Հա

Քաղաքական

15/08/2018 - 10:10

Փորձագէտ. «Կասպից ծովի իրաւական կարգավիճակի մասին կոնւենցիան կարող է սաստկացնել ՀՀ-ի տնտեսական եւ էներգետիկ մեկուսացումը»

Չնայած Հայաստանը հեռու է Կասպից ծովից, բայց ոչ այնքան հեռու, որ Կասպից ծովի իրաւական կարգավիճակի մասին կոնւենցիան չշօշափի նրա շահերը։

«alikonline.ir» - Չնայած Հայաստանը հեռու է Կասպից ծովից, բայց ոչ այնքան հեռու, որ Կասպից ծովի իրաւական կարգավիճակի մասին կոնւենցիան չշօշափի նրա շահերը։ Այս մասին «news.am»-ի թղթակցի հետ զրոյցում նշել է էներգետիկ անվտանգութեան փորձագէտ, քաղաքագէտ-միջազգայնագէտ Վահէ Դաւթեանը։

Նրա խօսքով՝ այդ կոնւենցիան թէեւ ուղղակիօրէն չի շօշափում Հայաստանի շահերը, սակայն անուղղակիօրէն, այնուամենայնիւ, իր բացասական ազդեցութիւնը գործում է։

«Աշխարհաքաղաքական տեսանկիւնից, ինչպէս ինձ թւում է, կոնւենցիայի ստորագրման հետեւանքով Հայաստանը, մասամբ, կը կորցնի իր ռազմաքաղաքական եւ աշխարհաքաղաքական նշանակութիւնը տարածաշրջանում»,- պարզաբանել է Դաւթեանը։

Այսպէս, փորձագէտի կարծիքով՝ ուժեղացնելով իր դիրքերը Ղրիմի միացման, Սիրիայում յաջողութիւնների եւ Կասպից ծովի իրաւական կարգավիճակի մասին համաձայնագրի ստորագրման հաշւին՝ Ռուսաստանը, փաստացի, հնարաւորութիւն է ձեռք բերել վերահսկել ամբողջ սեւծովեան-կասպեան տարածաշրջանը։ Եւ այդ առումով, ի դէմ Հայաստանի Անդրկովկասում ֆորպոստի առկայութեան անհրաժեշտութիւնը, փաստացի, վերանում է։   

Բացի այդ, էներգետիկ անվտանգութեան հարցերով փորձագէտը շեշտել է, որ Կասպից ծովի իրաւական կարգավիճակի մասին կոնւենցիայի ստորագրումը կամրապնդի Ռուսաստանի, Ադրբեջանի եւ Իրանի միջեւ համագործակցութիւնը բազմաթիւ ոլորտներում, մասնաւորապէս, տնտեսական, էներգետիկայի եւ տրանսպորտի ոլորտներում, ինչը նոյնպէս շօշափում է Երեւանի շահերը:

«Այսօր մենք արդէն տեսնում ենք, որ հիմնական տրանսպորտային եւ լոգիստիկ նախագծերը, որոնք պէտք է անցնէին Հայաստանի եւ Ադրբեջանի տարածքով, ամբողջութեամբ ուղղւել են Ադրբեջանի տարածք։ Կասպեան կոնւենցիան իհարկէ կը ստեղծի այդ գործընթացի ակտիւացման նախադրեալներ։ Խօսքը Իրան-Հայաստան երկաթուղու նախագծի սառեցման մասին է եւ այդ երթուղու ուղղումը դէպի ադրբեջանա–իրանական տարածք»,- նշել է քաղաքագէտը։

Փորձագէտի խօսքով՝ նաեւ կարող է լուրջ տուժել Իրան-Հայաստան-Վրաստան-Ռուսաստան էներգետիկ միջանցքը, թէեւ այդ ծրագրի շինարարական աշխատանքներն արդէն իսկ սկսւել են։

Այս ամէնը, Դաւթեանի կարծիքով՝ ընդգծում են Հայաստանի մեկուսացումը տարածաշրջանային աշխարհաքաղաքական գործընթացներից։

Յարակից լուրեր

  • Հայաստան սփիւռք յարաբերութիւնների հոլովոյթը
    Հայաստան սփիւռք յարաբերութիւնների հոլովոյթը

    Մեր մանկա-պատանեկան տարիներին, Հայաստանը Սովետական երկաթեայ վարագոյրից ներս գտնւելու բերումով, մեզ համար մանկական հեքիաթների նման, համարւում էր եօթն սարերի հետևում անգտանելի մի աշխարհի որի կարօտը միշտ զգում էինք և ճար ու դարման էլ չունէինք մեր կարօտին յագուրդ տալու: Առաւել մեզ խեղճ էինք զգում, ի տես մեր բնակարաններում պատերից կախւած և կամ արծաթեայ մի քանի սպասների վրայ քանդակւած, Մայր Հայաստանի պատկերը, տխուր ու տրտում դէմքով, ձեռքը ծնօտին՝ Հայաստանի աւերակների վրայ նստած:

  • Հայաստան-Սփիւռք յարաբերութիւնների հոլովութը
    Հայաստան-Սփիւռք յարաբերութիւնների հոլովութը

    Մեր մանկա-պատանեկան տարիներին, Հայաստանը Սովետական երկաթեայ վարագոյրից ներս գտնւելու բերումով, մեզ համար մանկական հեքիաթների նման, համարւում էր եօթն սարերի հետեւում անգտանելի մի աշխարհի, որի կարօտը միշտ զգում էինք եւ ճար ու դարման էլ չունէինք մեր կարօտին յագուրդ տալու: Առաւել մեզ խեղճ էինք զգում, ի տես մեր բնակարաններում պատերից կախւած եւ կամ արծաթեայ մի քանի սպասների վրայ քանդակւած, Մայր Հայաստանի պատկերը, տխուր ու տրտում դէմքով, ձեռքը ծնօտին՝ Հայաստանի աւերակների վրայ նստած:

  • Արցախը Հայաստանի անվտանգութեան թիկունքն է
    Արցախը Հայաստանի անվտանգութեան թիկունքն է

    Ինչպէս Սօս Սարգսեան ըսած է, «Ձեզի համար Ղարաբաղը հողատարածք է, մեզի համար հայրենիք է»: Պատմական ճշմարտութիւն եւ քաղաքական տրամաբանութիւն կայ այս հաստատումին մէջ։

    Եւ կայ աւելին։ Արցախի պահպանումը աշխարհաքաղաքական պարտադրանք է ու հայրենիքի անվտանգութեան ճիշդ ռազմավարութեան հրամայականն է։ 

  • «Ալ Ջազիրա»-ն անդրադարձել է Երեւանում բնակւող սիրիահայ փախստական ոսկերչի կեանքի պատմութեանը
    «Ալ Ջազիրա»-ն անդրադարձել է Երեւանում բնակւող սիրիահայ փախստական ոսկերչի կեանքի պատմութեանը

    Հեղինակաւոր «Ալ Ջազիրա» լրատւամիջոցն անդրադարձել է Սիրիայում ընթացող քաղաքացիական պատերազմի սկզբում Հալէպից Երեւան տեղափոխւած 31-ամեայ ոսկերիչ Վահէ Յովհաննիսեանի կեանքի պատմութեանը:

  • Թող Իսրայէլը ԱԹՍ վաճառի Ադրբեջանին. Փաշինեանը չի փչացնի յարաբերութիւնները Իրանի հետ
    Թող Իսրայէլը ԱԹՍ վաճառի Ադրբեջանին. Փաշինեանը չի փչացնի յարաբերութիւնները Իրանի հետ

    Իսրայէլի պաշտպանութեան նախարարութիւնը թոյլ է տւել «Aeronautics Defense Systems Ltd» ընկերութեանը վերսկսել Ադրբեջանին «Orbiter 1K» մարտական անօդաչու-կամիկաձեներ առաքելը։ Պաշտօնատար անձինք շարունակում են մնալ պատժամիջոցների տակ, բայց ընկերութիւնն այսուհետ ազատ է իր գործողութիւններում։ Տարօրինակ ոչ մի բան չկայ, որ նման որոշում ընդունւել է հէնց այս ժամանակահատւածում։ 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։