Հա

Քաղաքական

12/06/2018 - 12:40

Նախիջեւանի կողմից սպառնալիքն աճում է. ահազանգում են փորձագէտները

Թուրքիան Ադրբեջանի թոյլտւութեամբ ամրապնդում է իր ներկայութիւնը Նախիջեւանում։ Դրան զուգահեռ Ադրբեջանն իր մարտական դիրքերը մօտեցնում է հայկականին։

«alikonline.ir» - Թուրքիան Ադրբեջանի թոյլտւութեամբ ամրապնդում է իր ներկայութիւնը Նախիջեւանում։ Դրան զուգահեռ Ադրբեջանն իր մարտական դիրքերը մօտեցնում է հայկականին։

Թուրք-ադրբեջանական տանդեմը սպառնում է Հայաստանին Նախիջեւանի տարածքից, որքան էլ ՀՀ պաշտպանութեան նախարարութիւնը փորձի հանգստացնել հասարակութեանը։ Այդ մասին յունիսի 11-ին մամուլի ասուլիսում ասաց Հայաստանի Դեմոկրատական կուսակցութեան առաջնորդ Արամ Սարգսեանը։ Տեղեկացնում է «Sputnik» Արմենիան:

Քաղաքական գործչի խօսքով` Նախիջեւանում Ադրբեջանի ակտիւութիւնը, մարտական դիրքերի ամրապնդումը եւ հռետորութեան խստացումը վկայում են, որ Բաքուն յոյսեր չի կապում Արցախի շուրջ բանակցային գործընթացի հետ։

«Բանակցութիւնները կարող են փակուղի մտնել, եւ այդ ֆոնին Նախիջեւանում նախապատրաստութիւնները չեն կարող անհանգստութիւն չառաջացնել։ Հայկական դիւանագիտութեան խնդիրն է ակտիւօրէն քննարկել այս խնդիրն արտասահմանեան գործընկերների հետ։ Պէտք է առաջ ընկնել, չի կարելի թոյլ տալ նւազագոյն անգործութիւն»,- ասաց Սարգսեանը։

Նրա հետ համամիտ է Արտակարգ եւ լիազօր դեսպան Արման Նաւասարդեանը։ Նա կարծում է, որ Նախիջեւանի ուղղութեամբ թուրք-ադրբեջանական ակտիւութեան հարցում Հայաստանը պէտք է միջազգային համաժողով գումարի եւ ընդլայնումը կանխելու ուղիներ ու մեխանիզմներ գտնի։

Քաղաքագէտ Երւանդ Բոզոյեանն իր հերթին կարծում է, որ հայ հասարակութիւնը վարդագոյն ակնոցով է նայում տարածաշրջանային իրավիճակին` մոռանալով, որ նոյն Թուրքիան Սիրիայում կարողացաւ իր օգտին լուծել քրդերի խնդիրը։ Քրդերի հարցը լուծելով Աֆրինում` Թուրքիան հիմա արշաւ է սկսում Մանբիջում` չհանդիպելով առաջատար գերտէրութիւնների դիմադրութեանը։ Հիմա, երբ Անկարան ու Բաքուն փաստացիօրէն սպառնում են Հայաստանին Նախիջեւանի կողմից, Երեւանը բոլոր մակարդակներում պէտք է բարձրացնի այդ խնդիրը` զուգահեռաբար ուժեղացնելով իր բանակը։

«Մենք պէտք է ակտիւացնենք համագործակցութիւնը մեր ռազմավարական գործընկերների հետ, պէտք է նրանց ուշադրութիւնը սեւեռենք խնդրի վրայ։ Իրավիճակին վտանգ է հաղորդում նաեւ Իրանի դէմ Արեւմուտքի նոր պատժամիջոցների հեռանկարը։ Ինձ թւում է` Արեւմուտքի հակաիրանական քայլերը կարող են Թուրքիայի համար կանաչ լոյս վառել տարածաշրջանում։ Ոչ մի դէպքում չի կարելի նման բան թոյլ տալ»,- համոզւած է Բոզոյեանը։

Յիշեցնենք` աւելի վաղ Ադրբեջանի զինւած ուժերը յայտարարել են, որ ռազմավարական բարձունքներ եւ գիւղ են գրաւել Նախիջեւանում` Հայաստանի հետ սահմանին, որտեղ նախկինում գտնւել են Հայաստանի դիրքերը, ինչպէս նաեւ «իրենց վերահսկողութեան տակ են վերցրել մօտ 11 հազար հեկտար տարածք, որից աւելի քան 8 հազարը պիտանի է հողագործութեան համար»։

Հայաստանի պաշտպանական գերատեսչութիւնը հերքում է Նախիջեւանի ուղղութեամբ ակտիւ գործողութիւնների փաստը` նշելով, որ վերոյիշեալ բնակավայրը միշտ եղել է հայկական ստորաբաժանումների դիրքերի դիմաց եւ շարունակում է գտնւել ուղիղ տեսանելիութեան գօտում։

Յարակից լուրեր

  • Ստեփան Դանիէլեան. «Ադրբեջանի նետած մարտահրաւէրը. սա արդէն փոխում է Արցախի խնդրի տրամաբանութիւնը»
    Ստեփան Դանիէլեան. «Ադրբեջանի նետած մարտահրաւէրը. սա արդէն փոխում է Արցախի խնդրի տրամաբանութիւնը»

    Ալիեւը Ադրբեջանի իշխող կուսակցութեան համագումարում յայտարարել է, որ «Մենք չպէտք է մոռանանք մեր պատմական հողերի մասին։ Այս մասին ֆէյսբուքեան իր էջում գրել է քաղաքական վերլուծաբան Ստեփան Դանիէլեանը:

  • Փորձագէտ. «Թուրքիան շարունակում է վարել հին քաղաքականութիւնը Հայաստանի հանդէպ»
    Փորձագէտ. «Թուրքիան շարունակում է վարել հին քաղաքականութիւնը Հայաստանի հանդէպ»

    Թուրքական կողմից Հայաստանի հետ յարաբերութիւնների հաստատման որեւէ ցանկութիւն չի նկատւում։ Այս մասին «News.am»-ի թղթակցի հետ զրոյցում ասել է Հայաստանի Գիտութիւնների ազգային ակադեմիայի Արեւելագիտութեան ինստիտուտի տնօրէն Ռուբէն Սաֆրաստեանը՝ պատասխանելով հարցին, թէ ինչպէս կարելի է գնահատել Հայաստանի կառավարութեան ծրագրում Թուրքիայի հետ դիւանագիտական յարաբերութիւնների հաստատման հնարաւորութիւնների մասին դրոյթի բացակայութիւնը։

  • Հայաստան սփիւռք յարաբերութիւնների հոլովոյթը
    Հայաստան սփիւռք յարաբերութիւնների հոլովոյթը

    Մեր մանկա-պատանեկան տարիներին, Հայաստանը Սովետական երկաթեայ վարագոյրից ներս գտնւելու բերումով, մեզ համար մանկական հեքիաթների նման, համարւում էր եօթն սարերի հետևում անգտանելի մի աշխարհի որի կարօտը միշտ զգում էինք և ճար ու դարման էլ չունէինք մեր կարօտին յագուրդ տալու: Առաւել մեզ խեղճ էինք զգում, ի տես մեր բնակարաններում պատերից կախւած և կամ արծաթեայ մի քանի սպասների վրայ քանդակւած, Մայր Հայաստանի պատկերը, տխուր ու տրտում դէմքով, ձեռքը ծնօտին՝ Հայաստանի աւերակների վրայ նստած:

  • Նախիջեւան. ռազմաքաղաքական հարցեր
    Նախիջեւան. ռազմաքաղաքական հարցեր

    Եթէ ուշադիր հետեւենք, վերջին երկու տասնամեակների կտրւածքով, Նախիջեւանի շուրջ ներքին ու արտաքին զարգացումներին, ապա դժւար չէ նկատել, որ այդ ուղղութեամբ մեդիա տիրոյթում առկայ է տեղեկատւութեան սղութիւն, որը մենք պայմանականօրէն անւանում ենք տեղեկատւական վակուում։ Նախիջեւանեան գործընթացների վերաբերեալ տեղեկատւութեան խիստ սահմանափակութեան հանգամանքը թերեւս ունի ինչպէս օբեկտիւ, այնպէս էլ սուբեկտիւ դրդապատճառներ։ Նախ՝ տպաւորութիւն է ստեղծւում, որ նշեալ ժամանակաշրջանում տարածաշրջանային ու, առհասարակ, միջազգային գործընթացներում նւազել է Նախիջեւանի նշանակութիւնը, հետեւաբար` դրա վերաբերեալ մամուլում տեղ գտած անդրադարձները առանձնացել են տեղեկատւութեան սահմանափակութեամբ։ Միւս կողմից` թերեւս դժւար է չհամաձայնել, որ նախիջեւանեան գործընթացների ուղղութեամբ տեղեկատւական հոսքերը, խոշոր հաշւով, վերահսկելի են, ուստի այդ զարգացումների վերաբերեալ լրատւութիւնը ներկայացւում է այնքան, որքան անհրաժեշտ է, այնպէս, ինչպէս պէտք է։

  • Չինաստանը «զզւելի» է որակել Թուրքիայի ԱԳՆ-ի յայտարարութիւնը ոյղուրների «համակենտրոնացման ճամբարների» մասին
    Չինաստանը «զզւելի» է որակել Թուրքիայի ԱԳՆ-ի յայտարարութիւնը ոյղուրների «համակենտրոնացման ճամբարների» մասին

    Չինաստանի Ժողովրդական Հանրապետութեան պաշտօնական ներկայացուցիչ Խուա Չունեինը «զզւելի» է որակել Թուրքիայի արտգործնախարարութեան խօսնակի յայտարարութիւնները Չինաստանի տարածքում ապրող ոյղուրական համայնքի ներկայացուցիչների «համակենտրոնացման ճամբարների» մասին: Տեղեկացանում է «Tert.am»-ը՝ ռուսական «ՌԻԱ Նովոստի» գործակալութեանը յղումով:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։