Հա

Քաղաքական

08/08/2018 - 10:10

Ինչո՞ւ է ՀՅԴ խմբակցութիւնից միայն երեք պատգամաւոր միացել Ռոբերտ Քոչարեանի համար ստորագրահաւաքին

«Գերագոյն մարմնի հաղորդագրութիւնը` ստորագրահաւաքի վերաբերեալ, իբրեւ բոլոր հարցերի` իմ պատասխան` տեղադրէք»,- «Առաւօտ»-ի հարցին` ո՞րն է դրդապատճառը, որ միացաք Ռոբերտ Քոչարեանի նկատմամբ կալանքը, որպէս խափանման միջոց փոփոխելու ստորագրահաւաքին, մանաւանդ, ակնյայտ էր, որ հասարակութիւնը բացասական է արձագանգելու այդ նախաձեռնութեանը, այսպէս պատասխանեց ՀՅԴ խմբակցութեան քարտուղար Արմենուհի Կիւրեղեանը:

«alikonline.ir» - «Գերագոյն մարմնի հաղորդագրութիւնը` ստորագրահաւաքի վերաբերեալ, իբրեւ բոլոր հարցերի` իմ պատասխան` տեղադրէք»,- «Առաւօտ»-ի հարցին` ո՞րն է դրդապատճառը, որ միացաք Ռոբերտ Քոչարեանի նկատմամբ կալանքը, որպէս խափանման միջոց փոփոխելու ստորագրահաւաքին, մանաւանդ, ակնյայտ էր, որ հասարակութիւնը բացասական է արձագանգելու այդ նախաձեռնութեանը, այսպէս պատասխանեց ՀՅԴ խմբակցութեան քարտուղար Արմենուհի Կիւրեղեանը:

ՀՅԴ Հայաստանի ԳՄ-ի յայտարարութեան մէջ նշւած էր, որ որեւէ անպատեհութիւն չեն տեսնում, որ Դաշնակցութեան խորհրդարանական խմբակցութեան պատգամաւորները միանան Ռոբերտ Քոչարեանի խափանման միջոցը փոխելու ստորագրահաւաքին. «Մարտի 1-ի, 2-ի գործը պէտք է բացայայտւի ամբողջութեամբ՝ օբիեկտիւ, անաչառ եւ համակողմանի քննութեամբ, այդ իրադարձութիւններին առնչւած անխտիր բոլոր կողմերի ներգրաւմամբ եւ ոչ թէ միայն մի կողմի։ Այս առումով Ռոբերտ Քոչարեանի եւ օրւայ մի շարք բարձրաստիճան պաշտօնեաների առաջադրւած մեղադրանքները եւ ընտրւած խափանման միջոցները թողնում են ընտրովի արդարադատութեան եւ կողմնակալ քննութեան տպաւորութիւն։ Եւ սա մտահոգիչ է։ Խնդիրը Ռ. Քոչարեանի եւ միւսների մեղաւոր կամ անմեղ լինելը չէ։ Օրէնքի առաջ բոլորն են հաւասար։ Եւ մեղաւորութիւնն ապացուցւելու դէպքում բոլորը պէտք է պատժւեն, բայց նոր Հայաստանում արդարադատութիւնն որեւէ պարագայում չպէտք է լինի կողմնակալ»։

Յիշեցնենք, Ռոբերտ Քոչարեանի նկատմամբ կալանքը, որպէս խափանման միջոց փոփոխելու հարցով ստորագրահաւաքին միացել են 46 պատգամաւորներ: Նրանցից երեքը ՀՅԴ խմբակցութիւնից են` Ռոմիկ Մանուկեանը, Արմենուհի Կիւրեղեանը եւ Ռուզան Առաքելեանը։

«Առաւօտ»-ի հարցին թէ որն պատճառը, որ ՀՅԴ խմբակցութեան մի մասը միացել է ստորագրահաւաքին, մի մասը` ոչ. ՀՅԴ-ն երկակի խա՞ղ է խաղում: «Իւրաքանչիւրն, իհարկէ, ենթադրութիւններ անելու իրաւունք ունի, բայց նման խնդիր չկայ: Այն պահին, երբ ստորագրութիւններ էին հաւաքւում, երեքս ենք ներկայ եղել, երեքս էլ ստորագրել ենք: Բառախաղի տեղ չէ եւ «երկակի խաղն» ընդհանրապէս անիմաստ բառակապակցութիւն էր, որ օգտագործեցիք»,- պատասխանեց Արմենուհի Կիւրեղեանը: Հարցին` եթէ խմբակցութեան միւս անդամներն էլ ներկայ լինէին, նրանք է՞լ կը ստորագրէին, տիկին Կիւրեղեանը պատասխանեց. «Ամէն մէկն ազատ է ինքնուրոյն որոշում կայացնելու»:

Դիտարկմանն էլ` «Ծառուկեան» դաշինքում պատգամաւորներին պատժում են սեփական դիրքորոշումն արտայայտելու համար, Արմենուհի Կիւրեղեանը արձագանգեց. «ՀՅԴ ԳՄ-ն հաղորդագրութիւն էր տարածել, որտեղ ձեր բոլոր հարցերի պատասխանները կան»:

Յարակից լուրեր

  • Ջուլիանին կոչ է անում աւելացնել ճնշումն Իրանի վրայ
    Ջուլիանին կոչ է անում աւելացնել ճնշումն Իրանի վրայ

    Իր ընդգծւած հակաիրանական հայեացքներով յայտնի, ԱՄՆ նախագահի փաստաբան, Նիւ Եօրքի նախկին քաղաքապետ Ռոդի Ջուլիանին ելոյթով հանդէս է եկել Վարշաւայում ընթացող «Խաղաղութիւնն ու անվտանգութիւնը Մերձաւոր Արեւելքում» խորհրդաժողովում. տեղեկացնում է «Agence France-Presse»-ը:

  • ՀՅԴ ներկայացուցիչները հանդիպում են ունեցել Հայաստանում Իրանի դեսպանի հետ
    ՀՅԴ ներկայացուցիչները հանդիպում են ունեցել Հայաստանում Իրանի դեսպանի հետ

    ՀՅԴ Բիւրոյի նախագահ Արմէն Ռուստամեանը, Բիւրոյի անդամ Արսէն Համբարձումեանը եւ ՀՅԴ Հայաստանի ԳՄ ներկայացուցիչ Իշխան Սաղաթելեանը փետրւարի 12-ին հիւրընկալւել են ՀՀ-ում ԻԻՀ դեսպան Սէյէդ Քազեմ Սաջջադին:

  • ՀՅԴ ԳՄ.«Մշակոյթի նախարարութեան անհրաժետութիւնը պարտադիր է»
    ՀՅԴ ԳՄ.«Մշակոյթի նախարարութեան անհրաժետութիւնը պարտադիր է»

    ՀՅԴ Հայաստանի ԳՄ  մշակոյթի, երիտասարդութեան և սպորտի հարցերով յանձնախումբն  իր մտահոգութիւնն է յայտնում   ՀՀ մշակոյթի ու կրթութեան և գիտութեան նախարարութիւնները միաւորելու վերաբերեալ զանգւածային լրատւամիջոցներում, ինչպէս նաև որոշ պաշտօնական շրջանակներում շրջանառվող տեղեկութիւնների կապակցութեամբ։ 

  • Քոչարեանը կը շարունակի մնալ կալանքի տակ
    Քոչարեանը կը շարունակի մնալ կալանքի տակ

    Րոպէներ առաջ վերաքննիչ քրէական դատարանը հրապարակեց ՀՀ երկրորդ նախագահ Ռոբերտ Քոչարեանի խափանման միջոցի վերաբերեալ որոշումը. փաստաբանների բողոքն ամբողջութեամբ մերժւել է, եւ Ռոբերտ Քոչարեանը կը շարունակի մնալ կալանքի տակ:

  • Դաշնակցութիւնն իր վերջնական խօսքը կասի Արցախի կառոյցի բարձրագոյն ժողովից յետոյ
    Դաշնակցութիւնն իր վերջնական խօսքը կասի Արցախի կառոյցի բարձրագոյն ժողովից յետոյ

    Փետրւարի 6-ին Արցախի Հանրապետութեան նախագահի խորհրդական Արթուր Աղաբէկեանը գրառում է կատարել իր ֆէյսբուքեան էջում` նշելով. «Երկրի յաջորդ նախագահը պէտք է լինի Արայիկ Յարութիւնեանը, եւ հիմա յայտարարում եմ՝ Արայիկ Յարութիւնեանը չունի այլընտրանք»:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։