Հա

Քաղաքական

24/01/2018 - 12:40

Սերժ Սարգսեանը կարեւորել է ֆրանսիացի խորհրդարանականների այցերն Արցախ

Ֆրանսիա աշխատանքային այցի շրջանակներում ՀՀ նախագահ Սերժ Սարգսեանը յունւարի 23-ի երեկոյեան հանդիպում է ունեցել Ֆրանսիայի Հանրապետութեան Ազգային ժողովի Ֆրանսիա-Հայաստան բարեկամութեան խմբի նախագահ Ժակ Մարիլոսեանի, Սենատի Ֆրանսիա-Հայաստան բարեկամութեան խմբի նախագահ Ժիլբէր-Լիւկ Դըւինազի եւ այդ պատգամաւորական խմբերի անդամների հետ: Հանդիպմանը նախագահ Սերժ Սարգսեանը եւ Ֆրանսիա-Հայաստան բարեկամութեան խմբի նախագահ Ժակ Մարիլոսեանը հանդէս են եկել ելոյթներով:

«alikonline.ir» - Ֆրանսիա աշխատանքային այցի շրջանակներում ՀՀ նախագահ Սերժ Սարգսեանը յունւարի 23-ի երեկոյեան հանդիպում է ունեցել Ֆրանսիայի Հանրապետութեան Ազգային ժողովի Ֆրանսիա-Հայաստան բարեկամութեան խմբի նախագահ Ժակ Մարիլոսեանի, Սենատի Ֆրանսիա-Հայաստան բարեկամութեան խմբի նախագահ Ժիլբէր-Լիւկ Դըւինազի եւ այդ պատգամաւորական խմբերի անդամների հետ: Հանդիպմանը նախագահ Սերժ Սարգսեանը եւ Ֆրանսիա-Հայաստան բարեկամութեան խմբի նախագահ Ժակ Մարիլոսեանը հանդէս են եկել ելոյթներով: Այս մասին «Արմէնպրես»-ին տեղեկացրին ՀՀ նախագահի աշխատակազմի հասարակայնութեան եւ տեղեկատւութեան միջոցների հետ կապերի վարչութիւնից:

Իր ելոյթում ՀՀ նախագահը յատուկ անդրադարձել է ԼՂ հակամարտութեանը՝ նշելով, որ հակամարտութեան խաղաղ կարգաւորումը չունի այլընտրանք: Այդ գործընթացում նա կարեւորել է Ֆրանսիայի դերակատարութիւնը, յատուկ ընդգծելով ֆրանսիացի պատգամաւորների ճանաչողական այցերն Արցախ:

«Մենք համոզւած ենք, որ Լեռնային Ղարաբաղի հակամարտութեան խաղաղ կարգաւորումն այլընտրանք չունի: Այս մասին ես յայտարարել եմ հնարաւոր բոլոր բարձր ամբիոններից եւ այժմ էլ վերահաստատում եմ մեր այս յանձնառութիւնը: Եւ իհարկէ, այս առումով մենք շատ բարձր ենք գնահատում մեր բարեկամ եւ վստահելի գործընկեր Ֆրանսիայի՝ որպէս ԵԱՀԿ Մինսկի խմբի համանախագահող երկրի ջանքերն ուղղւած հիմնահարցի խաղաղ բանակցային կարգաւորմանը: Միաժամանակ, բոլորը պէտք է շատ յստակ գիտակցեն, որ Լեռնային Ղարաբաղի հիմնախնդիրը մարդու իրաւունքների խնդիր է: Եւ այն կարող է լուծւել միայն մարդու հիմնարար եւ անօտարելի իրաւունքներից մէկի՝ ժողովրդի ազատ ինքնորոշման միջոցով: Ադրբեջանը պէտք է ճանաչի եւ յարգի Արցախի ժողովրդի կողմից սեփական ապագան ինքնուրոյն որոշելու իրաւունքը, իսկ արցախահայութեան անվտանգութիւնը պէտք է երաշխաւորւած լինի բոլոր հնարաւոր միջազգային եւ ներքին մեխանիզմներով: Եւ այս առումով նոյնպէս ի դէմս ձեզ շատ կարեւոր է Ֆրանսիայի ձայնը, քանզի Ֆրանսիան խաղաղութեան ջատագով է, իսկ մարդու իրաւունքների պաշտպանութիւնն ու խթանումը մշտապէս Ֆրանսիայի առաջնահերթութիւնն է եղել: 

Եւ այս համատեքստում մեծապէս կարեւորում եմ նաեւ ֆրանսիացի խորհրդարանականների այցերը Արցախ, սեփական աչքերով տեսածի փոխանցումը Ֆրանսիայի հանրութեանը, ինչը հսկայական, ուղղակի անգնահատելի նպաստ է բերում Արցախի խնդրի արդարացի կարգաւորմանը: Եւ հետեւելով ձեր օրինակին՝ արդէն իսկ բազմաթիւ երկրների օրէնսդիրներ են այցելում ԼՂ, ինչն, անշուշտ, տալիս է իր դրական արդիւնքները: Մեր բարեկամ պետութիւնների նմանօրինակ ջանքերի շնորհիւ՝ Արցախի ժողովուրդը փոքր, բայց հաստատուն քայլերով յաղթահարում է Ադրբեջանի քարոզչական կեղծիքը»,- ասել է ՀՀ նախագահը:

Յարակից լուրեր

  • ՀՅԴ Հայ Դատի պատւիրակութիւնը վերահաստատել է կուսակցութեան յանձնառութիւնը
    ՀՅԴ Հայ Դատի պատւիրակութիւնը վերահաստատել է կուսակցութեան յանձնառութիւնը

    Յունւարի 19-ին Արցախի Հանրապետութեան արտաքին գործերի նախարար Մասիս Մայիլեանն ընդունել է ՀՅԴ Հայ Դատի Կենտրոնական խորհուրդի նախագահ, ՀՅԴ Բիւրոյի անդամ Յակոբ Տէր-Խաչատրեանի գլխաւորած պատւիրակութեանը։

  • Արտակ Զաքարեան. «Հայաստանը բանակցային փուլում յանուն թւացեալ խաղաղութեան կարող է յայտնւել զիջումների գնալու ճանապարհին՝ միջազգային ճնշման տակ»
    Արտակ Զաքարեան. «Հայաստանը բանակցային փուլում յանուն թւացեալ խաղաղութեան կարող է յայտնւել զիջումների գնալու ճանապարհին՝ միջազգային ճնշման տակ»

    Ենթադրում եմ, որ այն, ինչի մասին մենք խօսում եւ զգուշացնում էինք, կարող է իրականութիւն դառնալ: «Tert.am»-ի հետ զրոյցում ասաց ՀՀ ԱԺ արտաքին յարաբերութիւնների յանձնաժողովի նախկին նախագահ, պաշտպանութեան նախկին փոխնախարար Արտակ Զաքարեանը՝ նշելով, որ Հայաստանը բանակցային փուլում յանուն թւացեալ խաղաղութեան կարող է յայտնւել զիջումների գնալու ճանապարհին՝ միջազգային ճնշման տակ:

  • Դեղին քարտ` յետյեղափոխական Հայաստանի դատաիրաւական համակարգին. «Փաստ»
    Դեղին քարտ` յետյեղափոխական Հայաստանի դատաիրաւական համակարգին. «Փաստ»

    «Փաստ» թերթը գրում է. «Սոյն թւականի յունւարի 17-ին Մարդու իրաւունքների եւրոպական դատարանը 39-րդ Կանոնի համաձայն որոշել է միջանկեալ միջոց կիրառել Սամուէլ Մայրապետեանի գործով եւ ցուցում է տւել Հայաստանի կառավարութեանը շտապ կերպով ապահովել Սամուէլ Մայրապետեանի առողջական վիճակին համապատասխան բուժօգնութիւն՝ համաձայն բժիշկ մասնագէտների ցուցումների՝ այդ թւում տրանսլիւմինալ դրենաւորման մեթոդի կիրառմամբ:

  • Ի՞նչ հաշտեցում, քանի դեռ կռւի պատճառները վերացւած չեն
    Ի՞նչ հաշտեցում, քանի դեռ կռւի պատճառները վերացւած չեն

    «Նախարարները քննարկել են Լեռնային Ղարաբաղի հակամարտութեան կարգաւորման հետ կապւած հարցերի լայն շրջանակ եւ համաձայնել են, որ անհրաժեշտ է բնակչութեանը խաղաղութեան նախապատրաստելուն ուղղւած կոնկրետ միջոցառումներ ձեռնարկել»: Սա մի հատւած է ԵԱՀԿ ՄԽ համանախագահների յայտարարութիւնից, որ տարածւել է Փարիզում յունւարի 16-ին տեղի ունեցած` Հայաստանի եւ Ադրբեջանի արտգործնախարարների հանդիպումից յետոյ: 

  • Դաւիթ Բաբայեան. «Պարտադրանք չի կարող լինել»
    Դաւիթ Բաբայեան. «Պարտադրանք չի կարող լինել»

    ՀՀ արտգործնախարարի պաշտօնակատար Զոհրաբ Մնացականեանի եւ Ադրբեջանի ԱԳ նախարար Էլմար Մամեդեարովի՝ յունւարի 16-ին Փարիզում կայացած հանդիպումը դարձել է քաղաքացիների, քաղաքագետների, սոցցանցերի քննարկման առարկան։

    Ինչի՞ մասին է խօսւել, ի՞նչ է քննարկւել, ինչի՞ց յետոյ են եկել համաձայնութեան՝ հարցականներ են։ «Panorama.am»-ի թղթակիցը այս ամէնի շուրջ խօսեց Արցախի Հանրապետութեան նախագահի աշխատակազմի տեղեկատւութեան գլխաւոր վարչութեան պետ Դաւիթ Բաբայեանի հետ։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։