Հա

Քաղաքական

20/08/2018 - 10:50

Ռոբերտ Քոչարեանն ու արտահերթ ընտրութիւնները. նոր ընդդիմութեանը նոր «դէմք» է պէտք

ՀՀ երկրորդ նախագահը կը փորձի իր շուրջը համախմբել բոլոր նրանց, ովքեր Փաշինեանի հետ նոյն ճանապարհով չեն գնայ։

«alikonline.ir» - ՀՀ երկրորդ նախագահը կը փորձի իր շուրջը համախմբել բոլոր նրանց, ովքեր Փաշինեանի հետ նոյն ճանապարհով չեն գնայ։

ՀՀ երկրորդ նախագահ Ռոբերտ Քոչարեանի հնարաւորութիւններն այնքան էլ մեծ չեն արտահերթ ընտրութիւններում, նրա կողմից ստեղծւող կոալիցիան ձեւական նոր առաջնորդի կարիք ունի, «Sputnik» ռադիոկայանի թղթակցին ասաց քաղտեխնոլոգ Վիգէն Յակոբեանը։

Օգոստոսի 16-ին ՀՀ երկրորդ նախագահ Ռոբերտ Քոչարեանը «Երկիր Մեդիա» հեռուստաընկերութեանը տւած հարցազրոյցում յայտարարեց քաղաքականութիւն վերադառնալու մասին։ Նա պնդեց, որ իր վերադարձն անհրաժեշտ է, որովհետեւ Հայաստանի նոր իշխանութիւնը ոչ համաչափ ձեւով է արձագանգում երկրի շուրջ ծաւալւող իրադարձութիւններին։

Օգոստոսի 17-ին ՀՀ վարչապետ Նիկոլ Փաշինեանը Հանրապետութեան հրապարակում մեծ հանրահաւաք կազմակերպեց վարչապետութեան 100-օրեայ գործունէութիւնն ամփոփելու համար։

Յակոբեանի խօսքով` օրեր առաջ տեղի ունեցած հանրահաւաքի ձեւաչափն ու նպատակը մէկն էր` ինչպէս երկրի ներսում, այնպէս էլ երկրից դուրս ցոյց տալ, որ ժողովուրդն աջակցում է Փաշինեանին։

«Ցոյց տալ, որ իր շուրջը համախմբւածութիւն կայ։ Սա կարեւոր է ե՛ւ աշխարհաքաղաքական տեսանկիւնից, քանի որ որոշ աշխարհաքաղաքական խաղացողների հետ տարաձայնութիւններ կան, ե՛ւ ներքաղաքական տրանսֆորմացիայի տեսանկիւնից։ Քոչարեանի վերադարձով ընդդիմադիր դաշտ է ձեւաւորւում, որը, ի դեմս ՀՀԿ-ի, կար զուտ ֆորմալ առումով»,- ասաց Յակոբեանը։

Նրա խօսքով` Քոչարեանի վարկանիշը մեծ չէ։ Նա այն քաղաքական գործիչներից մէկն է, ով հասարակութեան մէջ ամենաքիչ դրական ընկալումն ունի։ Սակայն դա չի նշանակում, որ նրան չի յաջողւի համախմբել հասարակութեան այն սակաւաթիւ հատւածին, որը չի ընդունում այսօրւայ իշխանութիւններին։

«Նրա փորձն ու ռեսուրսները (ֆինանսական, ներքին եւ արտաքին քաղաքական) թոյլ կը տան համախմբել քաղաքական դաշտի այն հատւածին, որն ապրիորի ընդդիմութիւն է ներկայիս իշխանութեան նկատմամբ (ՀՀԿ-ին), եւ այն հատւածին, որը շուտով կը համոզւի, որ Փաշինեանի հետ նրանց ճանապարհները բաժանւում են»,- նշեց Յակոբեանը։

Ապագայ ընտրութիւնները զտիչ դեր կունենան, պատահական մարդիկ, որոնք այսօր կան կառավարութիւնում, իրենց ճանապարհով կը գնան։ Եւ այդ ճանապարհը, քաղտեխնոլոգի կարծիքով, Քոչարեանին աւելի մօտ կը լինի։

Կը միանան նաեւ նրանք, ովքեր ի սկզբանէ դժգոհ էին ընթացիկ փոփոխութիւններից կամ հիասթափւել են Փաշինեանի իշխանութեան գալուց յետոյ։

Ընդ որում, ընտրւելու առումով անձամբ Քոչարեանի հնարաւորութիւնները չափազանց քիչ են։ Նա կարող է աջակցել ընդդիմադիր միջուկի ստեղծմանը, բայց նրանց պէտք կը լինի մէկ այլ, աւելի յայտնի թեկնածու, որի նկատմամբ հասարակութիւնը քիչ թէ շատ չէզոք վերաբերմունք ունի։

«Գուցէ նոր դէմքեր լինեն։ Սակայն պրագմատիկ տեսանկիւնից, նոյնիսկ նման ռեսուրսներ եւ դրսից աջակցութիւն ունենալով, անձամբ Քոչարեանի` ընտրութիւններում յաջողութեան հասնելու շանսերը քիչ են»,- ասաց Յակոբեանը։

Յարակից լուրեր

  • «Հայոց աշխարհ». «Ծանրութիւնն արտախորհրդարանական ուժերի վրայ կը մնայ»
    «Հայոց աշխարհ». «Ծանրութիւնն արտախորհրդարանական ուժերի վրայ կը մնայ»

    «Հայոց աշխարհը» գրում է. «Խորհրդարանական ընտրութիւնների արդիւնքները եկան ամրապնդելու աւելի վաղ արտայայտած մեր այն տեսակէտը, որ միատարր խորհրդարան ունենալու դէպքում քաղաքական օրակարգի բովանդակութեան ձեւաւորման ու քննարկումների բեռն առաւելապէս կը ծանրանայ արտախորհրդարանական ուժերի վրայ: 

  • Հայրենի մեր ժողովուրդը ինչո՞ւ իր քւէն չի վստահում Հայ Յեղափոխական Դաշնակցութեան
    Հայրենի մեր ժողովուրդը ինչո՞ւ իր քւէն չի վստահում Հայ Յեղափոխական Դաշնակցութեան

    Աւարտւեց Հայաստանի խորհրդարանի արտահերթ ընտրութիւնները, իր յետեւից թողնելով բազմաթիւ՝ դեռեւս անպատասխան մնացած հարցեր:

    Մեզ՝ սփիւռքահայերիս համար, որ առօրեայ լրահոսի միջոցով կապւած ենք Հայաստանի եւ Արցախի իրադարձութիւնների հետ, հարցերի հարցը թերեւս այն է, թէ ինչու հայրենի մեր ժողովուրդն իր քւէն չի վստահում Հայ Յեղափոխական Դաշնակցութեան: Ո՞րն է պատճառը, որ ՀՅԴ ծրագրերն ու գործելաոճը չի ընկալւում Հայաստանի քաղաքացիների կողմից:

  • «Իմ քայլը» դաշինքն ստացել է քւէների 70.42%-ը, ԲՀԿ-ն՝ 8.26%-ը, «Լուսաւոր Հայաստանը»՝ 6.37%-ը. Տ. Մուկուչեանը ներկայացրեց ՀՀ ԱԺ ընտրութիւնների վերջնական արդիւնքները
    «Իմ քայլը» դաշինքն ստացել է քւէների 70.42%-ը, ԲՀԿ-ն՝ 8.26%-ը, «Լուսաւոր Հայաստանը»՝ 6.37%-ը. Տ. Մուկուչեանը ներկայացրեց ՀՀ ԱԺ ընտրութիւնների վերջնական արդիւնքները

    ՀՀ կենտրոնական ընտրական յանձնաժողովն ամփոփեց դեկտեմբերի 9-ին կայացած արտահերթ խորհրդարանական ընտրութիւնների արդիւնքները, որոնք նիստի ընթացքում ներկայացրեց ԿԸՅ նախագահ Տիգրան Մուկուչեանը:  

  • Մենք ենք, մեր կուռքերը
    Մենք ենք, մեր կուռքերը

    ՀՀ ԱԺ արտահերթ ընտրութիւններն անցան ազատ, արդար, թափանցիկ: Դրանք մեր նորագոյն պատմութեան ամենաարդար ընտրութիւններն էին, կայ համընդհանուր վստահութիւն ընտրութեան արդիւնքների նկատմամբ… Ամէն ինչ հրաշալի է, գրեթէ` թաւշեայ: Արեւմուտքը, կարծես, բաւարարւել է` մեզնից մի փոքր աւելին պահանջելով, յոյս է յայտնել, որ ապագայում աւելի լաւ ընտրութիւն կունենանք: 

  • Ընդդիմութեան դաշտին կազմաւորումը, կամ՝ ձախակողմեան այլընտրանքը Ազգային ժողովէն դուրս
    Ընդդիմութեան դաշտին կազմաւորումը, կամ՝ ձախակողմեան այլընտրանքը Ազգային ժողովէն դուրս

    Հ. Յ. Դաշնակցութեան ցանկին վրայ Ազգային Ժողովի պատգամաւորի թեկնածու Արթուր Խաչատրեան ընտրարշաւի ժամանակ առիթով մը հարցազրոյցի մը մէջ ըսած է թէ շատ դժուար էր Աջ կառավարութեան մը մէջ Ձախ ըլլալ: Խաչատուրեան այն քիչերէն է հայկական իրականութեան մէջ Ընկերվար Միջազգայնականի միակ անդամ կուսակցութեան հանրածանօթ դէմքերէն, որոնք Դաշնակցութեան գաղափարախօսական ինքնութիւնը պարզ ու մէկին բանաձեւած է որպէս «Ձախ»:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։