Հա

Քաղաքական

15/02/2018 - 09:30

Ինչ ազդակ է ԱՄՆ-ն ուղարկել Արցախին

Ամերիկացիները կարող են Արցախում լայնածաւալ ռազմական գործողութիւններ ակնկալել, քանի որ յոյս ունեն դրանում ներքաշել Ռուսաստանին:

«alikonline.ir» - ԱՄՆ-ն կարող է ձգտել Արցախում լայնածաւալ հակամարտութեան։ «Sputnik» Արմենիայի թղթակցի հետ զրոյցում նման կարծիք յայտնեց քաղաքական եւ ռազմական վերլուծութեան ինստիտուտի փոխտնօրէն Ալեքսանդր Խրամչիխինը` մեկնաբանելով ԱՄՆ-ի ազգային հետախուզութեան զեկոյցը։

ԱՄՆ ազգային հետախուզութեան տնօրէն Դենիէլ Քոութսի` փետրւարի 13-ին հրապարակւած զեկոյցում ասւում է, որ Լեռնային Ղարաբաղի շուրջ ստեղծւած լարւածութիւնը կարող է Հայաստանի եւ Ադրբեջանի միջեւ լայնածաւալ ռազմական հակամարտութեան վերածւել, որում ամենայն հաւանականութեամբ կը ներգրաււի Ռուսաստանը իր տարածաշրջանային դաշնակցին աջակցելու համար։

«Արցախում ռազմական գործողութիւնների վերսկսման վերաբերեալ բազմիցս ասել եմ, որ վաղ թէ ուշ դա լինելու է։ Թէ երբ` չեմ կարող կանխագուշակել»,- ասաց Խրամչիխինը։

Ինչ վերաբերում է ԱՄՆ ազգային հետախուզութեան զեկույցին, փորձագէտի խօսքով` ամերիկացիները գիտեն` ինչ են ուզում։

«Եթէ խօսենք պատերազմի վերսկսման օրւայ մասին, ապա ցանկացած օրւայ համար կարելի է նման կանխատեսում անել։ Իսկ զեկոյցում թերեւս արտայայտւած է ամերիկացիների ձգտումը։ Ես դա կարող եմ ենթադրել»,- ասաց Խրամչիխինը։

Նրա խօսքով` դա վերաբերում է նաեւ արցախեան հակամարտութեան մէջ Ռուսաստանի ներգրաւմանը։

ԱՄՆ ազգային հետախուզութեան տւեալների համաձայն` փոխհամաձայնութեան ցանկութեան բացակայութիւնը կողմերի մօտ, աճող ներքին ճնշումը, Ադրբեջանի ռազմական ներուժի արդիականացումը, ինչպէս նաեւ Հայաստանի կողմից ռուսական նոր զէնք գնելու փաստը կարող են հանգեցնել 2018 թւականին լայնածաւալ ռազմական գործողութիւնների վերսկսմանը։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։