Հա

Քաղաքական

16/05/2018

Արծւիկ Մինասեան. «Կը ներկայացնենք տնտեսական բլոկի ծրագիրը, յեղափոխական մօտեցումներ կը լինեն»

ՀՀ տնտեսական զարգացման եւ ներդրումների նախարարութիւնում վարչապետ Նիկոլ Փաշինեանը վերահաստատեց իր յայտարարութիւնը, որ Հայաստանում մենաշնորհներ չեն լինելու: Նա նշեց, որ հետեւողական աշխատանք է պէտք կատարել, որ դրանք դադարեն գոյութիւն ունենալ: 

«alikonline.ir» - ՀՀ տնտեսական զարգացման եւ ներդրումների նախարարութիւնում վարչապետ Նիկոլ Փաշինեանը վերահաստատեց իր յայտարարութիւնը, որ Հայաստանում մենաշնորհներ չեն լինելու: Նա նշեց, որ հետեւողական աշխատանք է պէտք կատարել, որ դրանք դադարեն գոյութիւն ունենալ: Տեղեկացնում է «yerkirmedia.am»-ը:

«Ես չափազանց մեծ գոհունակութեամբ եմ արձանագրում, որ տնտեսական դաշտն ադեկվատ է արձագանգում մեր քաղաքական յայտարարութիւններին։ Որքանով ինձ հասել են տեղեկութիւններ եւ զեկուցել են, մայիսի 8-ից յետոյ մեր տնտեսութիւնը ոչ միայն նեգատիւ ազդակներ չի ցուցաբերում, այլեւ ցուցաբերում է դրական ազդակներ, դա կարծում եմ կապւած է առկայ լաւատեսական մթնոլորտի հետ»,- ասաց Նիկոլ Փաշինեանը:

Վարչապետի խօսքով՝ պէտք է ակնկալել նաեւ զբօսաշրջութեան ծաւալների մեծացում, քանի որ միջազգային մամուլում Հայաստանը ներկայացւում է հիմնականում դրական շեշտադրումներով: «Մարդիկ լայնօրէն հետաքրքրւած են Հայաստանով ու յուսով եմ, որ դա կը վերափոխւի կոնկրետ գործողութեան ու նրանք կը որոշեն գալ Հայաստան՝ տեսնելու, թէ դա ինչ երկիր է»,- ասաց Նիկոլ Փաշինեանը:

Նա շնորհակալութիւն յայտնեց Սուրէն Կարայեանին կատարած աշխատանքի համար՝ յոյս յայտնելով, որ նա նորանշանակ նախարարին ու կառավարութեանը կը փոխանցի իր ձեռք բերած գիտելիքները՝ կապւած այս կամ այն ծրագրերի հետ: «Ցանկանում եմ շնորհակալութիւն յայտնել նախարարութեան աշխատակիցներին արդիւնաւէտ աշխատանքի համար, թիմը շատ պրոֆեսիոնալ է: Պարոն Մինասեանը նոր մարդ չէ համակարգում, մեծ յոյս կայ, որ ծրագրերը բնականոն հունով կընթանան»,- ասաց Սուրէն Կարայեանը՝ յաւելելով, որ ցանկացած պահի կօժանդակի:

Նորանշանակ նախարար Արծւիկ Մինասեանը շեշտեց, որ վարչապետի կողմից մատնանշւած հիմնախնդիրները լինելու են իրենց գերատեսչութեան ծրագրային առաջնահերթութիւններն ու ամենօրեայ գործունէութեան հիմքում: «Հակամենաշնորհային քաղաքականութիւնը որպէս կենտրոնական քաղաքականութեան մաս կը լինի ամենօրեայ ու ամէն ծրագրային մօտեցումների մէջ: Մեզ սպասւում է թէժ ու լաւ շրջան, մենք առաջիկայում կը ներկայացնենք տնտեսական բլոկի ծրագիրը, այնտեղ յեղափոխական մօտեցումներ կը լինեն, կը խնդրենք, որ աջակցութիւնը լինի ամբողջական»,- ասաց Արծւիկ Մինասեանը:

Յարակից լուրեր

  • «Նոր Հայաստանի» ուղին՝ «Սիրոյ եւ համերաշխութեան» արահետով...
    «Նոր Հայաստանի» ուղին՝ «Սիրոյ եւ համերաշխութեան» արահետով...

    Վաղը, օգոստոսի 17-ին, Երեւանի Հանրապետութեան հրապարակում վարչապետ Նիկոլ Փաշինեանի հրաւիրած համաժողովրդական համախմբումը, անշուշտ, վերածնելու է այն զօրեղ ու խրախուսիչ ապրումները, որոնք ճաշակեց ինչպէս ՀՀ ողջ ժողովուրդը, նոյնպէս էլ Սփիւռքի եւ արտերկրի հայութիւնը, սրանից հարիւր օր առաջ… Համախմբում, որն, ինչպէս վարչապետն է յայտարարել, նպատակ ունի ժողովրդի սեփականութիւնը դարձնել «Թաւշեայ յեղափոխութեան» անցած 100 օրերն ու դրա հիմքում ընկած՝ գալիք նպատակային քայլերը:

  • Երբ հարեւանը պատժամիջոցների տակ է. Հայաստաննն ու Իրանը խօսելու բան ունեն
    Երբ հարեւանը պատժամիջոցների տակ է. Հայաստաննն ու Իրանը խօսելու բան ունեն

    Իրանի նախագահ Ռոհանին վերջերս էներգետիկայի նախարար Ռեզա Արդականիանի միջոցով Հայաստանի վարչապետ Նիկոլ Փաշինեանին Թեհրան այցելելու հրաւէր է փոխանցել։ Հաշւի առնելով երկու երկրների փոխշահաւէտ յարաբերութիւնները` երկու երկրների առաջնորդները քննարկելու բան ունեն ու կարող են պայմանաւորւածութիւնների հասնել։ 

  • Քաղաքագէտ. «Փաշինեանի այցն Իրան կը լինի աւելին, քան ծանօթութիւնն է»
    Քաղաքագէտ. «Փաշինեանի այցն Իրան կը լինի աւելին, քան ծանօթութիւնն է»

    «Հայ-իրանական օրակարգում ներկայումս 2 կարեւոր հարց կայ»,- այս մասին «168.am»-ի հետ զրոյցում ասաց իրանցի քաղաքագէտ Քէյհան Բարզեգարը՝ անդրադառնալով ՀՀ վարչապետ Նիկոլ Փաշինեանի Իրան կատարելիք այցի օրակարգին:

  • Սոցցանցային ծանծաղամտութիւնը եւ հայ մամուլը
    Սոցցանցային ծանծաղամտութիւնը եւ հայ մամուլը

    Դժւար է բառերով նկարագրել այն վայնասունը, որ բարձրացաւ սոցիալական ցանցերում, ՀՅԴ ԳՄ յայտարարութիւնից յետոյ, կապւած մարտի 1-ի գործով Ռոբերտ Քոչարեանին կալանաւորելու հետ:

    ՀՅԴ-ն նշել էր` տեղի ունեցածը մտահոգիչ է եւ քաղաքաքական հետապնդման տպաւորութիւն է թողնում: Սա բաւական էր, որ Նիկոլ Փաշինեանի եւ յեղափոխութեան ճակատագրով «մտահոգ» հորդաները միաբերան աղաղակեն, որ ՀՅԴ-ն, ներկայացւած լինլով Նիկոլ Փաշինեանի կառավարութեան մէջ, ըստ էութեան, դէմ է գնում իշխանութիւններին եւ պաշտպանում «մարտի 1-ի յանցագործ» Ռոբերտ Քոչարեանին:

  • Արցախեան քառակուսի. արդեօ՞ք Փաշինեանին պէտք է հանդիպել ՀՀ նախկին նախագահներին
    Արցախեան քառակուսի. արդեօ՞ք Փաշինեանին պէտք է հանդիպել ՀՀ նախկին նախագահներին

    ԵԱՀԿ ՄԽ Ռուսաստանի նախկին համանախագահը կարծում է, որ Փաշինեանը պէտք է հանդիպի հանրապետութեան նախկին նախագահների հետ։ Փորձագէտներն այս հարցում այդքան էլ լաւատես չեն։

    Որոշ փորձագէտներ կարծում են, որ Հայաստանի նոր իշխանութիւնները արցախեան հիմնախնդրի վերաբերեալ երկրի քաղաքականութիւնը պէտք է քննարկեն նախկին նախագահների հետ։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։