Հա

Քաղաքական

02/08/2018 - 08:20

ՀՅԴ Արցախի ԿԿ-ն իրաւական գործընթաց է սկսելու Զոյա Թադէոսեանի դէմ

Յուլիսի 31-ին, «Հայ ազգային կոնգրես» կուսակցութեան անդամ Զոյեա Թադէոսեանը լրագրողներին ասել էր, թէ Արցախի ազատագրւած տարածքները գրաւեալ տարածքներ են, եւ դրանք պէտք է վերադարձնել Ադրբեջանին, եթէ հիմնախնդրի լուծումը դա է պահանջում:

«alikonline.ir» - Յուլիսի 31-ին, «Հայ ազգային կոնգրես» կուսակցութեան անդամ Զոյեա Թադէոսեանը լրագրողներին ասել էր, թէ Արցախի ազատագրւած տարածքները գրաւեալ տարածքներ են, եւ դրանք պէտք է վերադարձնել Ադրբեջանին, եթէ հիմնախնդրի լուծումը դա է պահանջում:

ՀՅԴ Արցախի ԿԿ-ն այդ կապակցութեամբ նիստ է գումարել, որի աւարտին ՀՅԴ Արցախի կառոյցի ներկայացուցիչ Դաւիթ Իշխանեանը «Ապառաժ»-ին տեղեկացրել է ԿԿ որոշման մասին:

«Տիկին Թադէոսեանի հնչեցրած տեսակէտի առիթով բազմաթիւ կոշտ արձագանգներ են եղել թէ՛ Արցախում եւ թէ՛ Հայաստանի Հանրապետութիւնում:

Անցած տասնամեակների ընթացքում մենք բազմիցս անդրադարձել ենք նման յայտարարութիւնների: Սակայն այդ տեսակէտները երբեմն դիտարկւում էր որպէս զգացական: Պէտք է խոստովանենք, որ անցեալում այս կարգի տեսակէտներ ներկայացնող քաղաքական գործիչների կամ անձերի նկատմամբ քրէական գործընթաց եւ համապատասխան պատժամիջոցներ չեն կիրառւել: Գուցէ դա մեր թերութիւնն է եղել: Ստեղծւած է նոր իրավիճակ. օրէնքների գերակայութեան սկզբունքը նկատի ունենալով՝ ՀՅԴ Արցախի ԿԿ-ն համապատասխան քայլեր է ձեռնարկելու իրաւական գործընթաց սկսելու համար:

Տիկին Թադէոսեանի հնչեցրած տեսակէտը ԱՀ Սահմանադրութեանը դէմ գնալու կոչ է: Այդ կոչով վտանգւում է Արցախի տարածքային ամբողջականութիւնը եւ Արցախի ինքնիշխան պետութիւն լինելու հանգամանքը:

Մեզ չի բաւարարում քաղաքական ուժերի եւ անհատների քաղաքական գնահատականները: ՀՅԴ Արցախի ԿԿ-ն որոշել է հարցը տեղափոխել իրաւական եւ քաղաքական դաշտ: Պաշտօնական գրութեամբ դիմելու ենք Արցախի Հանրապետութեան նախագահին՝ որպէս ԱՀ Սահմանադրութեան երաշխաւոր, եւ ԱՀ դատախազութիւնից պահանջելու ենք համապատասխան միջոցներ ձեռնարկել»:

Յարակից լուրեր

  • Քաղաքական ուժերը պէտք է զերծ մնան կուսակցական նեղ շահերով առաջնորդւելուց
    Քաղաքական ուժերը պէտք է զերծ մնան կուսակցական նեղ շահերով առաջնորդւելուց

    ՀՅԴ Արցախի Կենտրոնական կոմիտէի ներկայացուցչի պաշտօնում վերընտրւած Դաւիթ Իշխանեանի հետ «Ապառաժ»-ը զրուցել է Շրջանային ժողովի արդիւնքների, Դաշնակցութիւն-իշխանութիւն փոխյարաբերութիւնների, ներքաղաքական իրավիճակի եւ 2020-ին կայանալիք համապետական ընտրութիւններին Դաշնակցութեան մասնակցութեան հարցերի շուրջ:

  • ՀՅԴ Գանատայի 48-րդ Շրջանային ժողովի յայտարարութիւն
    ՀՅԴ Գանատայի 48-րդ Շրջանային ժողովի յայտարարութիւն

    Յուլիս 5-7 շաբաթավերջին, Մոնթրէալի մէջ կայացաւ ՀՅԴ Գանատայի 48-րդ Շրջանային ժողովը, մասնակցութեամբ Վանգուվըրի, Թորոնթոյի, Լաւալի, Գէմպրիճի, Ս. Գաթրինզի Մոնթրէալի, Համիլթընի եւ Օթթաուայի կոմիտէութեանց պատգամաւորներուն, ինչպէս նաեւ ՀՅԴ «Արմէն Գարօ» ուսանողական, ՀՅԴ Գանատայի երիտասարդական միութեանց պատգամաւորներուն:

  • Ընտրւել է ՀՅԴ Արցախի ԿԿ-ի նոր կազմ
    Ընտրւել է ՀՅԴ Արցախի ԿԿ-ի նոր կազմ

    ՀՅԴ «Ապառաժ»-ի շրջանի Շրջանային ժողովը, որը կայացել է 2019 թ. յուլիսի 6-7-ը, ընտրել է Կենտրոնական կոմիտէ:

  • ՀՅԴ Արցախի կազմակերպութեան շրջանային ժողովի յայտարարութիւնը
    ՀՅԴ Արցախի կազմակերպութեան շրջանային ժողովի յայտարարութիւնը

    ՀՅ Դաշնակցութեան Արցախի կազմակերպութեան բարձրագոյն ժողովը, քննելով եւ վերլուծելով Արցախում տիրող կացութիւնը եւ առաջիկայ ՏԻՄ, նախագահական եւ խորհրդարանական ընտրութիւններում Դաշնակցութեան դիրքորոշումները, արձանգրելով, որ որոշ քաղաքական ուժերի եւ առանձին գործիչների կողմից վաղաժամկէտ սկսած նախագահական ընտրութիւնների նախապատրաստման գործընթացը եւ սահմանադրական իրաւակարգաւորումներին հակասող փաստացի քարոզարշաւը հասարակութեան ծայրաստիճան բեւեռացման պատճառ է դարձել, ինչին նպաստել է նաեւ իշխանութեան կողմից երկրում արմատական բարեփոխումների գործընթացի անհետեւողականութիւնը.

  • ԱԳՆ պաշտօնական ներկայացուցիչ Սէյէդ Աբբաս Մուսաւին մեկնաբանել է Ֆրանսիայի իր գործընկերոջ յայտարարութիւնը
    ԱԳՆ պաշտօնական ներկայացուցիչ Սէյէդ Աբբաս Մուսաւին մեկնաբանել է Ֆրանսիայի իր գործընկերոջ յայտարարութիւնը

    ԱԳՆ պաշտօնական ներկայացուցիչ Սէյէդ Աբբաս Մուսաւին մեկնաբանել է Ֆրանսիայի իր գործընկերոջ յայտարարութիւնը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։