Հա

Քաղաքական

11/04/2018 - 12:20

Հայաստանի եւ Արցախի մասին պատմող «CNN»-ի ֆիլմը մայիսին կը լինի եթերում

Ամերիկեան «CNN» հեռուստաընկերութեան «Էնթոնի Բուրդէն. անծանօթ տեղանքներ» հեռուստահաղորդման նոր եթերաշրջանում կը ցուցադրւի Էնթոնի Բուրդէնի նկարահանած ռեպորտաժը Հայաստանի եւ Արցախի մասին:

«alikonline.ir» - Ամերիկեան «CNN» հեռուստաընկերութեան «Էնթոնի Բուրդէն. անծանօթ տեղանքներ» հեռուստահաղորդման նոր եթերաշրջանում կը ցուցադրւի Էնթոնի Բուրդէնի նկարահանած ռեպորտաժը Հայաստանի եւ Արցախի մասին:

Ինչպէս հաղորդում է «Արմէնպրես»-ը, ապրիլի 22-ից մեկնարկող հաղորդաշարի նոր` 11-րդ եթերաշրջանի ընթացքում կը ցուցադրւի 8 էպիզոդ, որոնց շրջանակում հեղինակն այցելել է Արեւմտեան Վիրջինիա (ԱՄՆ), Նիւֆաունդլենդ (Կանադա), Ուրուգւայ, Բութան, Բեռլին (Գերմանիա), Ակադիանա շրջան (ԱՄՆ, Լուիզիանա նահանգ) եւ Հոնգ Կոնգ:

Հայաստանի մասին պատմող էպիզոդը կը ցուցադրւի մայիսի 20-ին: Հաղորդման մէջ հեղինակը լայնօրէն ներկայացնում է երկրի մշակոյթն ու պատմութիւնը: Նրան ուղեկցում են յայտնի հայ երաժիշտ, «System of a Down» խմբի մենակատար Սերժ Թանգեանը եւ պատմաբան Ռիչարդ Կիրակոսեանը: Ճաշելով տեղացիների հետ՝ Բուրդէնը բացայայտում է տեղի եւ սփիւռքում բնակւող հայերի վերապրումի պատմութիւնն ու գրանցած յաջողութիւնները:

Էնթոնի Բուրդէնը Հայաստան եւ Արցախ էր այցելել 2017 թւականի հոկտեմբերին: Արցախում նա եղել է Շուշիում, որտեղ ճաշակել է ժենգեալով հաց, շիլա, խորոված, տնական մածուն, թթի եւ հոնի օղի: Արցախ այցելութիւնից անմիջապէս յետոյ ադրբեջանական լրատւամիջոցները յայտնեցին, որ «CNN»-ի թղթակիցը կընդգրկւի Ադրբեջանի «սեւ ցուցակում»:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։