Հա

Քաղաքական

18/07/2018 - 08:50

ԱՀ ԱԺ փոխնախագահ. «Հայաստանի եւ Արցախի միջեւ պէտք է մշակւի ու ստորագրւի ռազմաքաղաքական համագործակցութեան մասին պայմանագիր»

Հայաստանի եւ Արցախի միջեւ պէտք է մշակւի եւ ստորագրւի ռազմաքաղաքական համագործակցութեան մասին պայմանագիր: 

«alikonline.ir» - Հայաստանի եւ Արցախի միջեւ պէտք է մշակւի եւ ստորագրւի ռազմաքաղաքական համագործակցութեան մասին պայմանագիր: Այս մասին «tert.am»-ի հետ զրոյցում ասաց Արցախի Հանրապետութեան Ազգային ժողովի փոխնախագահ Վահրամ Բալայեանը:

«Որպէսզի երկու երկրների միջեւ համագործակցութիւնն իրաւական հիմքերի վրայ դրւի, կարծում եմ, որ նման պայմանագրի անհրաժեշտութիւն կայ: Այդ պայմանագիրը պէտք է ներառի Հայաստանի ու Արցախի պարտաւորութիւնները, համաձայնութիւնները, քաղաքական համագործակցութեան բնոյթը պատերազմի պայմաններում, խաղաղ ժամանակ կամ լարւածութեան շրջանում»,- մանրամասնեց ԱՀ ԱԺ փոխնախագահը:

Նա ասաց, որ ռազմաքաղաքական համագործակցութեան պայմանագրի պարագայում հակառակորդը կը հասկանայ, որ Արցախն ու Հայաստանը մէկ երկիր են:

«Այս պահին մենք առաջ ենք շարժւում Արցախը միջազգային, իրաւական տեսանկիւնից ճանաչելու ճանապարհով: Պէտք է որոշակի իրաւասութիւնների ու պարտականութիւնների տարանջատում լինի, որպէսզի միջազգային հանրութիւնն էլ հասկանա, որ երկու պետութեան կենսական շահն է իրար հետ համագործակցելը: Իհարկէ, սա չի նշանակում, որ Հայաստանի ու Արցախի միջեւ այսօր համագործակցութիւն չկայ, բայց կարծում եմ, որ նման պայմանագիրը նոր լիցք կը հաղորդի մեզ»,- նշեց Վահրամ Բալայեանը:

Խորհրդարանի փոխխօսնակն ասաց, որ Հայաստանի եւ Արցախի միջեւ ռազմաքաղաքական համագործակցութեան մասին պայմանագիրը կարող է իր մեջ ուղերձ պարունակել, որ հետագայում կայ Արցախը Հայաստանի կողմից ճանաչելու պատրաստակամութիւն:

«Սա նաեւ կը նպաստի միջազգային ճանաչման գործընթացի ակտիւացմանը, որովհետեւ օտարներն էլ կը տեսնեն, որ Հայաստանը պատրաստակամութիւն ունի նման ճանապարհ անցնել»,- ասաց նա:

Ինչ վերաբերում է այն տեսակէտներին, որ Հայաստանի նոր իշխանութիւնները պէտք է վերահաստատեն քառօրեայ պատերազմից յետոյ արտայայտած դիրքորոշումը, որ պատրաստ են ճանաչել Ղարաբաղի անկախութիւնը, եթէ Ադրբեջանը պատերազմի, Վահրամ Բալայեանն ասաց, որ նախկին իշխանութիւնների կողմից որդեգրւել էր քաղաքականութիւն՝ ունենալ Ադրբեջանին զսպելու լծակ, դրդել միջազգային հանրութեանն ակտիւ միջնորդական առաքելութիւն իրականացնել: Նա ասաց, որ 2016 թւականին «ճիշտը դա էր», իսկ ներկայումս այդ հարցը «ոտքի վրայ լուծելու չէ, քննարկել է պէտք»:

Բալայեանի խօսքով՝ ՀՀ կողմից Արցախի անկախութիւնը ճանաչելուց յետոյ բանակցային գործընթացի համար որոշակի խոչընդոտներ կառաջանան, լարւածութիւնը կը մեծանայ, բայց պատերազմը, նրա խօսքով՝ պետութիւնների պատրաստւածութիւնից է կախւած:

«Մեր երաշխիքը հայկական բանակն է, ժողովուրդն է, որը միասնական է»,- յաւելեց ԱՀ ԱԺ փոխնախագահը:

Յարակից լուրեր

  • Իրանագէտ. «ԱՄՆ-ի պատժամիջոցները չեն կարող շրջադարձային կերպով խաթարել Հայաստան-Իրան տնտեսական գործակցութիւնը»
    Իրանագէտ. «ԱՄՆ-ի պատժամիջոցները չեն կարող շրջադարձային կերպով խաթարել Հայաստան-Իրան տնտեսական գործակցութիւնը»

    Իրանագէտ Վարդան Ոսկանեանն անդրադառնալով ԱՄՆ-ի կողմից Իրանի նկատմամբ սահմանւած պատժամիջոցներին եւ դրանց ազդեցութեանը հայ-իրանական տնտեսական համագործակցութեան վրայ, նկատեց, որ ցանկացած պատժամիջոցային փաթեթ Հայաստանի բիզնես շրջանակների եւ Հայաստան-Իրան տնտեսական յարաբերութիւնների համար ստեղծում է որոշակի ռիսկային դաշտ։

  • Միջպետական յարաբերութիւնները լաւագոյնս արդիւնաւորելու համար՝ անհրաժեշտ է, որ Կանադան Երեւանի մէջ դեսպանատուն հիմնէ
    Միջպետական յարաբերութիւնները լաւագոյնս արդիւնաւորելու համար՝ անհրաժեշտ է, որ Կանադան Երեւանի մէջ դեսպանատուն հիմնէ

    Հայաստան կատարած պատմական այցելութեան ընթացքին, վարչապետին ընկերակցող հայ համայնքը ներկայացնող պատուիրակութեան մաս կը կազմէին Կանադայի Հայ Դատի յանձնախումբի անդամներ Րաֆֆի Տօնապետեան, Շահէն Միրաքեան եւ Յակոբ Թորոսեան։ «Հորիզոն» հարցազրոյց ունեցաւ Հայ Դատի յանձնախումբի ներկայացուցիչ Րաֆֆի Տօնապետեանի հետ։

  • Եթէ խաղաղութիւնը հողերի վերադարձով է պայմանաւորւում
    Եթէ խաղաղութիւնը հողերի վերադարձով է պայմանաւորւում

    Հետաքրքիր է, որ Միլսի յայտարարութեան յաջորդ օրը հետեւեց ՌԴ արտգործնախարարութեան խօսնակ Մարիա Զախարովայի կոշտ արձագանգը, որի մէջ ՌԴ արտաքին գերատեսչութիւնն ԱՄՆ կառավարութեանը բաց տեքստով մեղադրել է Հայաստանի ներքին գործերին միջամտելու մեջ: Եւ ոչ միայն: Զախարովան նաեւ հարց է տալիս՝ ի՞նչ են իրենց թոյլ տալիս ամերիկեան դեսպաններն աշխարհով մէկ, նրանք հարւածում են դեմոկրատիային, ԶԼՄ-ների ազատութեանը, քաղաքացիական հասարակութեանը, նրանք հարւածում են նաեւ հէնց իրենց՝ ցոյց տալով ԱՄՆ քաղաքական կեանքում առկայ կեղծաւորութիւնը:

  • Փաշինեանը փակո՞ւմ է Իրանի հետ սահմանը
    Փաշինեանը փակո՞ւմ է Իրանի հետ սահմանը

    Սիւնիքի մարզում Նիկոլ Փաշինեանի բացատրութիւնները, թէ ինչու է Յունան Պօղոսեանին նշանակել մարզպետ, զաւեշտալի լինելուց բացի նաեւ մտահոգիչ են: Շնորհիւ Փաշինեանի յայտարարութեան, այսօր ողջ աշխարհն իմացաւ, որ Հայաստան-Իրան սահմանով մեծ չափերի հասնող նարկոթրաֆիկ գոյութիւն ունի, եւ ինքը, ահա, բարձրաստիճան ոստիկանին մարզպետ նշանակելով, միջոցներ է ձեռք առել թմրանիւթերի ճանապարհը փակելու համար: 

  • Ստեփան Դանիէլեան. «Կուռքեր մի ստեղծէք, որ չհիասթափւէք ու չյուսահատւէք»
    Ստեփան Դանիէլեան. «Կուռքեր մի ստեղծէք, որ չհիասթափւէք ու չյուսահատւէք»

    «Ցանկացած առողջ, կամ առողջանալու ցանկաթիւն ունեցող հասարակութիւն պէտք է փորձի իմաստաւորել ու վերաիմաստաւորել իր հեռու եւ ոչ այնքան հեռու անցեալը. առանց իմաստաւորման առաջընթաց չի կարող լինել»: 

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։