Հա

Քաղաքական

08/05/2018 - 10:00

Դաւիթ Բաբայեան. «Շուշիի վերականգնումն ընթանում է, այն կերպարանափոխւել է, անհամեմատելի է 15-20 տարի առաջւայ հետ»

Մայիսի 9-ի եռատօնը մեր ամենանւիրական տօներից մէկն է եւ խորհրդանշում է կարեւոր յաղթանակներ մի շարք սերունդների համար: Այս մասին ասաց Արցախի Հանրապետութեան նախագահի մամուլի խօսնակ Դաւիթ Բաբայեանը։ 

«alikonline.ir» - Մայիսի 9-ի եռատօնը մեր ամենանւիրական տօներից մէկն է եւ խորհրդանշում է կարեւոր յաղթանակներ մի շարք սերունդների համար: Այս մասին ասաց Արցախի Հանրապետութեան նախագահի մամուլի խօսնակ Դաւիթ Բաբայեանը։ Տեղեկացնում է «tert.am»-ը:

«Շուշիի ազատագրումը նորանկախ պատմութեան առաջին եւ կարեւորագոյն յաղթանակներից մէկն էր, պատմական արդարութեան վերականգնում էր եւ վերադարձեց մեր հաւատը սեփական ուժերի նկատմամբ»,- ասաց նա:

Դաւիթ Բաբայեանն ասաց, որ այս տարին յոբելեանական չէ, դրա համար մեծ միջոցառումներ, շքերթներ նախատեսւած չեն, այլ լինելու են աւանդական միջոցառումներ:

Նա յաղթանակի ձեռքբերման հարցում կարեւորեց ժողովրդի մարտական ոգին եւ նշեց, որ 2016 թւականի ապրիլին ներկայիս երիտասարդ սերունդը եւս ապացուցեց, որ ունի այդ մարտական ոգին: Ըստ նրա՝ յաղթանակի ամենալաւ գնահատականը մեր երկու պետութիւններն են:

«Շուշիի վերականգնումը ընթանում է: Շուշին շատ տուժել է պատերազմի ժամանակ եւ շատ բարդ է վերականգնումը մի երկրի համար, որի 60-70 տոկոսը աւերւած էր պատերազմից, եւ Շուշիի վերականգնման համար ձեռնամուխ է եղել ողջ հայութիւնը: Շուշին հիմա կերպարանափոխւել է, անհամեմատելի է 20-15 տարի առաջւայ հետ»,- ասաց նա եւ նշեց, որ Շուշիում գործում են ուսումնական հաստատութիւններ, թանգարաններ եւ կարծում է, որ աւելի մեծ ներուժ ունի այդ քաղաքը: Նա յոյս յայտնեց Շուշիում կը լինի համահայկական համալսարան:

Դավւիթ Բաբայեանը նշեց, որ քաղաքի հրատապ խնդիրներից է ջրամատակարարումը, թէեւ մեծ մասը լուծւել է, աշխատատեղերի խնդիր կայ, բայց աւելացրեց, որ դրանք այն խնդիրներն են, որ ցանկացած քաղաքում կարող են լինել:

Արցախի մամուլի քարտուղարն անդրադարձաւ նաեւ Երկրորդ աշխարհամարտին եւ նշեց, որ տարբեր ճակատներում աւելի քան 600 հազար հայ է մարտնչել, որից կէսը չի վերադարձել:

«Արցախն ընդհանրապէս աշխարհի մասշտաբով առաջին տեղն է գրաւում մոբիլիզացիայի քանակութեամբ, քանի որ բնակչութեան մէկ երրորդը մեկնել է ռազմաճակատ. նոյնիսկ Խորհրդային միութիւնը, Գերմանիան այդքան մեծ տոկոսով զօրահաւաք չեն կատարել, ինչպէս Արցախում»,- ասաց նա եւ նշեց, որ մարտական փառքի շքանշաններով եւս առաջին տեղն է գրաւում Արցախը:

Դաւիթ Բաբայեանը կարեւորեց նաեւ Պաշպանութեան բանակի ստեղծումը, որը մեր անվտանգութեան հիմնական երաշխաւորն է:

Նշենք, որ 1945 թ.-ին Հայրենական մեծ պատերազմում յաղթեց Խորհրդային միութիւնը, 1992 թ.-ին գրանցւեց Արցախի բերդաքաղաք Շուշիի ազատագրման յաղթանակը, որին էլ յաջորդեց Լեռնային Ղարաբաղի Պաշտպանութեան բանակի ստեղծումը:

Յարակից լուրեր

  • Ընկերական մտորումներ
    Ընկերական մտորումներ

    Վերջերս հաւաքական զրոյցի մը ընթացքին յայտնուեցաւ այն կարծիքը, թէ սփիւռքահայ կեանքի մէջ լճացում մը, եթէ ոչ արդէն նահանջ մը կ՚արձանագրուի. պատճա՞ռը՝ մեր աւանդական կուսակցութիւններու, իրենց ուղեկից կազմակերպութիւններով հանդերձ եւ թեմական-եկեղեցական կառոյցներու ժամանակավրէպ դարձած ըլլալն է։

  • Հայ Դատի Արշաւը՝ Արցախի ապահովութիւնը երաշխաւորելու նպատակով
    Հայ Դատի Արշաւը՝ Արցախի ապահովութիւնը երաշխաւորելու նպատակով

    Ամերիկայի Հայ Դատի յանձնախումբը նամակարշաւի մը նախաձեռնած է, օգոստոսի իրենց արձակուրդէն վերադարձած Քոնկրեսին ղեկավարութենէն եւ այլ քոնկրեսականներէ պահանջելու համար, որ նեցուկ կանգնին Արցախի ժողովուրդին ապահովութիւնը երաշխաւորելու միտող եւ Հայաստանի եւ Արցախի Հանրապետութեանց նիւթական յաւելեալ աջակցութիւնը ապահովելու ջանքերուն։

  • Ֆրանսիացի խորհրդականների այցն Արցախ երկրի ԱԳ նախարարը կարեւորել է
    Ֆրանսիացի խորհրդականների այցն Արցախ երկրի ԱԳ նախարարը կարեւորել է

    Արցախի արտաքին գործերի նախարար Մասիս Մայիլեանը սեպտեմբերի 11-ին ընդունել է Ֆրանսիայի Ազգային ժողովի եւ Սենատի պատգամաւորների պատւիրակութեանը` Ֆրանսիա-Արցախ բարեկամութեան շրջանակի նախագահ Գի Տեսիէի գլխաւորութեամբ։

  • Այսօր ընդդիմութիւնը պէտք է կենտրոնանայ բուն օրակարգերի վրայ
    Այսօր ընդդիմութիւնը պէտք է կենտրոնանայ բուն օրակարգերի վրայ

    Factor.am-ի հարցազրոյցը ՀՅԴ Հայաստանի Գերագոյն մարմնի ներկայացուցիչ Իշխան Սաղաթելեանի հետ:

  • Ստեփանակերտում բացւել է Արցախի եւ Ֆրանսիայի բնակավայրերի միջեւ բարեկամութեան ցուցանակը
    Ստեփանակերտում բացւել է Արցախի եւ Ֆրանսիայի բնակավայրերի միջեւ բարեկամութեան ցուցանակը

    Արցախի Հանրապետութեան Ազգային ժողովի նախագահ, «Արցախ-Ֆրանսիա» բարեկամութեան շրջանակի նախագահ Աշոտ Ղուլեանը եւ Ֆրանսիայի խորհրդարանի պատգամաւոր, «Ֆրանսիա-Արցախ» բարեկամութեան շրջանակի նախագահ Գի Տեսիեն սեպտեմբերի 11-ին Ստեփանակերտ քաղաքի Ազատամարտիկների պուրակում բացել են Արցախի եւ Ֆրանսիայի բնակավայրերի միջեւ բարեկամութեան ցուցանակը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։