Հա

Քաղաքական

05/05/2018 - 08:50

ՀՀ խորհրդարանական ուժերը վերահաստատել են Արցախի խնդրի շուրջ միասնական մօտեցումների կարեւորութիւնը

Արցախի Հանրապետութեան նախագահ Բակօ Սահակեանի մօտ մայիսի 4-ին տեղի ունեցած հանդիպումից յետոյ Հայաստանի Հանրապետութեան Ազգային ժողովի «ՀՀԿ», «Ծառուկեան», «Ելք», «ՀՅԴ» խմբակցութիւնների ներկայացուցիչները պատասխանել են լրագրողների հարցերին:

«alikonline.ir»- Արցախի Հանրապետութեան նախագահ Բակօ Սահակեանի մօտ մայիսի 4-ին տեղի ունեցած հանդիպումից յետոյ Հայաստանի Հանրապետութեան Ազգային ժողովի «ՀՀԿ», «Ծառուկեան», «Ելք», «ՀՅԴ» խմբակցութիւնների ներկայացուցիչները պատասխանել են լրագրողների հարցերին:

Ինչպէս յայտնում է «Արմէնպրես»-ը, «Արցախպրես»-ի թղթակցի հաղորդմամբ՝ ՀՀԿ պատգամաւոր Գագիկ Մինասեանն ասել է, որ բաւականին լուրջ եւ անկեղծ զրոյց են ունեցել ԱՀ Նախագահի հետ՝ Հայաստանի ներքաղաքական վերջին իրադարձութիւնների ֆոնին քննարկելով Արցախի անվտանգութեան հարցը: Գ. Մինասեանի խօսքով՝ հանդիպումը նպատակ էր հետապնդում նաեւ Արցախի Նախագահի ազդեցիկ դերը ի նպաստ բերելու ստեղծւած ներքաղաքական լարւածութեան թուլացման եւ երկխօսութեան համար: «Համոզւած եմ նաեւ, որ մեր ժողովուրդը սթափ է գնահատում իրավիճակը, եւ որ այդ սթափութիւնը մեզ կը տանի դրական լիցքերի: Կարծում եմ՝ այն համախմբւածութիւնը, որ գոյութիւն ունի ժողովրդի մէջ, պէտք է օգտագործել միայն ի շահ մեր պետութեան անվտանգութեան ապահովման եւ տնտեսական վերելքի»,- աւելացրել է Գ. Մինասեանը:

ՀՀ ԱԺ փոխնախագահ, «Ծառուկեան» խմբակցութեան ներկայացուցիչ Միքայէլ Մելքումեանն էլ ասել է, որ հանդիպման հիմնական նպատակն այն է, որ մեր Հանրապետութեան ներքաղաքական կեանքի լարւած իրավիճակում բոլորս միահամուռ կարեւորենք պետական եւ ազգային խնդիրը՝ Արցախի անվտանգութիւնն ու սահմանների անառիկութիւնը: «Բնականաբար, այստեղ կան նաեւ ռիսկեր, եւ հակառակորդը այս իրավիճակից կարող է օգտւել: Սակայն բոլոր քաղաքական ուժերն էլ այս առումով արտայայտեցին իրենց մտահոգութիւնները եւ վերահաստատեցին, որ Արցախի հարցում տարակարծութիւններ չկան»,- նշել է Մ. Մելքումեանը:

ՀՅԴ խմբակցութեան պատգամաւոր Արմէն Ռուստամեանի խօսքով՝ Նախագահ Սահակեանի հետ հանդիպմանը կարեւորւել է, որ ներքաղաքական ճգնաժամի հանգուցալուծումը պէտք է լինի ոչ միայն խաղաղ, այլեւ հնարաւորինս արագ, որպէսզի հակառակորդի մօտ նոր ագրեսիա սկսելու գայթակղութիւն չառաջանայ: «Մենք տեսնում ենք նաեւ հնարաւորութիւն, որ այս համաժողովրդական շարժումը կը զսպի Ադրբեջանին: Այս շարժումից պէտք է դուրս գանք աւելի համախմբւած, եւ բոլոր ջանքերն ուղղւած են դրան»,- ընդգծել է Ա. Ռուստամեանը:

Իսկ «Ելք» խմբակցութեան պատգամաւոր Արարատ Միրզոյեանն ասել է, որ ՀՀ-ում քաղաքական իրադարձութիւնների սրընթաց զարգացման պայմաններում էական են ԱՀ ղեկավարութեան հետ անընդհատ եւ անմիջական շփումները, տեղեկատւութեան փոխանակումը, ինչը տեղի ունեցաւ նախագահ Սահակեանի հետ հանդիպման ընթացքում: «Հայ ժողովրդի համար ստեղծւել է աննախադէպ հնարաւորութիւնների մի շրջան, եւ մեր բոլոր քաղաքական ուժերը, ժողովրդի առաջնորդութեամբ եւ ժողովրդի կամքին ենթարկւելով, պէտք է միահամուռ ջանքեր գործադրեն, որպէսզի այդ հնարաւորութիւններից լաւագոյնը քաղենք թէ՛ տնտեսական, թէ՛ ներդրումների, թէ՛ միջազգային հեղինակութեան եւ թէ՛ բանակցային գործընթացում հայկական կողմերի դիրքի ամրապնդման առումներով»- ասել է Ա, Միրզոյեանը:

Հանդիպմանը մասնակցել են նաեւ Արցախի Հանրապետութեան Ազգային ժողովի նախագահ Աշոտ Ղուլեանը, պետնախարար Արայիկ Յարութիւնեանը, պաշտօնատար այլ անձինք:

Յարակից լուրեր

  • «Փաստ». «Վիգէն Սարգսեանը յեղաշրջում է արել ՀՀԿ-ում»
    «Փաստ». «Վիգէն Սարգսեանը յեղաշրջում է արել ՀՀԿ-ում»

    «Փաստ» օրաթերթը գրում է. «Ես երբեք ո՛չ մանդատի, ո՛չ ցուցակի համար կռիւ չեմ տւել, համոզւած եմ՝ Արմէն Աշոտեանը եւս, մեր պայքարը մանդատի համար չէ, մեր պայքարը գաղափարի, սկզբունքի համար է, մեր պայքարը ցուցակում լաւ տեղ ունենալու համար չէ, մենք ամէն մէկս ունենք մեր տեղը»,- ՀՀԿ ԳՄ նախօրէի նիստից առաջ լրագրողներին ասել է ՀՀԿ խօսնակ Էդւարդ Շարմազանովը՝ պատասխանելով ՀՀԿ նախընտրական ցուցակը իր, Արմէն Աշոտեանի ու Վիգէն Սարգսեանի կողմից գլխաւորելու հաւանականութեան մասին հարցին:

  • ՀՀԿ-ն մասնակցելու է ՀՀ ԱԺ ընտրութիւններին, ցուցակը կը գլխաւորի Վիգէն Սարգսեանը
    ՀՀԿ-ն մասնակցելու է ՀՀ ԱԺ ընտրութիւններին, ցուցակը կը գլխաւորի Վիգէն Սարգսեանը

    ՀՀԿ-ն յայտարարել է ՀՀ ԱԺ արտահերթ ընտրութիւններին մասնակցելու մտադրութեան մասին: Կուսակցութեան ցուցակը գլխաւորելու ՀՀ պաշտպանութեան նախկին նախարար Վիգէն Սարգսեանը: 

  • Արամ Սարգսեան. «ՀՀԿ-ն ու ՔՊ-ն կարող են դաշինք կնքել, որովհետեւ գաղափարական նոյն հարթութեան վրայ են»
    Արամ Սարգսեան. «ՀՀԿ-ն ու ՔՊ-ն կարող են դաշինք կնքել, որովհետեւ գաղափարական նոյն հարթութեան վրայ են»

    «Հանրապետական» կուսակցութիւնն ու «Քաղաքացիական պայմանագիր»-ը կարող են դաշինք կնքել, որովհետեւ այսօրւայ դրութեամբ գաղափարախօսական առումով նոյն հարթութեան վրայ են: Այս մասին երէկ՝ նոյեմբերի 10-ին յայտարարեց «Հանրապետութիւն» կուսակցութեան նախագահ Արամ Սարգսեանը` «Մենք» դաշինքի ստեղծման յուշագրի ստորագրումից յետոյ:

  • Բակօ Սահակեանն ու Նիկոլ Փաշինեանը քննարկել են ՊԲ մարտունակութեան բարձրացմանն ու ՀՀ-ի եւ Արցախի ռազմական փոխգործակցութեանը վերաբերող հարցեր
    Բակօ Սահակեանն ու Նիկոլ Փաշինեանը քննարկել են ՊԲ մարտունակութեան բարձրացմանն ու ՀՀ-ի եւ Արցախի ռազմական փոխգործակցութեանը վերաբերող հարցեր

    ԱՀ նախագահ Բակօ Սահակեանը եւ ՀՀ վարչապետի պաշտօնակատար Նիկոլ Փաշինեանը նոյեմբերի 5-ին քննարկել են ԱՀ պաշտպանութեան բանակի մարտունակութեան հետեւողական բարձրացմանը, Արցախի եւ Հայաստանի ռազմական փոխգործակցութեանը, սահմաններում տիրող իրավիճակին, երկու հայկական պետութիւնների ներքին ու արտաքին քաղաքականութեանը եւ այս ուղղութիւններում համագործակցութեանը վերաբերող հարցեր:

  • Գործարարն ապրում է իր բիզնեսով
    Գործարարն ապրում է իր բիզնեսով

    Միանգամայն սպասելի էր, որ ԲՀԿ-ն, ինչպէս նաեւ ՀՀԿ-ի մէկուկէս տասնեակից աւելի պատգամաւորներ (հիմնականում՝ գործարարներ) հաւատարմութեան երդում տւեցին նոր իշխանութեանը` Նիկոլ Փաշինեանի գլխաւորութեամբ: Այն, ինչ առաջներում մենք՝ լրագրողներս, կոչում էինք «առնետավազք», հիմա կրում են աւելի մեղմ, կասէի անգամ՝ աւելի վսեմ անուններ՝ ապաշխարել են, դարձի են եկել, Աստծոյ լոյսն է նրանց վրայ սփռւել, հասկացել են, որ իշխանութեան կրողը ժողովուրդն է:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։