Հա

Քաղաքական

26/07/2018 - 11:20

«Հրապարակ». «Մտահոգիչ հարց. արդեօք ԱԱԾ-ն գործում է օրէնքի սահմաններում, իրական գո՞րծ է արւում, թէ այս ամէնը շոու է»

«Հրապարակ» օրաթերթն իր այսօրւայ համարում գրում է. «Թաւշեայ յեղափոխութիւնից յետոյ շատերն են փորձում հասկանալ, թէ ինչ հիմնարար փոփոխութիւններ են կատարւել մեր արտաքին եւ ներքին քաղաքականութեան մէջ, կոռուպցիոն բացայայտումները որքանով են ծառայելու իրենց նպատակին՝ համակարգային կոռուպցիան արմատախիլ անելուն, դրա համար մեղաւորներին պատասխանատւութեան ենթարկելուն։

«alikonline.ir» - «Հրապարակ» օրաթերթն իր այսօրւայ համարում գրում է. «Թաւշեայ յեղափոխութիւնից յետոյ շատերն են փորձում հասկանալ, թէ ինչ հիմնարար փոփոխութիւններ են կատարւել մեր արտաքին եւ ներքին քաղաքականութեան մէջ, կոռուպցիոն բացայայտումները որքանով են ծառայելու իրենց նպատակին՝ համակարգային կոռուպցիան արմատախիլ անելուն, դրա համար մեղաւորներին պատասխանատւութեան ենթարկելուն։ Որքանո՞վ է ազատ, մրցակցային դաշտ ստեղծւելու քաղաքական կուսակցութիւնների կայացման համար, որոնց առաջին փորձութիւնը լինելու է  առաջիկայում Երեւանի աւագանու ընտրութիւններին մասնակցելը:

Մեր հարցերին պատասխանում է «Համագործակցութիւն յանուն ժողովրդավարութեան» ՀԿ նախագահ, քաղաքագէտ Ստեփան Դանիէլեանը։

Թաւշեայ յեղափոխութիւնից յետոյ մենք ականատես ենք կոռուպցիոն բազմաթիւ բացայայտումների, հանրութեան ուշադրութեան կենտրոնում ԱԱԾ-ն է։ Կայ տեսակէտ, որ ԱԱԾ-ին ֆետիշացնում են։ Նկատի ունենանք, որ ԱԱԾ տնօրէն Արթուր Վանեցեանը հաւակնում է Հայաստանի ֆուտբոլի ֆեդերացիայի նախագահի պաշտօնին։ ԱԱԾ-ն ժամանակի ընթացքում չի՞ վերածւի ներքաղաքական կեանքում գլխաւոր դերակատարի։

Ինձ աւելի շատ մտահոգում է այն հարցը՝ արդեօ՞ք ԱԱԾ-ն գործում է օրէնքի սահմաններում, թէ՞ ոչ։ Արդեօք իրակա՞ն գործ է արւում, թէ՞ այս ամէնը շոու է։ Միանշանակ է, որ պոպուլիզմի տարրերը շատ են, յեղափոխութիւնից յետոյ պոպուլիզմը շարունակւում է Հայաստանում, կառավարութեան հիմնական քաղաքականութիւնը հիմնւում է պոպուլիզմի վրայ։ Սակայն կոռուպցիայի դէմ պայքարը ոչ թէ ԱԱԾ-ի գործն է, այլ յստակ օրակարգ է։ Կառավարութիւնը պէտք է ձեւաւորի քաղաքական օրակարգ։ Եւ քանի որ դա չկայ, հանրութիւնը տեսնում է գործողութիւններ։ Եւ դա կը շարունակւի մինչեւ ընտրութիւնները, քանի որ հիմնական խնդիրը ձայներ ստանալն է, իսկ պոպուլիզմն իր դերը կատարելու է այդ դէպքում։ Այնպէս որ՝ մինչեւ ընտրութիւնները մենք կը տեսնենք նման շոուներ։ Այլ հարց է՝ մենք կը տեսնե՞նք իրական քաղաքականութիւն, որը երկրի զարգացման հիմքը կը դնի։ Այս պահին ես դա չեմ տեսնում»:

Յարակից լուրեր

  • Չալաբեան. «Դիտարկել ՀՀ նախագահին ԶՈՒ Գերագոյն հրամանատարութիւնը վերադարձնելու հարցը»
    Չալաբեան. «Դիտարկել ՀՀ նախագահին ԶՈՒ Գերագոյն հրամանատարութիւնը վերադարձնելու հարցը»

    Պէտք է դիտարկել ՀՀ նախագահին ԶՈՒ Գերագոյն հրամանատարութիւնը վերադարձնելու հարցը, իսկ ԱԱԾ-ը եւ ոստիկանութիւնը, պէտք է դառնան նախարարութիւններ, եւ գտնւեն խորհրդարանական վերահսկողութեան տակ։ Այս ինչպէս տեղեկացնում է «Yerkir.am»-ը ֆէյսբուքի իր էջում գրել է «Ազգային օրակարգ» կուսակցութեան համահիմնադիր եւ խորհրդի անդամ Աւետիք Չալաբեանը:

  • Ստեփան Դանիէլեան. «Կոռուպցիայի դէմ պայքարը ձեւափոխւել է Արցախի դէմ պայքարի»
    Ստեփան Դանիէլեան. «Կոռուպցիայի դէմ պայքարը ձեւափոխւել է Արցախի դէմ պայքարի»

    «Ենթադրւում էր, որ «Քաղաքացիական Պայմանագիր» կուսակցութիւնը պէտք է քաղաքացիների միջեւ հանրային ինչ-որ «պայմանագիր» կնքէր, որի միջոցով հանրութիւնը գար երկրի զարգացման ուղղութեան շուրջ համաձայնութեան: Այդ «Համաձայնութիւնը» պէտք է երկրում ստեղծէր «սիրոյ եւ հանդուրժողականութեան» մթնոլորտ, որի արդիւնքում ՔՊ-ն պէտք է դառնար «ինստիտուցիոնալ» կուսակցութիւն եւ մենք բոլորս լծւէինք «Նոր Հայաստան» կառուցելու գործին»-, ֆէյսբուքեան իր էջում գրել է քաղաքագէտ Ստեփան Դանիէլեանը:

  • Վարդան Յարութիւնեան. «Ես չեկիստ բառը որպէս հայհոյանք էի օգտագործել, իրենք ուրախ էին այդ բառի համար»
    Վարդան Յարութիւնեան. «Ես չեկիստ բառը որպէս հայհոյանք էի օգտագործել, իրենք ուրախ էին այդ բառի համար»

    Դեկտեմբերի 24-ին «յօդւած 3» ակումբում «Հայաստանի անվտանգութեան մարմինների կազմաւորման 100-ամեակ. ձեռքբերումներ եւ բացթողումներ» թեմայով քննարկմանը ազգագրագէտ Հրանուշ Խառատեանն ասաց, որ ԿԳԲ-ն (KGB-ԽՄԲ.), ամփոփելով 100-ամեակը, ներքին քննութիւն չարեց, թէ իր գործունէութեան հետեւանքով քանի մարդ է զոհ գնացել, ինչ կոշտ դիրքորոշում է ունեցել ու չեն ասում, թէ այսօրւայ ԱԱԾ-ն իր դերն ինչպէս է ընկալում այսօրւայ հանրային կեանքում: 

  • ՀՀ վարչապետը եւ ուժայինները հրաժարւում են ներկայացնել «ռէյդի, ասֆալտին փռելու» օպերացիայի արդիւնքները
    ՀՀ վարչապետը եւ ուժայինները հրաժարւում են ներկայացնել «ռէյդի, ասֆալտին փռելու» օպերացիայի արդիւնքները

    Սեպտեմբերի 11-ի երեկոյեան Դաւթաշէնում տեղի ունեցած նախընտրական հանրահաւաքի ժամանակ ՀՀ վարչապետ Նիկոլ Փաշինեանը ՀՀ ԱԱԾ-ին եւ ոստիկանութեանը հրահանգեց երկու ժամւայ ընթացքում իրականացնել ռէյդեր՝ բարձրաստիճան պաշտօնեաների թիկնազօրներին պառկեցնել ասֆալտին։ 

  • Վտանգաւոր պոպուլիզմ. ինչո՞ւ են ուժայինները գործում այնպէս, ինչպէս գործում են
    Վտանգաւոր պոպուլիզմ. ինչո՞ւ են ուժայինները գործում այնպէս, ինչպէս գործում են

    Վարչապետ Փաշինեանն ասել է, որ ԱԱԾ-ի առաջ խոշոր կոռուպցիոն բացայայտումներ անելու խնդիր չի դնում։ Նա կարծում է, որ հասարակութիւնում թիւր կարծիք կայ, որ ԱԱԾ-ն յանկարծակի կամ նրա զանգով որոշում է` ում եւ ինչի համար ստուգել, բերման ենթարկել ու ձերբակալել։ Ինչու՞ հասարակութեան մէջ այդպիսի տրամադրութիւններ կան։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։