Հա

Քաղաքական

16/08/2018

Իրանագէտ. «Արտաքին քաղաքական հարթութիւնում տեղի է ունեցել մեր շահերին առնչւող մի չափազանց կարեւոր դրական իրադարձութիւն»

Իրանագէտ Վարդան Ոսկանեանը ֆէյսբուքեան իր էջում գրում է. «Մինչ հայաստանեան հասարակութեան ուշադրութիւնը սեւեռւած է հիմնականում մեր երկրի ներքաղաքական խնդիրներին, արտաքին քաղաքական հարթութիւնում տեղի է ունեցել մեր շահերին առնչւող մի չափազանց կարեւոր դրական իրադարձութիւն։

«alikonline.ir» - Իրանագէտ Վարդան Ոսկանեանը ֆէյսբուքեան իր էջում գրում է. «Մինչ հայաստանեան հասարակութեան ուշադրութիւնը սեւեռւած է հիմնականում մեր երկրի ներքաղաքական խնդիրներին, արտաքին քաղաքական հարթութիւնում տեղի է ունեցել մեր շահերին առնչւող մի չափազանց կարեւոր դրական իրադարձութիւն։

Նախկին Ադրբեջանական ԽՍՀ թալիշաբնակ շրջաններում 1993 թ․ հռչակւած եւ Բաքւի բռնապետական վարչակարգի բռնի միջամտութեան արդիւնքում տապալւած Թալիշ-Մուղանեան ինքնավար Հանրապետութեան նախագահ, ներկայում Հոլանդիայում քաղաքական ապաստան ստացած Ալաքրամ Հումմաթովը այս տարւայ յուլիսի 9-ին հրամանագիր է ստորագրել ստեղծելու Թալիշ-Մուղանեան ինքնավար Հանրապետութեան վտարանդի կառավարութիւն, իսկ յուլիսի 16-ի հրամանով հաստատել է դրա նախարարների կազմը։

Վտարանդի կառավարութեան շրջանակներում Թալիշ-Մուղանեան ինքնավար Հանրապետութեան վարչապետի պաշտօնում նշանակւել է 2017 թ․ Հայաստանում քաղաքական ապաստան ստացած թալիշ յայտնի հասարակական-քաղաքական գործիչ Շահին Միրզաեւը, որն արդէն սկսել է կառավարութեան ծրագրի կազմումը։

Ուշագրաւ է, որ այդ ծրագրում նախատեսւում է յատուկ շեշտադրել մի շարք ոլորտներում հայ-թալիշական գործակցութեան կարեւորութիւնը, ինչի կապակցութեամբ առանձին անդրադարձ է կատարւել նաեւ հայկական մամուլում վերջերս հրապարակւած Թալիշ-Մուղանեան ինքնավար Հանրապետութեան նախագահի հարցազրոյցում»:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։