Հա

Քաղաքական

30/07/2018 - 11:00

ՀՀԿ յայտարարութիւնը. Քոչարեանի դէմ յարուցւած քրգործը խորապէս վնասելու է Հայաստանի ներքաղաքական զարգացումներին

ՀՀ Ազգային ժողովի Հայաստանի հանրապետական կուսակցութեան խմբակցութիւնը յայտարարութիւն է տարածել ՀՀ երկրորդ նախագահ Ռոբերտ Քոչարեանի դէմ ներկայացւած մեղադրանքի ու նրան կալանաւորելու որոշման առնչութեամբ՝ օրինականութեան տեսանկիւնից խնդրայարոյց անւանելով յարուցւած քրգործը:

«alikonline.ir» - ՀՀ Ազգային ժողովի Հայաստանի հանրապետական կուսակցութեան խմբակցութիւնը յայտարարութիւն է տարածել ՀՀ երկրորդ նախագահ Ռոբերտ Քոչարեանի դէմ ներկայացւած մեղադրանքի ու նրան կալանաւորելու որոշման առնչութեամբ՝ օրինականութեան տեսանկիւնից խնդրայարոյց անւանելով յարուցւած քրգործը: «Արմէնպրես»-ը ներկայացնում է յայտարարութիւնն ամբողջութեամբ.

«ՀՀ Ազգային Ժողովի Հայաստանի հանրապետական կուսակցութեան խմբակցութիւնը, ծանօթանալով Հայաստանի Հանրապետութեան երկրորդ նախագահ, Արցախի Հանրապետութեան առաջին նախագահ Ռոբերտ Քոչարեանի դէմ յարուցւած քրէական գործի մեղադրանքին եւ կալանաւորման որոշմանը, յայտարարում է.

- Այս գործընթացը որեւէ աղերս չունի ժողովրդավարութեան, իրաւունքի գերակայութեան եւ դատական իշխանութեան անկախութեան հետ։

- Յարուցւած գործը խորապէս վնասելու է Հայաստանի Հանրապետութեան ներքաղաքական զարգացումներին։

- Նման անհիմն մեղադրանքով երկրում խրախուսւում են հասարակական պառակտման միտումները, որոնք առաւել վտանգաւոր են դառնում Հայաստանի եւ Արցախի շուրջ ձեւաւորւած խիստ մտահոգիչ մարտահրաւէրների ֆոնին։

- Յարուցւած քրէական գործը խնդրայարոյց է օրինականութեան, յատկապէս՝ սահմանադրականութեան տեսանկիւնից, ինչը կարող է յանգեցնել ոչ միայն մարդու իրաւունքների եւ հիմնարար ազատութիւնների խախտմանը, այլեւ նւազեցնել Հայաստանի Հանրապետութեան վարկանիշն ու հեղինակութիւնը միջազգային, այդ թւում՝ իրաւական ատեաններում:

- ՀՀ Յատուկ քննչական ծառայութիւնը, ՀՀ դատախազութիւնը եւ ՀՀ դատարանները պարտաւոր են պատշաճ կերպով երաշխաւորել ՀՀ Սահամանդրութեան դրոյթները եւ առաջնորդւել բացառապէս ՀՀ Սահմանադրութեան, ՀՀ օրէնքների եւ միջազգային պայմանագրերի պահանջներով եւ կարգաւորումներով:

- ՀՀԿ խմբակցութիւնն այս հարցի եւ նրա շուրջ զարգացումների մասին բարձրաձայնելու է նաեւ խորհրդարանական դիւանագիտութեան խողովակներով՝ միջազգային համապատասխան հարթակներում եւ ձեւաչափերով»։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։