Հա

Քաղաքական

25/02/2018

Արմէն Սարգսեանը ՀՀ նախագահ կը դառնայ առաջին իսկ քւէարկութեամբ

Հայաստանի նախագահի թեկնածու Արմէն Սարգսեանն` առանց կասկածի առաջին իսկ քւէարկութեամբ ընտրւելու հնարաւորութիւն է ստացել։

«alikonline.ir» - Հայաստանի նախագահի թեկնածու Արմէն Սարգսեանն` առանց կասկածի առաջին իսկ քւէարկութեամբ ընտրւելու հնարաւորութիւն է ստացել։ Տեղեկացնում է «yerkirmedia.am»-ը:

Բանն այն է, որ շաբաթ օրը կայացած «Ծառուկեան» խմբակցութեան նիստի ժամանակ կուսակցութեան առաջնորդ Գագիկ Ծառուկեանը յայտարարեց Հանրապետականի եւ Դաշնակցութեան միասնական թեկնածուին կողմ քւէարկելու իրենց որոշման մասին։ Համաձայն Սահմանադրութեան՝ ՀՀ նախագահ է ընտրւում այն թեկնածուն, որը ստացել է պատգամաւորների ձայների ընդհանուր թւի առնւազն երեք քառորդը, այսինքն 105 պատգամաւորից առնւազն 79-ի քւէն:

Եթէ առաջին փուլում ՀՀ նախագահ չի ընտրւում, ապա անցկացւում է երկրորդ փուլ, որին կարող են մասնակցել առաջին փուլին մասնակցած բոլոր թեկնածուները։

ՀՀԿ եւ ՀՅԴ խմբակցութիւնների քւէները միասին 65-ն էին եւ չէին բաւարարում, որ առաջին փուլով յաղթէր Արմէն Սարգսեանը։ Իսկ «Ծառուկեան» խմբակցութեան 31 քւէն այլեւս ապահովում է անհրաժեշտ քանակը, եւ կարելի է արձանագրել, որ ՀՀ ապագայ նախագահն ընտրւում է մեծամասնութեան համաձայնութեամբ, խորհրդարանի գրեթէ ամբողջ կազմով, բացառութեամբ՝ «Ելք» խմբակցութեան։ Վերջինները յայտարարել էին, որ առաջադրելու են Արտակ Զէյնալեանի թեկնածութիւնը, սակայն նա պաշտօնական թեկնածու չի կարող դառնալ, քանի որ «Ծառուկեան» խմբակցութեան հաւանական ձայներից զրկւելով, անհրաժեշտ 26 պատգամաւորի կողմից առաջադրւելու հնարաւորութեան փոխարէն ունի միայն իր խմբակցութեան 9 պատգամաւորի աջակցութիւնը։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։