Հա

Քաղաքական

04/03/2018 - 08:50

Հայաստանի կառավարութիւնը մեկնաբանել է ամերիկեան պատժամիջոցների ազդեցութեան հնարաւորութիւնը

Հայաստանի կառավարութիւնը արձագանգել է ԱՄՆ պատժամիջոցների հնարաւոր ազդեցութեան մասին լուրերին: Սակայն կառավարութեան արձագանգը չի յստակեցրել այդ հարցը:

«alikonline.ir» - Հայաստանի կառավարութիւնը արձագանգել է ԱՄՆ պատժամիջոցների հնարաւոր ազդեցութեան մասին լուրերին: Սակայն կառավարութեան արձագանգը չի յստակեցրել այդ հարցը: Տեղեկացնում է «news.am»-ը:

Մի շարք ռուսաստանեան ընկերութիւնների դէմ, մասնաւորապէս պաշտպանական ոլորտի, ԱՄՆ նոր պատժամիջոցների մասին տեղեկատւութիւնը վաղուց գոյութիւն ունէր: Տրամաբանական էր ենթադրել, որ դա կարող է ազդել հայկական կողմի վրայ: «Հայկական ժամանակ» թերթը դիմել էր ԱՄՆ դեսպանութեանը՝ խնդրելով բացատրել, թէ որքանով  իրավիճակը կազդի Հայաստանի վրայ:

Հարցմանն ի պատասխան ԱՄՆ դիւանագիտական ներկայացուցչութիւնը հաղորդել է, որ «նախազգուշացում է տրւել այն երկրների կառավարութիւններին եւ մասնաւոր ընկերութիւններին, որոնք ցուցակում ներառւած ռուսական ընկերութիւնների հետ նշանակալի գործարքների դէպքում կարող են պատժամիջոցներ ենթարկւել: Մենք նախօրօք չենք քննարկում մեր պատժամիջոցները: Մենք պատժամիջոցների մասին յայտնում ենք, երբ դրանք կան եւ, եթէ կան»:

Փաստօրէն, դեսպանատան պատասխանում Հայաստանի կառավարութիւնը ուղղակիօրէն չի նշւում, ինչը չի խոչընդոտել լրատւամիջոցին գրել Հայաստանի կառավարութեանը նախազգուշացնելու մասին: Դատելով հերքման բացակայութիւնից՝ դիւանագիտական ակնարկը ճիշտ է ընկալւել:

Այս կապակցութեամբ «news.am»-ի թղթակիցը անմիջապէս դիմել է Հայաստանի կառավարութեանը:

Կառավարութեան մամուլի ծառայութիւնը հարցմանը պատասխանել է. «Ռուսաստանի Դաշնութեան կառավարութեան պաշտպանութեան եւ հետախուզական ոլորտի ընկերութիւնների եւ ստորաբաժանումների ցուցակները, որոնց վրայ տարածւում են պատժամիջոցները, հրապարակւած են ԱՄՆ Պետքարտուղարութեան եւ ԱՄՆ Գանձապետարանների կայքերում եւ հասանելի են լայն լսարանի համար: Մենք նաեւ անհրաժեշտ ենք համարում նշել, որ Հայաստանում ամէն կոնկրետ որոշում քննարկւում եւ ընդունւում է համալիր անվտանգութեան բարձրացման ապահովման համատեքստում»:

Յարակից լուրեր

  • Մեր քաղաքում առաջնահերթութեան կարգով բազում խնդիրներ կան
    Մեր քաղաքում առաջնահերթութեան կարգով բազում խնդիրներ կան

    Ինչպէս յայտնի է, Օպերայի յարակից տարածքի ապամոնտաժւող սրճարաններից երկուսը ՀՅԴ-ականներինն է: Մասնաւորապէս, սրճարաններից մէկը պատկանում է ԱԺ նախկին պատգամաւոր դաշնակցական Միքայէլ Մանուկեանին, որ Երեւանի աւագանու արտահերթ ընտրութիւններում գլխաւորում էր ՀՅԴ համամասնական ցուցակը: Սակայն «Ժողովուրդ» օրաթերթին յայտնի դարձաւ, որ վերջինիս պատկանող սրճարանը դեռ չի ապամոնտաժւելու, որովհետեւ սրճարանի հետ կապւած գործը դատարանում է:

  • Բոլթոնն ասել է Ռուսաստանի ու ԱՄՆ-ի միջեւ յարաբերութիւնների վատթարացման պատճառը
    Բոլթոնն ասել է Ռուսաստանի ու ԱՄՆ-ի միջեւ յարաբերութիւնների վատթարացման պատճառը

    ԱՄՆ նախագահի` ազգային անվտանգութեան հարցերով խորհրդական Ջոն Բոլթոնը համարում է, որ ԱՄՆ նախագահ Դոնալդ Թրամփի ընդդիմախօսների յայտարարութիւնները, թէ Թրամփը գործարքի մէջ է մտել Ռուսաստանի հետ, խանգարում են հասնել երկու երկրների միջեւ յարաբերութիւնների առաջընթացին:

  • Թուրքիան պատասխանել է ԱՄՆ-ի զեկոյցին
    Թուրքիան պատասխանել է ԱՄՆ-ի զեկոյցին

    Թուրքիայի արտաքին գործերի նախարարութիւնը պատասխանել է ԱՄՆ պետքարտուղարութեան` մարտի 13-ին հրապարակած «2018 թ. Թուրքիայում Մարդու իրաւունքների զեկոյցին»:

  • ԱՄՆ պայքարը Կովկասում սպառազինութիւնների շուկայի համար. ի՞նչ վտանգ է սպառնում Երեւանին
    ԱՄՆ պայքարը Կովկասում սպառազինութիւնների շուկայի համար. ի՞նչ վտանգ է սպառնում Երեւանին

    ԱՄՆ-ը ձգտում է դուրս մղել Ռուսաստանը սպառազինութիւնների անդրկովկասեան շուկայում գերիշխող դիրքերից եւ դրա համար կարող է կիրառել պատժամիջոցային քաղաքականութեան գործիքներ։ Ռազմական փորձագէտ Լէոնիդ Ներսիսեանը գնահատում է Հայաստանի համար հնարաւոր ռիսկերը` հաշւի առնելով այն, որ Մոսկւան Երեւանի համար զէնքի հիմնական առաքողն է։

  • «Ամերիկացիները փորձում են տարածաշրջանում ճգնաժամային իրավիճակը պահպանել». ԱԳՆ մամուլի խօսնակ
    «Ամերիկացիները փորձում են տարածաշրջանում ճգնաժամային իրավիճակը պահպանել». ԱԳՆ մամուլի խօսնակ

    Կեղծ, իրականութեանը չհամապատասխանող մեղադրանքների առաջ քաշման շնորհիւ, ԱՄՆ իշխանութիւնները փորձում են բազմաշերտ, բարդ, յաճախ անլուծելի թւացող ճգնաժամերի միջոցով, տարածաշրջանում պահպանել ներկայ ստատուսքւօն: Այս մասին յայտարարել է ԱԳՆ պաշտօնական ներկայացուցիչ Բահրամ Ղասեմին:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։