Հա

Քաղաքական

05/08/2018 - 14:30

Քաղտեխնոլոգ. «Օգոստոսի 17-ի հանրահաւաքը ՔՊ-ի՝ Երեւանի աւագանու ընտրութիւնների քարոզարշաւի «ստարտն» է լինելու»

Օգոստոսի 17-ին Նիկոլ Փաշինեանի հրաւիրած հանրահաւաքը առաջին հերթին «Քաղաքացիական պայմանագիր» կուսակցութեան՝ Երեւանի աւագանու ընտրութիւնների քարոզարշաւի «ստարտն» է լինելու:

«alikonline.ir» - Օգոստոսի 17-ին Նիկոլ Փաշինեանի հրաւիրած հանրահաւաքը առաջին հերթին «Քաղաքացիական պայմանագիր» կուսակցութեան՝ Երեւանի աւագանու ընտրութիւնների քարոզարշաւի «ստարտն» է լինելու:

Այս մասին «tert.am»-ի հետ զրոյցում ասաց քաղտեխնոլոգ Կարէն Քոչարեանը:

«Երեւանի աւագանու ընտրութիւնները ուժերի փորձարկման գլխաւոր փորձ է լինելու՝ հաշւի առնելով այն, որ խորհրդարանական արտահերթ ընտրութիւններից առաջ են լինելու: Պարզ է, որ ե՛ւ ՔՊ-ն, ե՛ւ ԲՀԿ-ն, ե՛ւ «Ելք»-ի միւս կուսակցութիւնները, որոնք կարծես թէ դաշինքով են գնում ընտրութիւններին, կանցնեն աւագանի»,- շեշտեց քաղտեխնոլոգը:

Անդրադառնալով դիտարկմանը՝ արդեօք ՔՊ-ն կարող է առաջատար լինել՝ հաշւի առնելով այն, որ ԲՀԿ-ն մեծ ռեսուրսներ, ունի Կարէն Քոչարեանն ասաց.

«Ռեսուրսը նրա համար է, որ մարդկանց բերեն իրենց կողմ, որպէսզի տւեալ կուսակցութեանը քւեարկեն, հիմա ՔՊ-ն այս պահի դրութեամբ առայժմ չունի նման խնդիր:

Ոչ ոք չի ասում՝ ԲՀԿ-ն ռեսուրս չունի, բայց ՔՊ-ի ռեսուրսը գումարը չէ, եթէ Նիկոլ Փաշինեանը կարողացաւ հաւաքել այն հրապարակը, որն ունեցել ենք մայիսի մէկին, ապա դժւար թէ դրա դէմը որեւէ այլ ռեսուրսով հնարաւոր լինի առնել:Ես նկատի չունեմ, որ մնացած ոչ ոք չի անցնելու, ես նկատի ունեմ, որ լիդերը լինելու է ՔՊ-ն»,- շեշտեց նա:

Անդրադառնալով հարցին՝ արդեօք Հայկ Մարութեանի թեկնածութիւնը չի՞ կարող նւազեցնել ՔՊ –ի՝ առաջատար լինելու հնարաւորութիւնը,Կարէն Քոչարեանն ասաց.

«Էլի եմ օրինակ բերել 1990 թւականի Գերագոյն խորհրդի ընտրութիւնները, որտեղ միայն մեծամասնական ընտրակարգով էր, եւ ցուցակ կար, թէ ում են պաշտպանում ՀՀՇ-ն եւ անձամբ Լեւոն Տէր-Պետրոսեանը։ Այսինքն՝ այն ժամանակ Լեւոն Տէր-Պետրոսեանն ում ասէր, ժողովրդի համար հիմք էր։ Հիմա նոյնը լինելու է ՔՊ-ի պարագայում։ Եթէ Նիկոլ Փաշինեանը հրապարակում ասաց, որ Հայկ Մարութեանն իր թեկնածուն է, ապա նա առաջատար կը լինի: Կը լինեն մարդիկ, որ Նիկոլ Փաշինեանի ասածով ձայն կը տան Հայկ Մարութեանին, կը լինեն մարդիկ, որ հէնց Հայկ Մարութեանին ճանաչելով ձայն կը տան, Մարութեանը քաղաքականութեան մէջ չի եղել, բայց ժողովրդի մէջ շատերի համար սիրւած է»,- ընդգծեց քաղտեխնոլոգը:

Կարէն Քոչարեանը նաեւ ասաց, որ եթէ «Ելք» դաշինքի միւս երկու ուժերը՝ «Լուսաւոր Հայաստան» եւ «Հանրապետութիւն» կուսակցութիւնները, ի վերջոյ որոշեն ընտրութիւններին մասնակցել, ապա լուսանցքից դուրս չեն մնայ: Քաղտեխնոլոգը կարծում է, որ ընտրութիւնների ժամանակ կարող է լուրջ մրցակից լինել ՀՀՇ-ի ցուցակը գխաւորող պատգամաւոր Արարատ Զուրաբեանը՝ որպէս անհատ, պարզապէս նրա քաղաքական ուժը քիչ ռեսուրսներ ունի:

Յարակից լուրեր

  • ՀՀ վարչապետն անդրադարձաւ իրանահայերին բանկերի կողմից վարկ չտրամադրելու խնդրին
    ՀՀ վարչապետն անդրադարձաւ իրանահայերին բանկերի կողմից վարկ չտրամադրելու խնդրին

    ՀՀ վարչապետ Նիկոլ Փաշինեանը միաժամանակ Հայաստանի եւ Իրանի քաղաքացի հանդիսացողներին յորդորում է որեւէ բանկի կողմից վարկ չստանալու դէպքում դիմել մէկ այլ բանկ` նշելով, որ կառավարութիւնը բանկին չի կարող պարտադրել, որպէսզի այն վարկ տրամադրի։

  • Պոպուլիստի «ճակատագիրը»․ ասել այն, ինչ ամբոխն ուզում է լսել
    Պոպուլիստի «ճակատագիրը»․ ասել այն, ինչ ամբոխն ուզում է լսել

    Ինչո՞ւ Նիկոլ Փաշինեանը, Հայաստանի զարգացման կարճաժամկէտ եւ միջնաժամկէտ զարգացման ծրագրերը բախտի քմահաճոյքին թողած, որոշեց ներկայացնել 2050 թ. Հայաստանի «տեսլականը»։ Ընդ որում` կոնկրետ թւերով ու ցուցանիշներով, այն դէպքում, երբ ՀՀ կառավարութեան գործունէութեան հնգամեայ ծրագրում շատ քիչ են կոնկրետ թւերը։ Ի՞նչ երեւոյթի հետ գործ ունենք։

  • ՀՀ տնտեսութեան սեւ-սպիտակը. ինչու տնտեսագէտին չի ոգեւորում այն, ինչ ոգեւորել է վարչապետին
    ՀՀ տնտեսութեան սեւ-սպիտակը. ինչու տնտեսագէտին չի ոգեւորում այն, ինչ ոգեւորել է վարչապետին

    Տնտեսագէտ Սուրէն Պարսեանը խոշոր հարկատուների ցանկում դրական տեղաշարժ չի տեսնում։ Մուտքերն աւելացել են, բայց տնտեսութեան կառուցւածքը չի փոխւել։

    Ի տարբերութիւն ՀՀ վարչապետի, տնտեսագէտ Սուրէն Պարսեանը ՀՀ խոշոր հարկատուների կիսամեակային ցուցանիշներով ոգեւորւած չէ։

  • Հակասութիւն կայ վարչապետի յայտարարած թւերի եւ կառավարութեան ծրագրի միջեւ
    Հակասութիւն կայ վարչապետի յայտարարած թւերի եւ կառավարութեան ծրագրի միջեւ

    Ժողովրդագրութեան ոլորտը բաւականին բարդ ոլորտ է, եւ ցաւով պիտի արձանագրենք, որ մեր հասարակութիւնը արդէն ոչ միայն ծերացող է, այլ նաեւ ծնելիութեան ցուցանիշները էապէս բացասական միտում ունեն եւ արդէն տարիներ շարունակ, եւ դա շարունակւում է։ Այս մասին NEWS.am-ի հետ զրոյցում ասաց ՀՅԴ Բիւրոյի տնտեսական հետազօտութիւնների գրասենեակի ծրագրերի համակարգող, տնտեսագէտ Թադէոս Աւետիսեանը:

  • Վարչապետի արտայայտութիւնների մասին
    Վարչապետի արտայայտութիւնների մասին

    Մի քանի օր է անընդհատ մտածում եմ, Ստեփանակերտի Վերածնունդ հրապարակում կայացած ժողովրդական հաւաքի ընթացքում, ՀՀ վարչապետ՝ Նիկոլ Փաշինեանի արտայայտած մտքերի շուրջ, որն ոչ այլ ինչ է եթէ ոչ ժողովրդի սրտից ու հոգուց ելած խօսք ու բաղձանք: Ախր այն որ հայն է, որ չի ցանկանայ մեր ժողովրդի թիւն աւելանայ, ոչ թէ հինգ միլիոնով, այլ կրկնակի եւ մի բան էլ աւել, քանզի քանակն է որ ծնում է նաեւ համապատասխան որակ:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։