Հա

Քաղաքական

04/03/2018 - 10:30

Կոնստանտին Կալաչով. «Հայ-թուրքական ներկայիս յարաբերութիւնները չեն կարող դիտարկւել առանց Ադրբեջանի»

«Դիտարկել Հայաստան-Թուրքիա յարաբերութիւնները երկկողմ հարթութեան մեջ՝ հնարաւոր չէ: Հայ-թուրքական ներկայիս յարաբերութիւնները չեն կարող դիտարկւել առանց Ադրբեջանի: Ցիւրիխեան արձանագրութիւնները զրոյացնելը, դրանք առոչինչ յայտարարելը, այս պայմաններում, միանգամայն հասկանալի է, որովհետեւ Թուրքիան դրանք ստորագրելու համար նախապայմաններ էր դնում Ղարաբաղի հետ կապւած»,- ասաց Կոնստանտին Կալաչովը:

«alikonline.ir» - Հայաստան-Թուրքիա յարաբերութիւնների կարգաւորումը կախւած է Լեռնային Ղարաբաղի շուրջ տիրող իրադարձութիւններից: «tert.am»-ի հետ զրոյցում ասաց ռուսաստանեան Քաղաքական փորձագիտական խմբի ղեկավար Կոնստանտին Կալաչովը:

Վերջինս նշեց, որ Թուրքիան «պաշտպան» է կանգնում Ադրբեջանին՝ սատարելով ղարաբաղեան հակամարտութեան կարգաւորման ադրբեջանական մօտեցումը, ինչի արդիւնքում էլ հայ-թուրքական արձանագրութիւնները չաշխատեցին:

«Դիտարկել Հայաստան-Թուրքիա յարաբերութիւնները երկկողմ հարթութեան մեջ՝ հնարաւոր չէ: Հայ-թուրքական ներկայիս յարաբերութիւնները չեն կարող դիտարկւել առանց Ադրբեջանի: Ցիւրիխեան արձանագրութիւնները զրոյացնելը, դրանք առոչինչ յայտարարելը, այս պայմաններում, միանգամայն հասկանալի է, որովհետեւ Թուրքիան դրանք ստորագրելու համար նախապայմաններ էր դնում Ղարաբաղի հետ կապւած»,- ասաց փորձագէտը:

Կալաչովի խօսքով՝ հայ-թուրքական սահմանը փակ է Թուրքիայի, ոչ թէ Հայաստանի նախաձեռնութեամբ, իսկ կողմերի միջեւ առկայ տարակարծութիւնները պատմական արմատներ ունեն: Յայտնի է, որ դրանցից մէկը, նրա խօսքով, վերաբերում է հէնց Լեռնային Ղարաբաղի հակամարտութեանը, միւսը՝ Հայոց Ցեղասպանութեան ճանաչմանը:

«Հասկանալի է, որ Թուրքիան պատրաստ չէ ճանաչել Հայոց Ցեղասպանութիւնը: Բայց սա դժբախտութեան կէսն է: Միւս կէսը՝ Ղարաբաղի հակամարտութեան կարգաւորման հարցն է: Հասկանալի է, որ Թուրքիան ոչ միայն ուզում փոխել իր մօտեցումները, այլեւ չի կարող, որովհետեւ թուրք-ադրբեջանական յարաբերութիւնները ամրանում են: Թուրքիայի համար աւելի կարեւոր են Ադրբեջանի հետ յարաբերութիւնները, որոնք պատմական են, քան գործընկերութիւնը Հայաստանի հետ»,- նշեց Կոնստանտին Կալաչովը:

Ըստ նրա՝ պատերազմի հաւանականութիւնը մեծանում է, երբ դիւանագիտութիւնը այլեւս չի աշխատում: Այս առնչութեամբ նա չբացառեց, որ Թուրքիան Ադրբեջանի «ձեռքերով» պատերազմական գործողութիւններ սկսի Ղարաբաղի նկատմամբ:

«Յոյս ունեմ, որ Ադրբեջանի ղեկավարը հաւասարակշիռ կը գտնւի, չի գնայ աւանտիւրաների, բայց ոչինչ բացառել չի կարելի: Ալիեւի յայտարարութիւնները, թէ նա վերադարձնելու է Երեւանը, նպատակ ունեն ներքին լսարանի տրամադրւածութիւնը բարձրացնել»,- նշեց նա:

Փորձագէտը նկատեց, որ կարեւոր է Ռուսաստանի դերը: Նրա խօսքով՝ ՌԴ-ն հետաքրքրւած է ղարաբաղեան հակամարտութեան կարգաւորմամբ եւ ուժերի բալանսի ապահովմամբ:

«Ռուսաստանը գուցէ, տպաւորութիւն լինի, որ հետաքրքրւած է Ղարաբաղեան հակամարտութեան սառեցմամբ, բայց իրականում ՌԴ-ն պարզապէս չի ուզում, որ լինի էսկալացիա»,- ասաց Կալաչովը:

Միջազգային հանրութիւնը, փորձագէտի համոզմամբ, տարբերակում է, թէ ով է զրոյացրել հայ-թուրքական արձանագրութիւնները, հակառակ դէպքում եւրոպական երկրները չէին ճանաչի Հայոց Ցեղասպանութիւնը:

«Անցել է 100 տարի, բայց խնդիրները մնացել են: Շատերը կարծում են, որ Արեւմտեան Հայաստանը պէտք է վերադարձւի Հայաստանին, շատերը կարծում են, որ Հայաստանում պէտք է լինի Արարատ: Այս եւ այլ հարցերի շուրջ այդպէս էլ չի յաջողւել համաձայնութեան գալ, խնդիրները մնացել են: Յարաբերութիւնները շարունակւում են էմոցիոնալ մնալ»,- շեշտեց նա:

Հայերի նկատմամբ, Կալաչովի խօսքով, աշխարհը լաւ է տրամադրւած, Հայաստանն ընկալւում է որպէս ժողովրդավար երկիր, բայց Թուրքիայի նկատմամբ չկա նման վերաբերմունք, ինչի վկայութիւնն է ԵՄ-Թուրքիա լարւած հակամարտութիւնը:

«Հայաստանը շահեկան դիրքերում է»,- եզրափակեց Կոնստանտին Կալաչովը:

Յարակից լուրեր

  • Ստեփան Դանիէլեան. «Ադրբեջանի նետած մարտահրաւէրը. սա արդէն փոխում է Արցախի խնդրի տրամաբանութիւնը»
    Ստեփան Դանիէլեան. «Ադրբեջանի նետած մարտահրաւէրը. սա արդէն փոխում է Արցախի խնդրի տրամաբանութիւնը»

    Ալիեւը Ադրբեջանի իշխող կուսակցութեան համագումարում յայտարարել է, որ «Մենք չպէտք է մոռանանք մեր պատմական հողերի մասին։ Այս մասին ֆէյսբուքեան իր էջում գրել է քաղաքական վերլուծաբան Ստեփան Դանիէլեանը:

  • Փորձագէտ. «Թուրքիան շարունակում է վարել հին քաղաքականութիւնը Հայաստանի հանդէպ»
    Փորձագէտ. «Թուրքիան շարունակում է վարել հին քաղաքականութիւնը Հայաստանի հանդէպ»

    Թուրքական կողմից Հայաստանի հետ յարաբերութիւնների հաստատման որեւէ ցանկութիւն չի նկատւում։ Այս մասին «News.am»-ի թղթակցի հետ զրոյցում ասել է Հայաստանի Գիտութիւնների ազգային ակադեմիայի Արեւելագիտութեան ինստիտուտի տնօրէն Ռուբէն Սաֆրաստեանը՝ պատասխանելով հարցին, թէ ինչպէս կարելի է գնահատել Հայաստանի կառավարութեան ծրագրում Թուրքիայի հետ դիւանագիտական յարաբերութիւնների հաստատման հնարաւորութիւնների մասին դրոյթի բացակայութիւնը։

  • Հայաստան սփիւռք յարաբերութիւնների հոլովոյթը
    Հայաստան սփիւռք յարաբերութիւնների հոլովոյթը

    Մեր մանկա-պատանեկան տարիներին, Հայաստանը Սովետական երկաթեայ վարագոյրից ներս գտնւելու բերումով, մեզ համար մանկական հեքիաթների նման, համարւում էր եօթն սարերի հետևում անգտանելի մի աշխարհի որի կարօտը միշտ զգում էինք և ճար ու դարման էլ չունէինք մեր կարօտին յագուրդ տալու: Առաւել մեզ խեղճ էինք զգում, ի տես մեր բնակարաններում պատերից կախւած և կամ արծաթեայ մի քանի սպասների վրայ քանդակւած, Մայր Հայաստանի պատկերը, տխուր ու տրտում դէմքով, ձեռքը ծնօտին՝ Հայաստանի աւերակների վրայ նստած:

  • Չինաստանը «զզւելի» է որակել Թուրքիայի ԱԳՆ-ի յայտարարութիւնը ոյղուրների «համակենտրոնացման ճամբարների» մասին
    Չինաստանը «զզւելի» է որակել Թուրքիայի ԱԳՆ-ի յայտարարութիւնը ոյղուրների «համակենտրոնացման ճամբարների» մասին

    Չինաստանի Ժողովրդական Հանրապետութեան պաշտօնական ներկայացուցիչ Խուա Չունեինը «զզւելի» է որակել Թուրքիայի արտգործնախարարութեան խօսնակի յայտարարութիւնները Չինաստանի տարածքում ապրող ոյղուրական համայնքի ներկայացուցիչների «համակենտրոնացման ճամբարների» մասին: Տեղեկացանում է «Tert.am»-ը՝ ռուսական «ՌԻԱ Նովոստի» գործակալութեանը յղումով:

  • Հայաստան-Սփիւռք յարաբերութիւնների հոլովութը
    Հայաստան-Սփիւռք յարաբերութիւնների հոլովութը

    Մեր մանկա-պատանեկան տարիներին, Հայաստանը Սովետական երկաթեայ վարագոյրից ներս գտնւելու բերումով, մեզ համար մանկական հեքիաթների նման, համարւում էր եօթն սարերի հետեւում անգտանելի մի աշխարհի, որի կարօտը միշտ զգում էինք եւ ճար ու դարման էլ չունէինք մեր կարօտին յագուրդ տալու: Առաւել մեզ խեղճ էինք զգում, ի տես մեր բնակարաններում պատերից կախւած եւ կամ արծաթեայ մի քանի սպասների վրայ քանդակւած, Մայր Հայաստանի պատկերը, տխուր ու տրտում դէմքով, ձեռքը ծնօտին՝ Հայաստանի աւերակների վրայ նստած:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։