Հա

Քաղաքական

15/05/2018

Փաշինեանի այցը Սոչի կամ խնդրայարոյց հանգոյցներ հայ-ռուսական յարաբերութիւններում

Տնտեսագէտ Ալեքսանդր Կարաւաեւը փորձում է պարզել, թէ Մոսկւայի եւ Երեւանի յարաբերութիւններում ինչպիսի խնդիրներ պէտք է որոշի Փաշինեանն անձամբ, իսկ ինչպիսի խնդիրներ` գործընկերների հետ:

«alikonline.ir» - Սոչիում Հայաստանի վարչապետ Նիկոլ Փաշինեանի եւ Ռուսաստանի նախագահ Վլադիմիր Պուտինի հանդիպումից գլոբալ արդիւնքների չարժէ սպասել, կարծում է ՌԳԱ էկոնոմիկայի ինստիտուտի աշխատակից Ալեքսանդր Կարաւաեւը։

Երկու երկրների յարաբերութիւններում առկայ խնդիրների քննարկումն ապագայի հարց է, եւ ոչ բոլոր այդ խնդիրներն են լուծւում ԵԱՏՄ Գերագոյն խորհրդի շրջանակում։

«Հայ-ռուսական յարաբերութիւններում կան խնդրայարոյց հանգոյցներ, բայց հէնց ԵԱՏՄ շրջանակում երկու երկրները չլուծւած հարցեր չունեն։ Սոչիում Փաշինեանի գլխաւոր խնդիրն է ծանօթանալ միութեան անդամ երկրների ղեկավարների եւ կազմակերպութեան ընդհանուր օրակարգի հետ»,- «Sputnik» Արմենիայի հետ զրոյցում ասաց փորձագէտը։

Հայաստանի եւ ԵԱՏՄ-ի միջեւ ամէն ինչ կարգին է, ներառեալ վերջին տարիների առեւտրի ռեկորդային աճը` 25.2 տոկոս (մինչեւ 2.2 մլրդ. դոլար), որի մէկ երրորդը Ռուսաստանի անմիջական վաստակն է։ Հայաստանը Ռուսաստանի հետ կապւած է հսկայական սոցիալ-տնտեսական կապերով (ներդրումների մօտ 40 տոկոսը ռուսական է, տրանսֆերտների ճնշող մեծամասնութիւնը` ՀՆԱ մինչեւ 10 տոկոս, նոյնպէս ունի ռուսական ծագում)։

Փորձագէտի կարծիքով` ԵԱՏՄ անդամ երկրների միջեւ տնտեսական կապերը պէտք է քննարկւեն, ընդհանուր առմամբ միութեան կողմից, այլ ոչ թէ երկկողմ բանակցութիւնների ընթացքում։

Ինչպէս նշեց Կարաւաեւը, երկրների հնգեակը պէտք է քննարկի փոքր եւ միջին բիզնեսին օգնելու ծրագրերը` միջազգային շուկաներ դուրս գալու եւ «արտահանման» գործընթացները միակցելու համար։

Օրինակ` Հայաստանը դարձել է ազատ առեւտրի գօտու մասին պայմանագրի առանցքային օղակն Իրանի եւ ԵԱՏՄ-ի միջեւ։ Նա թոյլ է տալիս երկրում ստեղծել աւելի որակեալ տնտեսական միջավայր եւ շարունակել Հիւսիս-հարաւ տրանսպորտային միջանցքը Ռուսաստանի ուղղութեամբ։

Փորձագէտը համոզւած է նաեւ, որ Հայաստանի եւ Ռուսաստանի յարաբերութիւններում առկայ որոշ խոցելի հարցեր կարելի է լուծել նաեւ ինքնուրոյն` Երեւանում։

«Օրինակ` հայ գնորդների համար ռուսական գազի գինն անհիմն բարձրացել են երկրի ներսում։ Այդ հարցը եղել է նախկին նախագահ Սարգսեանի հասցէին ընդդիմութեան քննադատութեան կարեւոր կէտերից մէկը, բայց Փաշինեանը կարող է լուծել «գազային խնդիրը» ոչ թէ Սոչիում կամ Մոսկւայում, այլ միայն հէնց Հայաստանում»։

Կարաւաեւի խօսքով` նոր վարչապետի առաջին արտասահմանեան ուղեւորութիւնը միայն նրա նորամուտն է միջազգային ասպարէզում։ Չարժէ դրանից զգալի փոփոխութիւններ սպասել երկրի քաղաքականութեան մէջ։

Յարակից լուրեր

  • «Նոր Հայաստանի» ուղին՝ «Սիրոյ եւ համերաշխութեան» արահետով...
    «Նոր Հայաստանի» ուղին՝ «Սիրոյ եւ համերաշխութեան» արահետով...

    Վաղը, օգոստոսի 17-ին, Երեւանի Հանրապետութեան հրապարակում վարչապետ Նիկոլ Փաշինեանի հրաւիրած համաժողովրդական համախմբումը, անշուշտ, վերածնելու է այն զօրեղ ու խրախուսիչ ապրումները, որոնք ճաշակեց ինչպէս ՀՀ ողջ ժողովուրդը, նոյնպէս էլ Սփիւռքի եւ արտերկրի հայութիւնը, սրանից հարիւր օր առաջ… Համախմբում, որն, ինչպէս վարչապետն է յայտարարել, նպատակ ունի ժողովրդի սեփականութիւնը դարձնել «Թաւշեայ յեղափոխութեան» անցած 100 օրերն ու դրա հիմքում ընկած՝ գալիք նպատակային քայլերը:

  • Երբ հարեւանը պատժամիջոցների տակ է. Հայաստաննն ու Իրանը խօսելու բան ունեն
    Երբ հարեւանը պատժամիջոցների տակ է. Հայաստաննն ու Իրանը խօսելու բան ունեն

    Իրանի նախագահ Ռոհանին վերջերս էներգետիկայի նախարար Ռեզա Արդականիանի միջոցով Հայաստանի վարչապետ Նիկոլ Փաշինեանին Թեհրան այցելելու հրաւէր է փոխանցել։ Հաշւի առնելով երկու երկրների փոխշահաւէտ յարաբերութիւնները` երկու երկրների առաջնորդները քննարկելու բան ունեն ու կարող են պայմանաւորւածութիւնների հասնել։ 

  • Քաղաքագէտ. «Փաշինեանի այցն Իրան կը լինի աւելին, քան ծանօթութիւնն է»
    Քաղաքագէտ. «Փաշինեանի այցն Իրան կը լինի աւելին, քան ծանօթութիւնն է»

    «Հայ-իրանական օրակարգում ներկայումս 2 կարեւոր հարց կայ»,- այս մասին «168.am»-ի հետ զրոյցում ասաց իրանցի քաղաքագէտ Քէյհան Բարզեգարը՝ անդրադառնալով ՀՀ վարչապետ Նիկոլ Փաշինեանի Իրան կատարելիք այցի օրակարգին:

  • Սոցցանցային ծանծաղամտութիւնը եւ հայ մամուլը
    Սոցցանցային ծանծաղամտութիւնը եւ հայ մամուլը

    Դժւար է բառերով նկարագրել այն վայնասունը, որ բարձրացաւ սոցիալական ցանցերում, ՀՅԴ ԳՄ յայտարարութիւնից յետոյ, կապւած մարտի 1-ի գործով Ռոբերտ Քոչարեանին կալանաւորելու հետ:

    ՀՅԴ-ն նշել էր` տեղի ունեցածը մտահոգիչ է եւ քաղաքաքական հետապնդման տպաւորութիւն է թողնում: Սա բաւական էր, որ Նիկոլ Փաշինեանի եւ յեղափոխութեան ճակատագրով «մտահոգ» հորդաները միաբերան աղաղակեն, որ ՀՅԴ-ն, ներկայացւած լինլով Նիկոլ Փաշինեանի կառավարութեան մէջ, ըստ էութեան, դէմ է գնում իշխանութիւններին եւ պաշտպանում «մարտի 1-ի յանցագործ» Ռոբերտ Քոչարեանին:

  • Արցախեան քառակուսի. արդեօ՞ք Փաշինեանին պէտք է հանդիպել ՀՀ նախկին նախագահներին
    Արցախեան քառակուսի. արդեօ՞ք Փաշինեանին պէտք է հանդիպել ՀՀ նախկին նախագահներին

    ԵԱՀԿ ՄԽ Ռուսաստանի նախկին համանախագահը կարծում է, որ Փաշինեանը պէտք է հանդիպի հանրապետութեան նախկին նախագահների հետ։ Փորձագէտներն այս հարցում այդքան էլ լաւատես չեն։

    Որոշ փորձագէտներ կարծում են, որ Հայաստանի նոր իշխանութիւնները արցախեան հիմնախնդրի վերաբերեալ երկրի քաղաքականութիւնը պէտք է քննարկեն նախկին նախագահների հետ։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։