Հա

Քաղաքական

28/07/2018 - 12:10

Փնտրւում է Հայաստանի Հանրապետութիւնը

Այս պատմութիւնը ո՛չ Ռոբերտ Քոչարեանի մասին է, ո՛չ Սերժ Սարգսեանի, ո՛չ Լեւոն Տէր-Պետրոսեանի, ո՛չ Արմէն Սարգսեանի, ո՛չ էլ Նիկոլ Փաշինեանի, որի անունը վերջինն եմ գրում, ոչ թէ որովհետեւ ամենաչսիրւածն է, այլ քանի որ միւսները նախագահ են: Ի դէպ, նախագահը նախկին չի լինում, այսինքն` երբ «Երկիր Մեդիա»-ի եթերում Գեղամ Մանուկեանը Ռոբերտ Քոչարեանին դիմում է՝ պարո՛ն նախագահ, պէտք չէ գունատւել, կատաղութիւնից եղունգները կրծոտել, բարձր հայհոյել, սառը թան խմել… Եթէ մարդը գոնէ մէկ անգամ եղել է նախագահ (դիտմամբ չօգտագործեցի ընտրւել բառը), ուրեմն նա միշտ նախագահ է, ճիշտ` օլիմպիական չեմպիոնների պէս, որոնք նոյնպէս նախկին չեն լինում:

ՅՈՎԻԿ ԱՖԵԱՆ

 

Այս պատմութիւնը ո՛չ Ռոբերտ Քոչարեանի մասին է, ո՛չ Սերժ Սարգսեանի, ո՛չ Լեւոն Տէր-Պետրոսեանի, ո՛չ Արմէն Սարգսեանի, ո՛չ էլ Նիկոլ Փաշինեանի, որի անունը վերջինն եմ գրում, ոչ թէ որովհետեւ ամենաչսիրւածն է, այլ քանի որ միւսները նախագահ են: Ի դէպ, նախագահը նախկին չի լինում, այսինքն` երբ «Երկիր Մեդիա»-ի եթերում Գեղամ Մանուկեանը Ռոբերտ Քոչարեանին դիմում է՝ պարո՛ն նախագահ, պէտք չէ գունատւել, կատաղութիւնից եղունգները կրծոտել, բարձր հայհոյել, սառը թան խմել… Եթէ մարդը գոնէ մէկ անգամ եղել է նախագահ (դիտմամբ չօգտագործեցի ընտրւել բառը), ուրեմն նա միշտ նախագահ է, ճիշտ` օլիմպիական չեմպիոնների պէս, որոնք նոյնպէս նախկին չեն լինում:

Վտանգ չէ՞ք զգում: Չէ, ես հասկանում եմ, որ բոլոր մեղաւորները պէտք է պատժւեն՝ անկախ անունից ու նախկին կամ ներկայ կարգավիճակից, բայց, այնուամենայնիւ, դուք համարում էք, որ Մարտի 1-ի գործը, Քոչարեանին կալանաւորելով, բացայայտւե՞ց: Լաւ, իսկ ի՞նչ էր անում Սերժ Սարգսեանը 2008-ի մարտի 1-ին, նա ընտրւած նախագահը չէ՞ր, ՀՀԿ-ն արդէն ողջ իշխանութիւնն իրենով չէ՞ր արել, մանաւանդ` ուժային կառոյցներում: Իսկ Լեւոն Տէր-Պետրոսեա՞նը, նա ի՞նչ էր անում այդ թւականի այդ օրը ու նախքան այդ օրը: Եթէ Քոչարեանը կալանաւորւում է, միւս երկուսը գոնէ հարցաքննութեան պէ՞տք է հրաւիրւեն: Ընդ որում` եթէ Քոչարեանը գլխաւոր մեղաւորն է, ապա նրա ենթադրեալ յանցանքը կոծկելու համար Սերժ Սարգսեանն իր նախագահութեան 10 տարիներով աւելի մեղաւոր չէ՞: Բայց թողնենք այս ամէնը դատարանին, որն ասում են` այլեւս թաւշեայ է, ներողութիւն, անկախ է: Բացի այդ՝ այս պատմութիւնը Մարտի 1-ի մասին էլ չէ, սա պետականութեան մասին պատմութիւն է:

Երբ պարզ դարձաւ, որ ՅՔԾ-ն (Յատուկ քննչական Խառայութիւն-ԽՄԲ.), առանց Քոչարեանին տեղեակ պահելու, մինչ նա կը ժամանէր հարցաքննութեան, յիշեցնեմ՝ վկայի կարգավիճակով, փոխել է երկրորդ նախագահի կարգավիճակը՝ վկայից դարձնելով մեղադրեալ, ես անհամբեր սպասում էի մէկ յայտարարութեան, որի տակ կը լինէին` Արմէն Սարգսեան, Սերժ Սարգսեան, Լեւոն Տէր-Պետրոսեան ստորագրութիւնները: Ընդ որում` այդ յայտարարութիւնը ոչ թէ պէտք է պաշտպանէր Քոչարեանին, ոչ թէ պէտք է մեղադրէր ՅՔԾ-ին, ոչ թէ պէտք է ուղղորդէր դատական գործընթացը, այլ պէտք է մտահոգութիւն լինէր ՀՀ նախագահի ինստիտուտից: Իսկ ՀՀ նախագահը, համաձայն ՀՀ Սահմանադրութեան 140-րդ յօդւածի 1-ին կէտի, անձեռնմխելի է: Ես մինչեւ հիմա սպասում եմ այդ համատեղ յայտարարութեանը, թէեւ հասկանում եմ, որ մենք Միացեալ Նահանգները չենք, որտեղ նախագահները միմեանց ինչ ասես ասում են, բայց առիթի դէպքում իրար կողքի կանգնում, ժպտում ու լուսանկարւում, պէտք եղած դէպքում էլ համատեղ յայտարարութիւններ անում կամ ուղերձներ յղում:

Մենք սիրոյ յեղափոխութիւն ենք արել՝ ատելութեան պաշարով: Մեզանից որեւէ մէկին սէրը պէտք չէ, մեր մէջ ատելութիւնն այնքան է կուտակւած, որ մարմինն արդէն չի կարողանում պահել ու յորդում է դուրս: Մենք ենթարկւում ենք կոչերին՝ ոչինչ չենք ջարդում, փշրում, տրորում, ապականում, բայց երազում ենք ամէն ինչ ջարդելու, փշրելու, տրորելու ու ապականելու մասին: Ու այսպիսին դարձել ենք ոչ թէ վերջին տասը տարում, երբ Սերժ Սարգսեանն էր իշխում, ոչ թէ վերջին քսան տարում, երբ Սերժ Սարգսեանն ու Ռոբերտ Քոչարեանն էին իշխում, այլ անկախութիւնից ի վեր: Մենք ատել ենք ե՛ւ Տէր-Պետրոսեանի օրօք, երբ տանկերը դուրս եկան Երեւանի փողոցները, ու լրատւամիջոցներ էին փակւում, կուսակցականներ հալածւում, ե՛ւ Քոչարեանի օրօք, երբ տանկերը կրկին դուրս եկան Երեւանի փողոցները, ու մարդիկ զոհւեցին, ե՛ւ Սարգսեանի օրօք, երբ տանկերը չօգնեցին պահել 800 հեկտար հող, աւելին՝ մենք ատում ենք նաեւ Արմէն Սարգսեանի օրօք, քանի որ հիմա մենք միայն ենթարկւում ենք հրամանին՝ առանց կատարելու այն:

Եւ ուրեմն` ո՞վ է մեղաւոր, որ մենք այսպիսին ենք, Քոչարեա՞նը, Սերժ Սարգսեա՞նը, Տէր-Պետրոսեա՞նը, գուցէ երեքն է՞լ: Ու մի՞թէ տանկերը համատարած ատելութիւնից չեն դուրս գալիս փողոց, մի՞թէ ատելութեան պատճառով չեն լինում կրակոցներ ու զոհեր, մի՞թէ ատելութիւնը չէ մեղաւոր, որ մենք տարիներ շարունակ վրէժ ենք ուզում՝ քամւելու համար՝ բառերով սիրելով, բայց աչքերով ատելով: Հիմա ո՞վ է մեղաւորը…

Ես շարունակում եմ սպասել բոլոր նախագահների համատեղ յայտարարութեանը, այն կարող է լինել միայն մէկ բառ, ասենք՝ ներողութիւն, կարող է լինել աւելի երկար, նրանք կարող են կանգնել կողք կողքի ու ուղիղ եթեր մտնել, կարող են չկանգնել կողք կողքի ու գրաւոր խօսել: Բայց պէտք է խօսեն, քանի որ վտանգւած է պետականութիւնը, այն կորել է, փնտրում են, հնարաւոր է գտնեն, իսկ նրանք կապ ունեն այդ պետականութեան հետ, հէնց` ունեն, ոչ թէ ունէին:

«yerkir.am»

Յարակից լուրեր

  • «Աշնանն ընդդիմութեան դաշտում համախմբման եւ գործընկերութեան ձեւաւորման գործընթացը կաւարտւի». Քոչարեանի հարցազրոյցը՝ «Գոլոս Արմենիի» թերթին
    «Աշնանն ընդդիմութեան դաշտում համախմբման եւ գործընկերութեան ձեւաւորման գործընթացը կաւարտւի». Քոչարեանի հարցազրոյցը՝ «Գոլոս Արմենիի» թերթին

    ՀՀ երկրորդ նախագահ Ռոբերտ Քոչարեանը պատասխանել է «Գոլոս Արմենիի» թերթի հարցերին:

  • Յայտարարութիւն Հայաստանում դատարանների շուրջ ծաւալւած իրադարձութիւնների վերաբերեալ
    Յայտարարութիւն Հայաստանում դատարանների շուրջ ծաւալւած իրադարձութիւնների վերաբերեալ

    Պետական իշխանութեան թեւերի միջեւ հաւասարակշռութեան եւ փոխզսպումների համակարգի կայացումն ու անխափան գործունէութիւնը ցանկացած երկրի զարգացման գրաւականներից է: Օրէնսդիր, գործադիր ու դատական համակարգերի անկախութիւնն ու ինքնուրոյնութիւնը պարտադիր պայման է՝ բացառելու իշխանութեան կենտրոնացումը մէկ քաղաքական ուժի ձեռքում, ինչը երկրում մենիշխանութեան հաստատման հիմնական նախադրեալներից է: Այս առումով` դատարանների եւ դատաւորների նկատմամբ քաղաքական իշխանութեան կողմից ազդեցութիւն գործադրելու ցանկացած փորձ անթոյլատրելի է։

  • Ես քեզ ծնել եմ, ես էլ քեզ կը սպանեմ
    Ես քեզ ծնել եմ, ես էլ քեզ կը սպանեմ

    Պապին էլի անհանգիստ է: Չգիտեմ, նրան կամ ինչ-որ մոծակ է կծել, կամ վատ կանխազգացումներ ունի, որ կարճ ժամանակ անց պատասխան տալու հերթն իրեն է հասնելու: Մենք աւելի հաւանական ենք համարում երկրորդ տաբերակը, քանզի օրերս այդ մասին էր խօսում նաեւ ՀԱԿ-ի խօսնակ Արման Մուսինեանը, որ հիւրընկալւել էր Նւէր Մնացականեանի «Հոծ գիծ» հաղորդաշարին՝ «1in.am»-ի եթերում:

  • ՀՅԴ Գանատայի 48-րդ Շրջանային ժողովի յայտարարութիւն
    ՀՅԴ Գանատայի 48-րդ Շրջանային ժողովի յայտարարութիւն

    Յուլիս 5-7 շաբաթավերջին, Մոնթրէալի մէջ կայացաւ ՀՅԴ Գանատայի 48-րդ Շրջանային ժողովը, մասնակցութեամբ Վանգուվըրի, Թորոնթոյի, Լաւալի, Գէմպրիճի, Ս. Գաթրինզի Մոնթրէալի, Համիլթընի եւ Օթթաուայի կոմիտէութեանց պատգամաւորներուն, ինչպէս նաեւ ՀՅԴ «Արմէն Գարօ» ուսանողական, ՀՅԴ Գանատայի երիտասարդական միութեանց պատգամաւորներուն:

  • ՀՅԴ Արցախի կազմակերպութեան շրջանային ժողովի յայտարարութիւնը
    ՀՅԴ Արցախի կազմակերպութեան շրջանային ժողովի յայտարարութիւնը

    ՀՅ Դաշնակցութեան Արցախի կազմակերպութեան բարձրագոյն ժողովը, քննելով եւ վերլուծելով Արցախում տիրող կացութիւնը եւ առաջիկայ ՏԻՄ, նախագահական եւ խորհրդարանական ընտրութիւններում Դաշնակցութեան դիրքորոշումները, արձանգրելով, որ որոշ քաղաքական ուժերի եւ առանձին գործիչների կողմից վաղաժամկէտ սկսած նախագահական ընտրութիւնների նախապատրաստման գործընթացը եւ սահմանադրական իրաւակարգաւորումներին հակասող փաստացի քարոզարշաւը հասարակութեան ծայրաստիճան բեւեռացման պատճառ է դարձել, ինչին նպաստել է նաեւ իշխանութեան կողմից երկրում արմատական բարեփոխումների գործընթացի անհետեւողականութիւնը.

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։