Հա

Քաղաքական

11/08/2018

Դաւիթ Տօնոյեան. «Ռուսական զէնքի մատակարարումների հետ կապւած պայմանաւորւածութիւնները կատարւելու են»

Հայկական կողմը «նշաններ» չի ստացել, որ 100 միլիոն դոլարի վարկի դիմաց մատակարարւելիք ռուսական սպառազինութեան պայմանագիրը չի կատարւելու, երէկ Մոսկւայում «Ազատութեանը» տւած հարցազրոյցում յայտարարել է Հայաստանի պաշտպանութեան նախարար Դաւիթ Տօնոյեանը:

«alikonline.ir» - Հայկական կողմը «նշաններ» չի ստացել, որ 100 միլիոն դոլարի վարկի դիմաց մատակարարւելիք ռուսական սպառազինութեան պայմանագիրը չի կատարւելու, երէկ Մոսկւայում «Ազատութեանը» տւած հարցազրոյցում յայտարարել է Հայաստանի պաշտպանութեան նախարար Դաւիթ Տօնոյեանը:

«Ճիշտ չէ, որ ես մեկնաբանութիւններ անեմ՝ մանաւանդ լրատւական միջոցների տարբեր հրապարակումներին, բայց կարող եմ ասել, որ այն պայմանագրային պայմանաւորւածութիւնները, որոնք առկայ են Ռուսաստանի Դաշնութեան հետ, մենք կատարելու ենք, երկկողմանի կատարւելու են»,- նշեց նախարար Տօնոյեանը՝ յաւելելով.- «Համենայնդէպս, մենք այդպիսի նշաններ չենք ստանում, որ դա չի արւելու»:

Յուլիսի վերջին Ռուսաստանի արտգործնախարարը, մեկնաբանելով 2008 թւականի մարտի 1-2-ի իրադարձութիւնների գործով Հայաստանի երկրորդ նախագահ Ռոբերտ Քոչարեանի կալանաւորումն ու Հաւաքական անվտանգութեան պայմանագրի կազմակերպութեան (ՀԱՊԿ) գլխաւոր քարտուղար Իւրի Խաչատուրովին մեղադրանքի առաջադրումը, յայտարարել էր՝ Հայաստանում տեղի ունեցող իրադարձութիւնները հակասում են երկրի նոր ղեկավարութեան յայտարարութիւններին, թէ մտադրութիւն չունեն հետապնդումներ իրականացնել իրենց նախորդների դէմ քաղաքական նկատառումներով:

Այս յայտարարութեանը հետեւել էր «Կոմերսանտ»-ում հրապարակւած ծաւալուն յօդւածն այն մասին, թէ Մոսկւային զայրացրել են հայաստանեան զարգացումները եւ ՀԱՊԿ գլխաւոր քարտուղարի շուրջ ստեղծւած իրավիճակը, եւ հարցականի տակ է նոր 100 միլիոն դոլարի վարկի դիմաց Հայաստանին նոր սպառազինութիւն տրամադրելու հարցը:

Ռուսաստանի պաշտպանութեան փոխնախարար Ալեքսանդր Ֆոմինը, սակայն, անցած շաբաթ Հայաստանում հերքել էր այդ տեղեկութիւնը՝ յաւելելով, որ ամէն ինչ ընթանում է ըստ նախնական պայմանաւորւածութեան: «Դա ոչ ստոյգ ինֆորմացիա է, ես դա չեմ հաստատում»,- ասել էր ռուս գեներալը՝ պատասխանելով «Ազատութեան» հարցին: «Իսկ վարկի մասով Դուք ի՞նչ տեղեկութիւն ունէք»,- այս հարցին էլ Ֆոմինը արձագանքել էր.- «Ամէն ինչ աշխատում է»:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։