Հա

Քաղաքական

04/08/2018

Ոչ հաւաստի տեղեկութիւն է. ՌԴ պաշտպանութեան փոխնախարարը հերքել է 100 մլն. դոլարի համաձայնագրով Հայաստանին զէնքի մատակարարումը դադարեցնելու լուրերը

Ռուսաստանի Դաշնութեան պաշտպանութեան նախարարի տեղակալ Ալեքսանդր Ֆոմինը ոչ հաւաստի է որակել ռուսական լրատւամիջոցներում տարածւած տեղեկութիւններն այն մասին, թէ ՌԴ-ն կարող է դադարեցնել 100 միլիոն դոլարի վարկային համաձայնագրով Հայաստանին զէնք մատակարարելու գործընթացը:

«alikonline.ir» - Ռուսաստանի Դաշնութեան պաշտպանութեան նախարարի տեղակալ Ալեքսանդր Ֆոմինը ոչ հաւաստի է որակել ռուսական լրատւամիջոցներում տարածւած տեղեկութիւններն այն մասին, թէ ՌԴ-ն կարող է դադարեցնել 100 միլիոն դոլարի վարկային համաձայնագրով Հայաստանին զէնք մատակարարելու գործընթացը:

Ինչպէս հաղորդում է «Արմէնպրես»-ը, ՌԴ պաշտպանութեան փոխնախարարն այս մասին ասել է ՀՀ Մոնթէ Մելքոնեանի անւան ռազմամարզական վարժարանում լրագրողների հետ զրոյցում:

«Դա ոչ հաւաստի տեղեկութիւն է»,- յայտարարեց Ֆոմինը: Անդրադառնալով հարցին, թէ ինչպէս է գնահատում ՀԱՊԿ գլխաւոր քարտուղար Իւրի Խաչատուրովի շուրջ ստեղծւած իրավիճակը՝ Ալեքսանդր Ֆոմինը պատասխանեց, որ Հայաստանն արդարադատութիւն է իրականացնում:

Յիշեցնենք, որ ՀՀ երկրորդ նախագահ Ռոբերտ Քոչարեանին եւ ՀԱՊԿ գլխաւոր քարտուղար Իւրի Խաչատուրովին մեղադրանք է առաջադրւել սահմանադրական կարգը տապալելու յօդւածով: Ռոբերտ Քոչարեանը կալանաւորւել է, իսկ Իւրի Խաչատուրովը 5 միլիոն դրամ գրաւի դիմաց ազատ է արձակւել: Այս իրադարձութիւններին յաջորդած ռուսական կողմի մի շարք յայտարարութիւններից յետոյ ռուսական մամուլում լուրեր տարածւեցին, որ Ռուսաստանը կարող է դադարեցնել 100 միլիոն դոլարի վարկային համաձայնագրով Հայաստանին զէնք մատակարարելու գործընթացը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։