Հա

Քաղաքական

15/05/2018 - 09:30

ՀՀ վարչապետ. «Նոր կառավարութեան ծրագիրն արտաքին քաղաքական ուղենիշի փոփոխութիւն չի նախատեսում»

Հայաստանը տրամադրւած է շարունակել ակտիւ փոխգործակցութիւնը ԵԱՏՄ գործընկերների հետ:  Ինչպէս հաղորդում է «yerkirmedia.am»-ը՝ այս մասին երէկ՝ մայիսի 14-ին ռուսական Սոչի քաղաքում կայացած ԵԱՏՄ բարձրագոյն խորհրդի լայն կազմով նիստի ժամանակ յայտարարել է ՀՀ վարչապետ Նիկոլ Փաշինեանը։

«alikonline.ir»- Հայաստանը տրամադրւած է շարունակել ակտիւ փոխգործակցութիւնը ԵԱՏՄ գործընկերների հետ:  Ինչպէս հաղորդում է «yerkirmedia.am»-ը՝ այս մասին երէկ՝ մայիսի 14-ին ռուսական Սոչի քաղաքում կայացած ԵԱՏՄ բարձրագոյն խորհրդի լայն կազմով նիստի ժամանակ յայտարարել է ՀՀ վարչապետ Նիկոլ Փաշինեանը։

Նա յիշեցրել է, որ Հայաստանում տեղի է ունեցել իշխանութեան խաղաղ փոփոխութիւն, նոր ձեւաւորւած կառավարութեան ծրագիրը հայեցակարգային առումով չի նախատեսում արտաքին քաղաքական ուղենիշի փոփոխութիւն: «Հաստատում եմ Հայաստանի Հանրապետութեան ստանձնած միջազգային պարտաւորութիւններին լիակատար յանձնառութիւնը, այդ թւում՝ Եւրասիական տնտեսական միութեան շրջանակում»,- ասել է Նիկոլ Փաշինեանը:

Նա նշել է, որ ԵԱՏՄ-ի հետ կապւած հայ հասարակութիւնում առկայ դիսկուրսը պայմանաւորւած է նրանով, որ վարչական խնդիրների լուծումը, անցումը դէպի նոր ընդհանուր կարգաւորիչ մեխանիզմների, ինչպէս նաեւ տարբեր խոչընդոտների առկայութիւնը դեռեւս չեն արդարացնում բիզնեսի՝ անմիջապէս կոնկրետ եւ շոշափելի արդիւնքներ ստանալու ակնկալիքները։

«Կարծում եմ՝ ԵԱՏՄ երկրների համատեղ ջանքերը եւ ամէն օր տեսանելի արդիւնքների հասնելու հետեւողականութիւնը կարող են կրճատել նման քննարկումների ծաւալը: Հայաստանը շահագրգռւած է դրանում եւ ելնում է նրանից, որ, նախ եւ առաջ անհրաժեշտ է ապահովել առեւտրատնտեսական համագործակցութեան աճ, շեշտը դնել բարձր եւ նոր տեխնոլոգիաների վրայ, գործնականում ապահովել հաւասար պայմաններ տնտեսւարող սուբիեկտների համար, գտնել հանգոյցներ այն հիմնահարցերի շուրջ, որոնք ուղիղ ազդում են կեանքի որակի վրայ: Ի վերջոյ, եթէ տնտեսական ակտիւութեան ցուցանիշները տեսանելի կերպով չեն զգացւում քաղաքացիների կողմից, ապա դրանք վերածւում են վիճակագրութեան»,- յաւելել է ՀՀ վարչապետը։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։