Հա

Քաղաքական

08/08/2018 - 12:30

Դատախազութիւնը մերժել է Քոչարեանի կալանքը փոխարինելու վերաբերեալ միջնորդութիւնը

ՀՀ գլխաւոր դատախազութիւնը մերժել է ՀՀ երկրորդ նախագահ Ռոբերտ Քոչարեանի խափանման միջոցն անձնական երաշխաւորութեամբ փոխարինելու վերաբերեալ ԱԺ 45 պատգամաւորների ներկայացրած միջնորդութիւնը:

«alikonline.ir» - ՀՀ գլխաւոր դատախազութիւնը մերժել է ՀՀ երկրորդ նախագահ Ռոբերտ Քոչարեանի խափանման միջոցն անձնական երաշխաւորութեամբ փոխարինելու վերաբերեալ ԱԺ 45 պատգամաւորների ներկայացրած միջնորդութիւնը: Այս տեղեկութիւնը «yerkir.am»-ի հետ զրոյցում հաստատեց դատախազութեան հանրային կապերի բաժնի պետ Արեւիկ Խաչատրեանը:

Նշենք, որ Քոչարեանի կալանաւորման որոշման դէմ ներկայացւած բողոքը ՀՀ վերաքննիչ քրէական դատարանում կը քննւի վաղը: Ներկայացւած բողոքին կցւած է նաեւ պատգամաւորների երաշխաւորութեան վերաբերեալ փաստաթուղթը:

Աւելի վաղ յայտնել ենք, որ ՀՀ պաշտօնաթող նախագահ Ռոբերտ Քոչարեանի խափանման միջոցն անձնական երաշխաւորութեամբ փոխարինելու վերաբերեալ փաստաթղթի տակ ստորագրել է ԱԺ 45 պատգամաւոր, այդ թւում` ԱԺ նախագահ Արա Բաբլոյեանն ու երկու փոխնախագահները:

Յիշեցնենք, որ յուլիսի 27-ին Երեւանի ընդհանուր իրաւասութեան դատարանի դատաւոր Վաչէ Մարգարեանը 8 ժամ տեւած քննութիւնից յետոյ բաւարարեց ՀՀ երկրորդ նախագահ Ռոբերտ Քոչարեանին կալանաւորելու վերաբերեալ նախաքննական մարմնի ներկայացրած միջնորդութիւնը։

ՀՀ երկրորդ նախագահը կալանաւորւեց 2 ամիս ժամկէտով եւ տեղափոխւեց «Երեւան-Կենտրոն» ՔԿՀ: Ռոբերտ Քոչարեանը մեղադրւում է ՀՀ քրէական օրէնսգրքի 300.1-ին յօդւածի 1-ին մասով՝ այն բանի համար, որ նա, այլ անձանց հետ նախնական համաձայնութեամբ, տապալել է Հայաստանի Հանրապետութեան սահմանադրական կարգը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։