Հա

Քաղաքական

02/08/2018 - 11:50

«Փաստ». «Ելք»-ը փլուզւում է. Էդմոն Մարուքեան ու Արամ Սարգսեանը դաշինք կը կազմեն

Վերջին իրադարձութիւնները վերլուծելով` «Փաստ» օրաթերթը եզրակացնում է, որ «Ելք» դաշինքը որպէս այդպիսին այլեւս գոյութիւն չունի։

«alikonline.ir» - Վերջին իրադարձութիւնները վերլուծելով` «Փաստ» օրաթերթը եզրակացնում է, որ «Ելք» դաշինքը որպէս այդպիսին այլեւս գոյութիւն չունի։

«Փաստ» օրաթերթը գրում է. «Արդէն կարելի է յստակ պնդել, որ «Ելք» դաշինքն այլւես ոչ եւս է: Դրա մասին են վկայում թէ՛ ՔՊ-ի որոշումը Երեւանի աւագանու ընտրութիւններին քաղաքապետի թեկնածու առաջադրելու մասին, որն անսպասելի էր դաշինքի գործընկերների համար, թէ՛ վերջիններիս արձագանքները:

Աւելին, մեր հաւաստի տւեալներով՝ Էդմոն Մարուքեանը եւ Արամ Սարգսեանը որոշել են աւագանու, ինչպէս նաեւ խորհրդարանական ընտրութիւններին մասնակցել «Լուսաւոր Հայաստան» եւ «Հանրապետութիւն» կուսակցութիւնների դաշինքով:

«Փաստի» տեղեկութիւններով, արդէն առկայ է նաեւ նախնական համաձայնութիւն դաշինքի անւան շուրջ. այն կարտայայտի այդ կուսակցութիւնների անունները եւ կը կոչւի «Լուսաւոր Հանրապետութիւն»:

Իհարկէ, չի բացառւում, որ այս դաշինքում ընդգրկւեն նաեւ այլ քաղաքական ուժեր, յատկապէս խորհրդարանական ընտրութիւնների շեմին, սակայն այս պահին յստակ է վերոնշեալ երկու կուսակցութիւնների դիրքորոշումը:

Իսկ թէ որքանով արդիւնաւէտ կը լինի «Քաղաքական պայմանագիր» կուսակցութեան՝ ընտրութիւններին միայնակ մասնակցելու հակւածութիւնը, ցոյց կը տայ ժամանակը»:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։