Հա

Քաղաքական

18/07/2018 - 10:00

Կիրօ Մանոյեան. «Ինչպէս Արամն է պատգամել, մեր նպատակը պէտք է լինի Հայաստանի կորիզը աճեցնելը»

Ստորեւ ներկայացնում ենք ՀՅԴ Բիւրոյի անդամ Կիրօ Մանոյեանի ելոյթը` Արամ Մանուկեանի արձանի բացման առիթով.

«alikonline.ir» - Ստորեւ ներկայացնում ենք ՀՅԴ Բիւրոյի անդամ Կիրօ Մանոյեանի ելոյթը` Արամ Մանուկեանի արձանի բացման առիթով.

«Հայաստանի հողի վրայ հայոց պետականութեան կորստից մօտ 9 դար յետոյ վերականգնւած հայոց պետականութեան Հայաստանի Հանրապետութեան փաստացի հիմնադիր Արամ Մանուկեանի յուշարձանի կանգնեցումը քաղաքամայր Երեւանի կենտրոնում, թէկուզ ուշացած, բայց պատշաճ յարգանքի տուրք է: Յարգանքի մի քայլ, որը ցանկալի է, որ ունենայ իր շարունակութիւնը, այնպէս ինչպէս նախատեսւած էր` Արամ արքային նւիրւած Արամի փողոցի վերանւանումը Արամ Մանուկեանի փողոց, այդ փողոցի մէկ հատւածում Հայաստանի առաջին Հանրապետութեան նւիրւած այգու հաստատումը` խորհրդարանի նախագահների ու վարչապետերի կիսանդրիներով: Մենք նաեւ աշխատում ենք, որ այդ փողոցում գտնւող Արամ Մանուկեանի տունը, աւելի ճիշտ, տան մնացած պատերի ներսում կառուցւի Արամ Մանուկեանի եւ Հայաստանի առաջին Հանրապետութեան նւիրւած տուն-թանգարան:

Հասկանալի է, որ առանց այդ վերականգնւած պետականութեան, մենք չէինք ունենայ ոչ Խորհրդային Հայաստան, ոչ վերանկախացած Հայաստանի Հանրապետութիւն, ոչ` նոր Հայաստան:

Արամի արձանի կանգնեցումը չի կարելի մեկնաբանել որպէս անհատի պաշտամունքի դրսեւորում: Ընդհակառակը, սա յարգանք է մէկ սովորական մահկանացուի, ով ծնւել էր Սիւնիքում, մեծացել Շուշիում, կուսակցական գործունէութիւն ծաւալել Բաքւում, Թիֆլիսում ու Կարսում, ապա անցել Վան, կազմակերպել տեղի հայութեանը, Մեծ եղեռնի օրերին կազմակերպել Վանի ինքնապաշտպանութիւնը եւ հիմք դրել հայոց պետականութեան վերականգնմանը, անցել Երեւան, առաջնորդել մայիսեան ճակատամարտերն ու ՀՀ հիմնադրութիւնը: Եւ որպէս սովորական մահկանացու ինքը եւս վարակւել էր ժողովրդից բծաւոր տիֆով եւ ընդամէնը 40 տարեկանում մահացել:

Դեռ սովետական ժամանակաշրջանից սկսած Արամի ու իր գոծակիցների վաստակի ստորագնահատումի կարեւոր պատճառներից մէկը նրա ՀՅԴ անդամ լինելու փաստն է: Արամը դաշնակցական էր երկու առումով, առաջին` կուսակցական` իր ամբողջ կեանքը նւիրելով հայ ժողովրդի ազատութեան պայքարին: Նա նաեւ դաշնակցական էր բառի ոչ կուսակցական առումով: Նա հաւատում էր, որ կարող է պայքարել` տարբեր ուժեր համախմբելով:

Արամի մտքերից շատերը այսօր եւս մնում են ուսանելի, առաջնորդող: Այդ մտքերից է այս բառերով արտայայտածը:

«Մենակ ենք ու պէտք է ապաւինենք միայն մեր ուժերին, թէ ճակատը պաշտպանելու, թէ երկրի ներսը կարգ հաստատելու համար»: Սա չի նշանակում չունենալ դաշնակիցներ կամ ընկերներ, բայց նշանակում է` յոյսը ամէնից առաջ դնել սեփական ուժերի վրայ, թէ մեր ներքին խնդիրները լուծելու, թէ մեր արտաքին սպառնալիքներն ու մարտահրաւէրները դիմակայելու համար:

Արամի արձանը կանգնեցնելով մենք յարգում ենք մեր պետականութիւնը վերականգնած ամբողջ սերնդին: Արամի մտքերից մէկը նաեւ մեր երկիրը ընկոյզի նմանեցնելով, նրա կորիզը կարեւորելն է: Այսօրւայ մեր Հայաստանի ու Արցախի Հանրապետութիւնները մեր հայրենիքի կորիզն են, որի շուրջ ապագայում ձեւաւորւելու է մեր ամբողջական հայրենիքը: Մինչ այդ, սակայն, ինչպէս Արամն է պատգամել, մեր նպատակը պէտք է լինի Հայաստանի կորիզը աճեցնել»:

Յարակից լուրեր

  • Իրանագէտ. «Հայկական կողմը զբաղւած էր իր ներքին խնդիրներով, իրանական կողմն էլ իր հերթին՝ սպասում էր այդ ներքին խնդիրների հանգուցալուծմանը»
    Իրանագէտ. «Հայկական կողմը զբաղւած էր իր ներքին խնդիրներով, իրանական կողմն էլ իր հերթին՝ սպասում էր այդ ներքին խնդիրների հանգուցալուծմանը»

    Լրագրողների հետ հանդիպման ժամանակ, Իրանագէտ Ահարոն Վարդանեանն անդրադառնալով «168.am»-ի այն հարցին, թէ ինչո՞ւ մինչ օրս՝ Հայաստանում տեղի ունեցած իշխանափոխութիւնից յետոյ, ՀՀ վարչապետի եւ Իրանի նախագահի հանդիպում չի կայացել, նկատել է՝ հայկական կողմը զբաղւած էր իր ներքին խնդիրներով, իրանական կողմն էլ իր հերթին՝ սպասում էր այդ ներքին խնդիրների հանգուցալուծմանը։

  • Արտակ Զաքարեան. «Հայաստանը բանակցային փուլում յանուն թւացեալ խաղաղութեան կարող է յայտնւել զիջումների գնալու ճանապարհին՝ միջազգային ճնշման տակ»
    Արտակ Զաքարեան. «Հայաստանը բանակցային փուլում յանուն թւացեալ խաղաղութեան կարող է յայտնւել զիջումների գնալու ճանապարհին՝ միջազգային ճնշման տակ»

    Ենթադրում եմ, որ այն, ինչի մասին մենք խօսում եւ զգուշացնում էինք, կարող է իրականութիւն դառնալ: «Tert.am»-ի հետ զրոյցում ասաց ՀՀ ԱԺ արտաքին յարաբերութիւնների յանձնաժողովի նախկին նախագահ, պաշտպանութեան նախկին փոխնախարար Արտակ Զաքարեանը՝ նշելով, որ Հայաստանը բանակցային փուլում յանուն թւացեալ խաղաղութեան կարող է յայտնւել զիջումների գնալու ճանապարհին՝ միջազգային ճնշման տակ:

  • Դեղին քարտ` յետյեղափոխական Հայաստանի դատաիրաւական համակարգին. «Փաստ»
    Դեղին քարտ` յետյեղափոխական Հայաստանի դատաիրաւական համակարգին. «Փաստ»

    «Փաստ» թերթը գրում է. «Սոյն թւականի յունւարի 17-ին Մարդու իրաւունքների եւրոպական դատարանը 39-րդ Կանոնի համաձայն որոշել է միջանկեալ միջոց կիրառել Սամուէլ Մայրապետեանի գործով եւ ցուցում է տւել Հայաստանի կառավարութեանը շտապ կերպով ապահովել Սամուէլ Մայրապետեանի առողջական վիճակին համապատասխան բուժօգնութիւն՝ համաձայն բժիշկ մասնագէտների ցուցումների՝ այդ թւում տրանսլիւմինալ դրենաւորման մեթոդի կիրառմամբ:

  • Ի՞նչ հաշտեցում, քանի դեռ կռւի պատճառները վերացւած չեն
    Ի՞նչ հաշտեցում, քանի դեռ կռւի պատճառները վերացւած չեն

    «Նախարարները քննարկել են Լեռնային Ղարաբաղի հակամարտութեան կարգաւորման հետ կապւած հարցերի լայն շրջանակ եւ համաձայնել են, որ անհրաժեշտ է բնակչութեանը խաղաղութեան նախապատրաստելուն ուղղւած կոնկրետ միջոցառումներ ձեռնարկել»: Սա մի հատւած է ԵԱՀԿ ՄԽ համանախագահների յայտարարութիւնից, որ տարածւել է Փարիզում յունւարի 16-ին տեղի ունեցած` Հայաստանի եւ Ադրբեջանի արտգործնախարարների հանդիպումից յետոյ: 

  • Դաւիթ Բաբայեան. «Պարտադրանք չի կարող լինել»
    Դաւիթ Բաբայեան. «Պարտադրանք չի կարող լինել»

    ՀՀ արտգործնախարարի պաշտօնակատար Զոհրաբ Մնացականեանի եւ Ադրբեջանի ԱԳ նախարար Էլմար Մամեդեարովի՝ յունւարի 16-ին Փարիզում կայացած հանդիպումը դարձել է քաղաքացիների, քաղաքագետների, սոցցանցերի քննարկման առարկան։

    Ինչի՞ մասին է խօսւել, ի՞նչ է քննարկւել, ինչի՞ց յետոյ են եկել համաձայնութեան՝ հարցականներ են։ «Panorama.am»-ի թղթակիցը այս ամէնի շուրջ խօսեց Արցախի Հանրապետութեան նախագահի աշխատակազմի տեղեկատւութեան գլխաւոր վարչութեան պետ Դաւիթ Բաբայեանի հետ։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։