Հա

Քաղաքական

15/07/2018 - 11:10

Արցախի կառավարութեան օպերատիւ շտաբի անդամների յայտարարութիւնը՝ Արթուր Աղաբէկեանի տան խուզարկութեան առթիւ

2016 թ. ապրիլին ձեւաւորւած՝ Արցախի Հանրապետութեան կառավարութեան օպերատիւ շտաբի անդամները յայտարարութիւն են տարածել յուլիսի 13-ին Արթուր Աղաբէկեանի հայրական առանձնատանը եւ օժանդակ շինութիւններում կատարւած խուզարկութեան վերաբերեալ, որի մէջ, մասնաւորապէս, գրւած է՝

«alikonline.ir» - 2016 թ. ապրիլին ձեւաւորւած՝ Արցախի Հանրապետութեան կառավարութեան օպերատիւ շտաբի անդամները յայտարարութիւն են տարածել յուլիսի 13-ին Արթուր Աղաբէկեանի հայրական առանձնատանը եւ օժանդակ շինութիւններում կատարւած խուզարկութեան վերաբերեալ, որի մէջ, մասնաւորապէս, գրւած է՝

«Մենք՝ 2016 թ. ապրիլին ձեւաւորւած՝ Արցախի Հանրապետութեան կառավարութեան օպերատիւ շտաբի անդամներս, տարակուսանք եւ վրդովմունք ենք յայտնում օպերատիւ շտաբի անդամներից մէկի՝ Արթուր Աղաբէկեանի պաշտօնական գործառոյթների իրականացման հանդէպ ցուցաբերւած վերաբերմունքի առթիւ: Մասնաւորապէս, ՀՀ ընդհանուր իրաւասութեան դատարանը 2018 թ.-ի յուլիսի 10-ին բաւարարել է Հադրութի շրջանի Մեծ Թաղեր գիւղում տեղակայւած՝ Ա. Աղաբէկեանի հայրական առանձնատանը եւ օժանդակ շինութիւններում խուզարկութիւն կատարելու միջնորդութիւնը, որի հիման վրայ 13.07.2018 թ.-ին խուզարկութիւն է կատարւել նշւած շինութիւններում: Խուզարկութեան հիմք հանդիսացող վերը նշւած միջնորդութիւնը քննութեան առնելու մասին ՀՀ ընդհանուր իրաւասութեան դատարանի որոշումից Ա. Աղաբէկեանը տառացի մէջբերել է. «Արցախի Հանրապետութեան նախագահի խորհրդական Արթուր Աղաբէկեանը 2016 թ.-ի ապրիլին հանդիսանալով ԱՀ փոխվարչապետ, համակարգել է ՀՀ-ից եւ արտերկրից առաջնագծի եւ զինծառայողների համար տրամադրւող օգնութիւնների ստացման  եւ բախշման նպատակով ստեղծւած յանձնաժողովի աշխատանքները եւ օգտւելով ստեղծւած իրավիճակից՝ պատշաճ յսկողութեան բացակայութիւնից, իւրացրել է մեծ քանակի օգնութիւն»:

Այդ առթիւ յայտարարում ենք՝ Արցախի Հանրապետութեան կառավարութիւնը 2016 թ. ապրիլեան պատերազմի ժամանակ, թիկունքային եւ ինժեներական աշխատանքները Պաշտպանութեան բանակի հետ համադրելու համար 04.04.2016թ. ստեղծել է օպերատիւ շտաբ, որը գլխաւորում էր 2016թ. ԼՂՀ վարչապետ Արայիկ Յարութիւնեանը իսկ շտաբի անդամներն են եղել (2016թ. դրութեամբ)՝ Լեռնային Ղարաբաղի Հանրապետութեան փոխվարչապետ Արթուր Աղաբէկեանը Լեռնային Ղարաբաղի Հանրապետութեան կառավարութեան աշխատակազմի ղեկավար-նախարար Լեւոն Գրիգորեանը Լեռնային Ղարաբաղի Հանրապետութեան էկոնոմիկայի նախարար Անդրանիկ Խաչատրեանը Լեռնային Ղարաբաղի Հանրապետության քաղաքաշինութեան նախարար Կարէն Շահրամանեանը Լեռնային Ղարաբաղի Հանրապետութեան աշխատանքի եւ սոցիալական հարցերի նախարար Սամուէլ Աւանեսեանը Լեռնային Ղարաբաղի Հանրապետութեան կառավարութեանն առընթեր արտակարգ իրավիճակների պետական ծառայութեան տնօրէն Արթուր Յարութիւնեանը Լեռնային Ղարաբաղի Հանրապետութեան գիւղի եւ գիւղատնտեսութեան աջակցութեան հիմնադրամի տնօրէն Աշոտ Բախշիեանը Արցախի ներդրումային հիմնադրամի տնօրէն Արտակ Միրզոյեանը:

Ստեղծւած օպերատիւ շտաբի պարենային ծառայութեան պատասխանատու է նշանակւել ԼՂՀ գիւղի եւ գիւղատնտեսութեան աջակցութեան հիմնադրամի տնօրէն Աշոտ Բախշիեանը, իրային ծառայութեան ապահովման մասով՝ Արցախի ներդրումային հիմնադրամի տնօրէն Արտակ Միրզոյեանը: Սոյն օպերատիւ շտաբը համակարգել է այդ օրերին Արցախին օգնութիւն տրամադրած պարենային, այլ նիւթական եւ ֆինանսական նւիրատւութիւնները, ԼՂՀ կառավարութեան անունով բացւել է յատուկ հաշւեհամար՝ ֆինանսական նւիրատւութիւնների ստացման համար: Թէ՛ պատերազմի օրերին, թէ՛ դրան յաջորդած ժամանակահատւածում օպերատիւ շտաբն իրեն ուղղւած բոլոր տեսակի օգնութիւնների ստացման եւ բաշխման աշխատանքները կատարել է համախորհուրդ, որոնց մասին պարբերաբար հանդէս է եկել հրապարակային հաղորդագրութիւններով և հաշւետւութիւններով: Այդ ընթացքում մեր կողմից ստացւած իւրաքանչիւր լումա, իւրաքանչիւր օգնութիւն տրամադրւել է պաշտպանութեան բանակին, կամաւորականներին, կամաւորականների ընտանիքներին եւ ապրիլեան պատերազմի հետեւանքով տուժածներին ու ժամանակաւոր տեղահանւածներին: Նիւթական եւ ֆինանսական օգնութիւնների ստացման ու բաշխման մասին հրապարակւել են թափանցիկ հաշւետւութիւններ, որոնք տեղադրւած են Արցախի Հանրապետութեան կառավարութեան պաշտօնական կայքէջում:

Բացի ֆինանսական եւ նիւթական աջակցութիւնների ստացման ու բաշխման վերաբերեալ հաշւետւութիւնների պարբերական հրապարակումից, մենք նաեւ 2016թ. օգոստոսին նախաձեռնել էինք մի շարք հանրային գործիչների շրջայց առաջնագիծ՝ ներկայացնելու յատուկ հաշւեհամարի նւիրատւութիւնների եւ պետական ու մասնաւոր այլ միջոցների հաշւին իրականացւած լայնածաւալ աշխատանքներն առաջնագծում: Յատկանշական է, որ այդ շրջայցին մասնակցում էր նաեւ ՀՀ ներկայ վարչապետ Նիկոլ Փաշինեանը, ով բարձր է գնահատել կատարւած աշխատանքները եւ հանդէս եկել որոշ առաջարկներով: Սոյն օպերատիւ շտաբի անդամներս յայտնում ենք մեր վրդովմունքը օպերատիւ շտաբի գործունէութեան հանդէպ ցուցաբերած անվստահութեան եւ զրպարտութեան համար եւ ափսոսանքով նշում, որ կասկածի տակ է առնւում 2016թ. ապրիլին համազգային զարթօնքի եւ միասնականութեան գաղափարը: Մենք նաեւ անընդունելի ենք համարում սոյն շտաբի մէկ անդամի նկատմամբ դրսեւորած գործողութիւնները»:

Յարակից լուրեր

  • Արամ Ա. «Մեր ժողովուրդը ոչ միայն կուզէ տեսնել անկախացած Հայաստանը, այլեւ Հայաստանը կուզէ տեսնել Արարատով»
    Արամ Ա. «Մեր ժողովուրդը ոչ միայն կուզէ տեսնել անկախացած Հայաստանը, այլեւ Հայաստանը կուզէ տեսնել Արարատով»

    Խօսքն ուղղելով Փաշինեանին` Վեհափառն ընդգծել է, որ թաւշեայ յեղափոխութեան առաջին իսկ օրերից ինքը կապ է հաստատել նրա հետ եւ շեշտել յեղափոխութեան կարեւորութիւնը Հայաստանի հզօրացման հարցում:

  • Մարտունիում կազմակերպւել է նռան փառատօն
    Մարտունիում կազմակերպւել է նռան փառատօն

    Երէկ՝ հոկտեմբերի 21-ին, Մարտունի քաղաքում կայացել է նռան երկրորդ փառատօնը:

  • Նիկոլ Փաշինեանը դժւար է պատկերացնում ԼՂ հարցի կարգաւորումն առանց Արցախի կարգավիճակի ճշգրտման եւ յստակեցման
    Նիկոլ Փաշինեանը դժւար է պատկերացնում ԼՂ հարցի կարգաւորումն առանց Արցախի կարգավիճակի ճշգրտման եւ յստակեցման

    Հայաստանի Հանրապետութեան վարչապետի պաշտօնակատար Նիկոլ Փաշինեանը Լիբանանի հայ համայնքի ներկայացուցիրների հետ հանդիպմանն անդրադարձել է արցախեան հիմնախնդրի կարգաւորմանը: Նիկոլ Փաշինեանն ընդգծել է, որ շատ յաճախ միջազգային հանրութեան ներկայացուցիչները տարբեր բանակցութիւնների ժամանակ հարց են տալիս՝ Հայաստանը պատրա՞ստ է փոխզիջումների: 

  • Եթէ խաղաղութիւնը հողերի վերադարձով է պայմանաւորւում
    Եթէ խաղաղութիւնը հողերի վերադարձով է պայմանաւորւում

    Հետաքրքիր է, որ Միլսի յայտարարութեան յաջորդ օրը հետեւեց ՌԴ արտգործնախարարութեան խօսնակ Մարիա Զախարովայի կոշտ արձագանգը, որի մէջ ՌԴ արտաքին գերատեսչութիւնն ԱՄՆ կառավարութեանը բաց տեքստով մեղադրել է Հայաստանի ներքին գործերին միջամտելու մեջ: Եւ ոչ միայն: Զախարովան նաեւ հարց է տալիս՝ ի՞նչ են իրենց թոյլ տալիս ամերիկեան դեսպաններն աշխարհով մէկ, նրանք հարւածում են դեմոկրատիային, ԶԼՄ-ների ազատութեանը, քաղաքացիական հասարակութեանը, նրանք հարւածում են նաեւ հէնց իրենց՝ ցոյց տալով ԱՄՆ քաղաքական կեանքում առկայ կեղծաւորութիւնը:

  • Ակնարկ. Ուաշինկթընի հետեւողական պահուածքը խնդրոյ խռարկայ է
    Ակնարկ. Ուաշինկթընի հետեւողական պահուածքը խնդրոյ խռարկայ է

    Հայաստանի Հանրապետութեան մէջ Միացեալ Նահանգներու դեսպանին կատարած յայտարարութիւնը թէ՛ պատմական եւ թէ՛ քաղաքական ու իրաւական տուեալներով կարելի է հակափաստարկել: Բնականաբար նաեւ շատ համոզիչ ձեւերով պարզել, թէ ինչո՛ւ այդ մասին քննարկումներ չկան հայկական դաշտին մէջ, երբ յատկապէս ի սպառ կը բացակային քննարկումները Պաքուի մէջ անցեալին վերադարձը բացառելու եւ Արցախի ժողովուրդի կամարտայայտութեան փաստին հետ հաշուի նստելու: Որուն համար զարմանք չի յայտներ ամերիկացի դիւանագէտը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։