Հա

Քաղաքական

25/01/2018

Սերժ Սարգսեանը՝ Ադրբեջանի պատւիրակութեան ղեկավարին. «Դուք առաւելագոյնն էք ուզում, դուք անհնարինն էք ուզում»

Բանակցային գործընթացում դուք առաւելագոյնն էք ուզում, դուք անհնարինն էք ուզում, դուք ուզում էք Ղարաբաղը վերադարձնել Ադրբեջանի կազմ: ԵԽԽՎ-ում նման յայտարարութիւն արեց ՀՀ նախագահն՝ ի պատասխան Ադրբեջանի պատւիրակութեան ղեկավարի հարցի:

«alikonline.ir» - Բանակցային գործընթացում դուք առաւելագոյնն էք ուզում, դուք անհնարինն էք ուզում, դուք ուզում էք Ղարաբաղը վերադարձնել Ադրբեջանի կազմ: ԵԽԽՎ-ում նման յայտարարութիւն արեց ՀՀ նախագահ Սերժ Սարգսեանը՝ ի պատասխան Ադրբեջանի պատւիրակութեան ղեկավար Սամեդ Սէյիդովի բոցաշունչ հարցի, որն աւելի շատ ելոյթ էր յիշեցրեց: Յայտնում է «yerkir.am»-ը:

Սէյիդովը, ինչպէս եւ սպասւում էր, հերթական անգամ ներկայացրեց Խոջալուի դէպքերի ադրբեջանական տարբերակը: Նա արտայայտւած վրդովմունքով հետաքրքրւեց, թէ ինչո՞ւ Սարգսեանը չի անդրադառնում այդ դէպքերին, նրանց որակմամբ՝ ցեղասպանութեանը: Ադրբեջանցին փորձեց բարձրացնել նաեւ Արցախեան հարցը՝ 7 տարածքների «օկուպացման» մասին ադրբեջանական մշտական «երգը երգելով»:

«Այսքանից յետոյ Դուք դեռ փորձում էք մոլորութեան մէջ գցել միջազգային հանրութեանը»,- յուզաթաթախ ձայնով Սարգսեանին դիմեց նա:

Նախագահ Սարգսեանը նախ, դիմելով Սէյիդովին, կոչ-յորդոր հնչեցրեց` մի քիչ հանդարտւել եւ իր խօսքերը չխեղաթիւրել:

«Ես այս ամբիոնից չյայտարարեցի, որ ես եղել եմ Արցախեան պատերազմի առաջնորդ, ես այդպիսի պատիւ չեմ ունեցել, ես մասնակից եմ եղել Լեռնային Ղարաբաղի ժողովրդի արդար պայքարին: Թէ ինչո՞ւ չյիշատակեցի Խոջալուի դէպքերը, որը դուք ցեղասպանութիւն էք համարում, շատ պարզ պատճառով, որովհետեւ այդ ցաւալի իրադարձութիւններից յետոյ Այազ Մութալիբովը շատ տեղեկացւած ձեւով շարադրել է փաստեր, ցոյց տւել, թէ ովքեր են եղել այդ ջարդի կազմակերպիչները: Ցեղասպանութիւնը լաւ բան չէ, ցեղասպանութիւն տանելը պատիւ չէ: Գիտէ՞ք, մի միտում կայ Ադրբեջանում՝ անպայման ունենալ այն, ինչ ունեն հայերը: Ձեզ ինչո՞ւ է պէտք մի բան անւանել ցեղասպանութիւն, որը չի եղել»,- նշեց Սարգսեանը:

ՀՀ նախագահը յստակ յայտարարեց, որ չկայ միջազգային կառոյցների կողմից  ընդունւած որեւէ որոշում, որը ՀՀ-ի կողմից մերժւում է: «Դուք փորձեցիք յիշատակել ՄԱԿ-ի Անվտանգութեան խորհրդի բանաձեւերը: Ես ձեզ խորհուրդ եմ տալիս՝ երբ ընկղմւում էք մի թեմայի մէջ, ընկղմւէք ու ուսումնասիրէք: ՄԱԿ-ի Անվտանգութեան խորհուրդը երբեք չի անդրադարձել ԼՂ խնդրին. 1993 թւականին ընդունել է 4 բանաձեւ ռազմական գործողութիւնների դադարեցման մասին, եւ ամէն բանաձեւից յետոյ Ադրբեջանը յստակ յայտարարել է, որ չի դադարեցնի ռազմական գործողութիւնները: Այդ 4 բանաձեւում ՀՀ-ի միակ յանձնառութիւնը եղել է օգտագործել իր ազդեցութիւնը ռազմական գործողութիւնները դադարեցնելու համար, եւ, ի պատիի ՀՀ-ի այն ժամանակիայ իշխանութիւնների, մենք կատարել ենք այդ պարտաւորութիւնը: Այսօր բանակցային գործընթացում դուք առաւելագոյնն էք ուզում, դուք անհնարինն էք ուզում, դուք ուզում էք Ղարաբաղը վերադարձնել Ադրբեջանի կազմ»,- խօսքը եզրափակել է Սերժ Սարգսեանը:

Յարակից լուրեր

  • Գաղտնալսումների հարցը հասաւ ԵԽԽՎ. Հայաստանի հարցը կը քննարկւի Մոնիթորինգային յանձնաժողովում
    Գաղտնալսումների հարցը հասաւ ԵԽԽՎ. Հայաստանի հարցը կը քննարկւի Մոնիթորինգային յանձնաժողովում

    ՀՀ ԱԱԾ տնօրէնի եւ ՅՔԾ պետի խօսակցութեան բովանդակութիւնը քննարկւել է ԵԽԽՎ քաղաքական հարցերի եւ ժողովրդավարութեան յանձնաժողովի նիստում։

  • «Փաստ». «Սերժ Սարգսեանը խուսափում է մարդաշատութիւնից. ՀՀԿ-ականները շփոթմունքի մէջ են»
    «Փաստ». «Սերժ Սարգսեանը խուսափում է մարդաշատութիւնից. ՀՀԿ-ականները շփոթմունքի մէջ են»

    «Փաստ» օրաթերթը գրում է. «Ի տարբերութիւն նախկինի, իշխանափոխութիւնից յետոյ ՀՀԿ-ն գրեթէ ԳՄ նիստեր չի հրաւիրում, էլ չենք խօսում խորհրդի նիստերի մասին: Բանն այն է, որ կուսակցութեան ղեկավար Սերժ Սարգսեանն ուղղակի խուսափում է մարդաշատութիւնից: 

  • Արցախեան քառակուսի. արդեօ՞ք Փաշինեանին պէտք է հանդիպել ՀՀ նախկին նախագահներին
    Արցախեան քառակուսի. արդեօ՞ք Փաշինեանին պէտք է հանդիպել ՀՀ նախկին նախագահներին

    ԵԱՀԿ ՄԽ Ռուսաստանի նախկին համանախագահը կարծում է, որ Փաշինեանը պէտք է հանդիպի հանրապետութեան նախկին նախագահների հետ։ Փորձագէտներն այս հարցում այդքան էլ լաւատես չեն։

    Որոշ փորձագէտներ կարծում են, որ Հայաստանի նոր իշխանութիւնները արցախեան հիմնախնդրի վերաբերեալ երկրի քաղաքականութիւնը պէտք է քննարկեն նախկին նախագահների հետ։

  • Այլեւս՝ երբեք
    Այլեւս՝ երբեք

    Հանրութիւնը ցնծում է, կալանաւորւել է ՀՀ երկրորդ նախագահ Ռոբերտ Քոչարեանը։ Վերջապէս յոյսեր են արթնանում, որ կը բացայայտւեն 2008 թւականի մարտի 1-ի ողբերգական գիշերւայ 10 զոհերի մահւան իրական հանգամանքները եւ մեղաւորները կը պատժւեն։ Ռոբերտ Քոչարեանին մեղադրանք է առաջադրւել ՀՀ քրէական օրէնսգրքի 300.1-ին յօդւածի 1-ին մասով այն բանի համար, որ նա այլ անձանց հետ նախնական համաձայնութեամբ տապալել է Հայաստանի Հանրապետութեան սահմանադրական կարգը:

  • Փնտրւում է Հայաստանի Հանրապետութիւնը
    Փնտրւում է Հայաստանի Հանրապետութիւնը

    Այս պատմութիւնը ո՛չ Ռոբերտ Քոչարեանի մասին է, ո՛չ Սերժ Սարգսեանի, ո՛չ Լեւոն Տէր-Պետրոսեանի, ո՛չ Արմէն Սարգսեանի, ո՛չ էլ Նիկոլ Փաշինեանի, որի անունը վերջինն եմ գրում, ոչ թէ որովհետեւ ամենաչսիրւածն է, այլ քանի որ միւսները նախագահ են: Ի դէպ, նախագահը նախկին չի լինում, այսինքն` երբ «Երկիր Մեդիա»-ի եթերում Գեղամ Մանուկեանը Ռոբերտ Քոչարեանին դիմում է՝ պարո՛ն նախագահ, պէտք չէ գունատւել, կատաղութիւնից եղունգները կրծոտել, բարձր հայհոյել, սառը թան խմել… Եթէ մարդը գոնէ մէկ անգամ եղել է նախագահ (դիտմամբ չօգտագործեցի ընտրւել բառը), ուրեմն նա միշտ նախագահ է, ճիշտ` օլիմպիական չեմպիոնների պէս, որոնք նոյնպէս նախկին չեն լինում:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։