Հա

Քաղաքական

01/08/2018

ՀՅԴ-ին առաջարկում են ներգրաււել ձեւաւորւելիք հարթակում եւ մասնակից դառնալ «Հիւսիս-հարաւ»-ի գործընթացներին

ՀՀ տրանսպորտի, կապի եւ տեղեկատւական տեխնոլոգիաների նախարարութիւնն արձագանգել է ՀՅԴ Բիւրոյի տնտեսական հետազօտութիւնների գրասենեակի բաց նամակին, որը վերաբերում էր «Հիւսիս-հարաւ» ճանապարհային միջանցքին:

«alikonline.ir» - ՀՀ տրանսպորտի, կապի եւ տեղեկատւական տեխնոլոգիաների նախարարութիւնն արձագանգել է ՀՅԴ Բիւրոյի տնտեսական հետազօտութիւնների գրասենեակի բաց նամակին, որը վերաբերում էր «Հիւսիս-հարաւ» ճանապարհային միջանցքին: Գրում է «news.am»-ը: 

Նախարարութեան պատասխանում ասւում է. 

«Հիւսիս-հարաւ ճանապարհային միջանցքի ներդրումային ծրագիրը», լինելով ՀՀ խոշորագոյն ռազմավարական ծրագրերից մւկը, ՀՀ ղեկավարութեան եւ հանրութեան ուշադրութեան կենտրոնում է: Ցանկացած մասնագիտական եւ փորձագիտական ուսումնասիրութիւն ծրագրի պատասխանատուների կողմից խրախուսւում է։ 

ՀՀ տրանսպորտի, կապի եւ տեղեկատւական տեխնոլոգիաների նախարարութեան, «Տրանսպորտային ծրագրերի իրականացման կազմակերպութիւն» ՊՈԱԿ-ի եւ ՀՅԴ Բիւրոյի տնտեսական հետազօտութիւնների գրասենեակի ներկայացուցիչների միջեւ մինչ այս արդէն տեղի է ունեցել հանդիպում, որի ընթացքում հանգամանալից պարզաբանումներ են տրւել նրանց կողմից հրապարակայնօրէն բարձրացւած իւրաքանչիւր հարցադրման վերաբերեալ։ 

Բացի այդ, նախարարութիւնը պատրաստակամութիւն է յայտնել լայն համագործակցութեան՝ ծրագրի վերաբերեալ նրանց տրամադրելու ցանկացած փաստաթուղթ (բացառութեամբ, եթէ դրանց տրամադրումը եւ/կամ հրապարակումը օրէնքով կամ պայմանագրերով սահմանափակւած չեն)։ 

Մէկ անգամ եւս ընդգծում ենք, որ ծրագրի պատասխանատուները շահագրգիռ են, որպէսզի «Հիւսիս-հարաւ ճանապարհային միջանցքի ներդրումային ծրագրի» հետ կապւած ցանկացած հարց պատշաճ պարզաբանւած լինի ինչպէս հետազօտական գրասենեակի, այնպէս էլ հանրութեան համար։ 

Ի դէպ, հանրութեան հետ սերտ համագործակցութեան պատրաստակամութեան մասին յուլիսի 18-ին լրագրողների հետ կայացած հանդիպման ընթացքում յայտնել է նաեւ ՀՀ տրանսպորտի, կապի եւ տեղեկատւական տեխնոլոգիաների նախարար Աշոտ Յակոբեանը։ Նախարարն խօսել էր հանրային հարթակ ստեղծելու մտադրութեան մասին, որտեղ ներգրավված անձինք կը մասնակցեն այն գործընթացներին, որոնք տեղի են ունենում նախարարութեան աշխատանքների շրջանակներում։ 

ՀՅԴ Բիւրոյի տնտեսական հետազօտութիւնների գրասենեակի ներկայացուցիչներին եւս առաջարկում ենք ներգրաււել նախարարին կից ձեւաւորւելիք հարթակում, մասնակից դառնալ նախարարութեան, այդ թւում՝ «Հիւսիս-հարաւ» ծրագրին առնչւող գործընթացներին։ 

Տեղեկացնենք նաեւ, որ ՀՅԴ Բիւրոյի տնտեսական հետազօտութիւնների գրասենեակի պահանջած տւեալների մի մասը տեղադրւած է «Տրանսպորտային ծրագրերի իրականացման կազմակերպութիւն» ՊՈԱԿ-ի պաշտօնական կայքում։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։