեան փորձագէտի վերլուծութիւնը

«The Central Asia-Caucasus Institute»-ի (CACI) կայքում տարածաշրջանային անվտանգութեան փորձագէտը փորձել է ենթադրել, թէ ինչ ռազմական տեխնիկայ ձեռք կը բերի Հայաստանը Ռուսաստանի կողմից տրամադրւող նոր ռազմական վարկի շրջանակում:

«alikonline.ir» - «The Central Asia-Caucasus Institute»-ի (CACI) կայքում տարածաշրջանային անվտանգութեան փորձագէտը փորձել է ենթադրել, թէ ինչ ռազմական տեխնիկայ ձեռք կը բերի Հայաստանը Ռուսաստանի կողմից տրամադրւող նոր ռազմական վարկի շրջանակում: Գրում է «tert.am»-ը:

Էդւարդ Աբրահամեանը յիշեցնում է, որ հոկտեմբերի 6-ին Հայաստանի խորհրդարանը միաձայն վաւերացրել է հայ-ռուսական 100 միլիոն դոլարի «պետական արտահանման վարկը»: Հոկտեմբերի 24-ին ստորագրւած համաձայնագիրը թոյլ կը տայ Երեւանին Ռուսաստանի արտադրած զինատեսակներ ձեռք բերել «Ընդհանուր պաշտպանութեան ոլորտի զարգացման ծրագիրն» իրականացնելու համար:

Սա Մոսկւայի կողմից տրամադրւած երկրորդ ծրագրային ռազմական վարկն է Հայաստանին՝ 2015 թւականին համաձայնեցրած 200 միլիոն դոլարի վարկից յետոյ:

Ռուսաստանի նոր վարկը նախատեսւած է Երեւանին թոյլ տալ շարունակել 2011 թւականից ի վեր իրականացւող ռազմական տեխնիկայի հետեւողական գնումները՝ փորձելով թոյլ չտալ Ադրբեջանին ռազմատեխնիկական գերակայութիւն հաստատել:

Հայաստանն աշխատում է հնացած սարքաւորումներից իր կախւածութիւնը վերացնելու ուղղութեամբ: Անկախութիւնից ի վեր Ռուսաստանի օգնութիւնն առանցքային է եղել ցամաքային ուժերի հին համակարգերի  պահպանութեան համար՝ մշտապէս տրամադրելով անհրաժեշտ պահեստամասեր եւ տեխնիկական աջակցութիւն, ինչպէս նաեւ վերապատրաստելով տեխնիկներին: Այժմ ռազմատեխնիկայի համար տրամադրւող վարկերը թոյլ կը տան Հայաստանին վերափոխել հնացած սարքաւորումները, եւ հետեւաբար՝ դրանք Հայաստանի պաշտպանութեան քաղաքականութեան առաջնահերթութիւն են համարւում:

Նոյեմբերի 15-17-ին 2018 թւականի պետական բիւջէի նախագծի շուրջ խորհրդարանական լսումների ժամանակ ԱԺ պաշտպանութեան, ազգային անվտանգութեան եւ ներքին գործերի մշտական յանձնաժողովի նախագահ Կորիւն Նահապետեանը որոշ մանրամասներ է բացայայտել առաջիկայում ակնկալւող սարքաւորումների ձեռքբերման առաջնահերթութիւնների վերաբերեալ:

Ինչ վերաբերում է առաջիկայ գնումներին՝ Նահապետեանն ընդգծել է ՀՀ զինւած ուժերը համապատասխան շարժական հրետանիով, հակաօդային պաշտպանութեան միջոցներով եւ աւիացիոն ռեսուրսներով զինելու անհրաժեշտութիւնը: Նրա խօսքերը տեղիք են տւել ենթադրութիւնների, որ Հայաստանը ձգտում է ձեռք բերել «SU-30SM» կործանիչները: Այս մարտական ինքնաթիռների ձեռքբերման մասին դեռեւս առաջարկել էր պաշտպանութեան նախկին նախարար Սէյրան Օհանեանը, բայց այդ հարցը սառեցւել էր 2016 թւականի ապրիլեան դէպքերի պատճառով:

Փորձագէտի կարծիքով, սակայն, մարտական ուղղաթիռների ձեռքբերումն, այնուամենայնիւ, առաջիկայ տարիներին աւելի իրատեսական է՝ հաշւի առնելով, որ «SU-30SM» ինքնաթիռների գործառնական նպատակայարմարութիւնը կասկածելի է Հայաստանի երկնքում:

Պաշտպանութեան նախարարութեան խօսնակ Արծրուն Յովհաննիսեանն ընդգծել է, որ առանցքային խնդիրը Հայաստանի զինւած ուժերը պատշաճ կերպով վերազինելն է միջոցներով, որոնք տալիս են մեծ ճշգրտութեան հնարաւորութիւն: Փորձագէտը եզրակացնում է, որ Հայաստանի պաշտպանութեան նախարարութիւնը կենտրոնացած է աւելի շատ որակի, քան քանակի վրայ, եւ կը ձգտի ձեռք բերել համեմատաբար ժամանակակից սպառազինութիւն:

اخبار مرتبط

  • «Ազդակ»-ի խմբագրական. Այսօրուան առաջադրանքին Սահմանդրական հիմքը
    «Ազդակ»-ի խմբագրական. Այսօրուան առաջադրանքին Սահմանդրական հիմքը

    Արտախորհրդարանական ընդդիմադիր զանգուածը յայտնաբար յաջողած է իրավիճակ ստեղծել։ Նոր սահմանադրութիւնն ու նոր ընտրակարգը նոր գործառոյթներ եւ նոր յաւելեալ իրաւական ազդեցիկութիւն ապահովելու նախադրեալներ կը յուշէին խորհրդարանական ընդդիմութեան, որ զուտ թուաբանական առումով այս փուլին չնպաստեց, որ ակնկալուած չափով կայանայ։

  • Արցախի Ազգային ժողովի քաղաքական ուժերի յայտարարութիւնը
    Արցախի Ազգային ժողովի քաղաքական ուժերի յայտարարութիւնը

    Արցախում խորը անհանգստութիւն կայ վերջին օրերին Հայաստանի Հանրապետութեան մայրաքաղաք Երեւանում եւ այլ քաղաքներում ծաւալւող իրադարձութիւնների շուրջ: Դժւար չէ պատկերացնել թիկունքի ամրութեան այն զգացողութիւնը, որն անչափ պահանջւած է Արցախում ապրող հայ մարդու եւ սահմանը պահող զինւորի համար:

  • Ժորժիկ Աբրահամեան. «Երկխօսելը կը տանի հաւաքական հանգուցալուծման»
    Ժորժիկ Աբրահամեան. «Երկխօսելը կը տանի հաւաքական հանգուցալուծման»

    Իրանի խորհրդարանի պատգամաւոր Ժորժիկ Աբրահամոան «yerkir.am»-ի հետ զրոյցում անդրադարձաւ Հայաստանում վերջին 10 օրերին տիրող իրավիճակին: Նա նախ նշեց, որ իրադարձութիւնների մասին տեղեկանում է զանգւածային լրատւամիջոցներից ու որոշ ցանցերից, եւ ըստ այդմ` տպաւորութիւնը հետեւեալն է` ժողովրդի կուտակւած պահանջների պոռթկում է:

  • Նպատակը յստակ է՝ Իրան-ՀՀ յարաբերութիւնների ամրակայում. Կ. Խանլարեանը՝ «Արաքսի վրայ ՀԷԿ-երի կառուցման վերաբերեալ» օրինագծի ընդունման մասին
    Նպատակը յստակ է՝ Իրան-ՀՀ յարաբերութիւնների ամրակայում. Կ. Խանլարեանը՝ «Արաքսի վրայ ՀԷԿ-երի կառուցման վերաբերեալ» օրինագծի ընդունման մասին

    Իրանի Մեջլիսի հայազգի պատգամաւոր Կարէն Խանլարեանի խօսքով՝ Իրանի խորհրդարանի կողմից «Արաքս գետի վրայ ՀԷԿ-երի կառուցման վերաբերեալ» օրինագծի ընդունումը նշանակում է` մեծ կամք կայ, որ նախագիծն իրականանայ: 

  • «Ապառաժ»-ի խմբագրական. Զգօնութիւնը` հրամայական
    «Ապառաժ»-ի խմբագրական. Զգօնութիւնը` հրամայական

    Անցեալ երկու շաբաթւայ ընթացքում մեր տարածաշրջանում տեղի ունեցած իրադարձութիւնները բուռն էին, եւ որին մասնակից ենք` ուզենք, թէ ոչ:

    Բացի Սիրիայի շուրջ տեղի ունեցող իրադարձութիւններից, քաղաքական դիտանկիւնից յագեցած շաբաթ ունեցանք: Ադրբեջանում տեղի ունեցան նախագահական ընտրութիւններ, իսկ Հայաստանն անցաւ նոր կառավարման համակարգի, տեղի ունեցաւ ՀՀ նախագահի երդմնակալութիւնը եւ սկսւել է նոր վարչապետի ընտրութեան գործընթացը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։