Հա

Քաղաքական

01/08/2018 - 16:00

ԱԺ նախագահն ու մի քանի տասնեակ պատգամաւորներ Քոչարեանի համար երաշխաւորագիր են ստորագրել

ԱԺ նախագահ Արա Բաբլոյեանն ու պատգամաւորների 1/3-րդ-ից աւելին արդէն ստորագրել են ՀՀ երկրորդ նախագահ Ռոբերտ Քոչարեանի խափանման միջոց կալանքը անձնական երաշխաւորութեամբ փոխարինելու փաստաթղթի տակ: 

«alikonline.ir» - ԱԺ նախագահ Արա Բաբլոյեանն ու պատգամաւորների 1/3-րդ-ից աւելին արդէն ստորագրել են ՀՀ երկրորդ նախագահ Ռոբերտ Քոչարեանի խափանման միջոց կալանքը անձնական երաշխաւորութեամբ փոխարինելու փաստաթղթի տակ: Այս մասին «yerkir.am»-ի հետ զրոյցում ասաց երկրորդ նախագահի գրասենեակի ղեկավար Վիկտոր Սողոմոնեանը` նշելով, փաստաթղթի տակ ստորագրել են հիմնականում ՀՀԿ-ական պատգամաւորները:

Նա նշեց, որ ստորագրահաւաքը դեռ շարունակւում է եւ Քոչարեանի համար անձնական երաշխաւորութիւն ներկայացրած պատգամաւորների վերջնական թւի մասին իրենք յաւելեալ կը տեղեկացնեն:

Յիշեցնենք, որ ստորագրահաւաքը նախաձեռնել է ԱԺ «Հայաստանի Հանրապետական կուսակցութիւն» խմբակցութիւնը։

Նշենք, որ Քոչարեանի փաստաբանները երկրորդ նախագահի կալանքի դէմ բողոքը ՀՀ վերաքննիչ դատարան են ներկայացնելու այսօր: Յիշեցնենք, որ յուլիսի 27-ին Երեւանի ընդհանուր իրաւասութեան դատարանի դատաւոր Վաչէ Մարգարեանը 8 ժամ տեւած քննութիւնից յետոյ բաւարարեց ՀՀ երկրորդ նախագահ Ռոբերտ Քոչարեանին կալանաւորելու վերաբերեալ նախաքննական մարմնի ներկայացրած միջնորդութիւնը։

ՀՀ երկրորդ նախագահը կալանաւորւեց 2 ամիս ժամկէտով։ Յուլիսի 26-ին Ռոբերտ Քոչարեանը հրաւիրւել էր ՀՀ յատուկ քննչական ծառայութիւն՝ մարտի 1-ի գործով, որպէս վկայ, հարցաքննւելու:

Աւելի ուշ երկրորդ նախագահին մեղադրանք առաջադրւեց ՀՀ քրէական օրէնսգրքի 300.1-ին յօդւածի 1-ին մասով՝ այն բանի համար, որ նա, այլ անձանց հետ նախնական համաձայնութեամբ տապալել է Հայաստանի Հանրապետութեան սահմանադրական կարգը: Ռոբերտ Քոչարեանը «Երկիր մեդիա» հեռուստաալիքին տւած հարցազրոյցում յայտարարել է, որ իրեն առաջադրւած մեղադրանքը շինծու է:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։