Հա

Քաղաքական

20/08/2018 - 11:10

Արթուր Խաչատրեան. «Մենք այս կառավարութեան մէջ ընդգծւած ձախ ենք»

ՀՀ գիւղատնտեսութեան նախարար Արթուր Խաչատրեանը ՀՅԴ-ի կազմակերպած սոցիալ-տնտեսական քաղաքականութեան մասին հանրային քննարկման ժամանակ յայտարարեց, որ վերջին տարիներին տնտեսութիւնն անշեղօրէն աճել է, բայց երբ որ խօսում են տնտեսական աճի մասին, մարդիկ զայրացած իրենց են նայում, որովհետեւ հասարակութիւնը բեւեռացւած է: Ըստ նրա՝ տնտեսութիւնն անշեղօրէն աճում է, բայց ունենք արտագաղթ, որովհետեւ կայ անարդարութիւն:

«alikonline.ir» - ՀՀ գիւղատնտեսութեան նախարար Արթուր Խաչատրեանը ՀՅԴ-ի կազմակերպած սոցիալ-տնտեսական քաղաքականութեան մասին հանրային քննարկման ժամանակ յայտարարեց, որ վերջին տարիներին տնտեսութիւնն անշեղօրէն աճել է, բայց երբ որ խօսում են տնտեսական աճի մասին, մարդիկ զայրացած իրենց են նայում, որովհետեւ հասարակութիւնը բեւեռացւած է: Ըստ նրա՝ տնտեսութիւնն անշեղօրէն աճում է, բայց ունենք արտագաղթ, որովհետեւ կայ անարդարութիւն:

«Առաւօտ»-ի հետ զրոյցում հարցին՝ եթէ սա ասէր վերջին տարիներին ընդդիմութիւն եղած, իշխանական կոալիցիայի մաս չկազմած կուսակցութեան ներկայացուցիչ, ինչ-որ չափով հասկանալի կը լինէր, բայց եթէ ՀՅԴ-ն ունեցել է պորտֆելներ, ունեցել է լծակներ՝ ազդելու իշխանական որոշումների վրայ, ինչո՞ւ չի արել այս տարիներին, նախարարը պատասխանեց. «Մենք նախկին նախագահի հրաւէրով 2016-ին, հասկանալով իրավիճակի օրհասականութիւնը, անդամակցեցինք կառավարութեանը: Եթէ դուք նայէք մեր նախարարների գործունէութիւնը, ապա ընդգծւած ձախակողմեան է եղել: Մենք միշտ էլ ասել ենք՝ պէտք է ստեղծել մեխանիզմներ, որոնք կարող են ստեղծւած արժէքը ճիշտ վերաբաշխել հասարակութեան անդամների միջեւ: Այս կառավարութիւնում էլի մենք ունենք 2 նախարար, ու էլի մենք այս կառավարութեան մէջ ընդգծւած ձախ ենք, նոյնիսկ կառավարութեան նիստերի ժամանակ էլ կը տեսնէք, որ մենք խօսում ենք, որ փոքր ձեռնարկատէրերին պէտք է պաշտպանենք, երբ հարցը գնաց 115-ից 58 մլն.-ի իջեցնելուց, նաեւ երբ խօսք էր գնում տեղական արտադրողների նկատմամբ պրոտեկցիոնիստական քաղաքականութեան իրականացման մասին, այստեղ էլ էլի կը տեսնէք, որ ռեպլիկների տեսքով մենք ցոյց ենք տալիս՝ որոնք են մեր մօտեցումները: Բայց պէտք է հասկանանք՝ կայ կառավարութիւն, կայ կառավարութեան մեծամասնութիւն, ուղղակի մենք այն կառավարութեան մէջ էլ, այս կառավարութեան մէջ էլ ընդգծւած ձախակողմեան քաղաքականութիւն ենք իրականացրել: Բայց միջոցները սահմանափակ են: Եթէ մենք ունենանք ամբողջական իշխանութիւն ինչ-որ մի պահի, կը տեսնէք, որ մենք մեր ուղղւածութիւնը շարունակում ենք»:

Նա ասաց, որ երբ իրենք խօսում են ստեղծւած արժէքի բաշխման մասին, դա նաեւ աշխատատար ճիւղերի զարգացմանն է վերաբերում. «Նպաստի փոխարէն, երբ մարդը նպաստ է ստանում, աւելի լաւ է գնայ աշխատատար ցածր մարժայով ձեռնարկութիւնում աշխատի, բայց գումար ստանայ, որ չեղած տեղից փող ստանալու այդ մշակոյթը դուրս գայ: Ընտանիքը եթէ 20 տարի նստած է սոցիալական համակարգի վրայ, ուրեմն այդ սոցիալական համակարգն ինչ-որ մի տեղ խաթարւել է»:

Դիտարկմանը, որ մինչ նպաստառուների ցուցակից մարդկանց հանելը պէտք է նախ աշխատատեղեր ստեղծւեն՝ Արթուր Խաչատրեանն արձագանգեց. «Հէնց դա ենք ասում՝ պետութիւնը պէտք է իր վրայ վերցնի ակտիւ գործառութիւններ: Ծայրայեղ դէպքերում կա՛մ ինքը կարող է ձեռնարկութիւններ ստեղծել, կա՛մ պետութիւն-մասնաւոր հատւած գործընկերութեան շրջանակներում ձեռնարկութիւն լինի: Կա մեծ կառավարութեան գաղափարախօսութիւն, կայ՝ փոքր: Փոքրն ասում է՝ ես ձեռքերս լւանում եմ, շուկան ինքն իրեն կը կարգաւորւի, եթէ մեծ ձախողումներ են լինում, այդ դէպքում թիրախային ինտերւենցիա եմ անում, եւ կայ միւս մօտեցումը, որն ասում է՝ պետութիւնը պատասխանատու է տնտեսութեան համար, պետութիւնը պատասխանատու է ժողովրդի համար եւ սոցիալական բարեկեցութեան համար, ակտիւ քայլեր է ձեռնարկում: Մենք ասում ենք, որ պէտք է այնքան շուկայ, որքան հնարաւոր է, եւ այնքան միջամտութիւն, որքան անհրաժեշտ է, մենք խրախուսում ենք մրցակցութիւնը, բայց եթէ տեսնում ենք, որ մրցակցութեան արդիւնքում բացեր են առաջանում՝ ձեռնարկութիւններ չեն ստեղծւում, ձեռնարկութիւնները Երեւանի կենտրոնում են ստեղծւում, այդ դէպքում արդէն անմիջականօրէն պէտք է մասնակցել»:

Յարակից լուրեր

  • ՀՀ-Սփիւռք յարաբերութիւններում ներդրւելիք նոր համակարգի մասին
    ՀՀ-Սփիւռք յարաբերութիւններում ներդրւելիք նոր համակարգի մասին

    ՀՀ խորհրդարանում քննարկւեց եւ ընդունւեց «Կառավարութեան կառուցւածքի եւ գործունէութեան մասին» օրէնքում փոփոխութիւններ եւ լրացումներ կատարելու մասին նոր օրէնքը: Նշեալ եւ յարակից օրէնքների նախագծերի փաթեթի վերաբերեալ Հայաստանի Հանրապետութեան կառավարութեան օրէնսդրական նախաձեռնութեանը ՀՀ կառավարութիւնը հաւանութիւն էր տւել 2019 թւականի մարտի 7-ի որոշմամբ:

  • «168 ժամ». «Լուրջ ահազանգ կառավարութեան ու Փաշինեանի համար»
    «168 ժամ». «Լուրջ ահազանգ կառավարութեան ու Փաշինեանի համար»

    «168 ժամ» թերթը գրում է. «Մինչ տնտեսական ակտիւութեան մակարդակը Հայաստանում տարեսկզբին սպասւածից մի բան էլ բարձր է, արտաքին առեւտրի շրջանառութիւնը, մասնաւորապէս՝ արտահանումը, հսկայական տեմպերով նւազում է։ Այնինչ թւում է, թէ այդպէս չպիտի լինէր։ Տնտեսական աճը պիտի յանգեցնէր նաեւ արտահանման ծաւալների աւելացմանը։

  • «Խախտւում է Սահմանադրութիւնը». ՀՅԴ ՄՈՀ գրասենեակ
    «Խախտւում է Սահմանադրութիւնը». ՀՅԴ ՄՈՀ գրասենեակ

    «Կառավարութեան կառուցւածքի եւ գործունէութեան մասին» օրէնքի համաձայն՝ կառավարութիւնը կազմւած է վարչապետից, առաջին փոխվարչապետից, 2 փոխվարչապետներից եւ 17 նախարարներից: Ընդամենը՝ 21 անձ: 2019 թւականի յունւարի 19-ի դրութեամբ նշակւել էին վարչապետը, վերջինիս առաջարկութեամբ 2 փոխվարչապետները եւ 12 նախարարներ: Ընդամենը՝ 15 անձ: Նոյն օրէնքի համաձայն՝ կառավարութիւնը համարւում է կազմաւորւած, եթէ նշանակւել են կառավարութեան անդամների առնւազը 2/3-ը:

  • Ոլորտային ծրագրեր` Արցախի Շահումեանի շրջանի կայուն զարգացման համար
    Ոլորտային ծրագրեր` Արցախի Շահումեանի շրջանի կայուն զարգացման համար

    «Շահումեանի շրջան կատարած այս ճանաչողական այցի ընթացքում եղել եմ շրջանի Նոր Մանաշիդ, Ծար, Զուար, Հաւսաթաղ, Քարվաճառ համայնքներում, այցելել եմ նաեւ շրջանի մի շարք պատմաճարտարապետական եւ բնական յուշարձաններ»: «Նոր Շահումեան» թերթի թղթակից Թամարա Գրիգորեանի հետ զրոյցում նշեց գործարար կառավարման մասնագէտ, ՀՀ գիւղատնտեսութեան նախկին նախարար, Շիրակի մարզի նախկին մարզպետ Արթուր Խաչատրեանը:

  • Մեր քաղաքում առաջնահերթութեան կարգով բազում խնդիրներ կան
    Մեր քաղաքում առաջնահերթութեան կարգով բազում խնդիրներ կան

    Ինչպէս յայտնի է, Օպերայի յարակից տարածքի ապամոնտաժւող սրճարաններից երկուսը ՀՅԴ-ականներինն է: Մասնաւորապէս, սրճարաններից մէկը պատկանում է ԱԺ նախկին պատգամաւոր դաշնակցական Միքայէլ Մանուկեանին, որ Երեւանի աւագանու արտահերթ ընտրութիւններում գլխաւորում էր ՀՅԴ համամասնական ցուցակը: Սակայն «Ժողովուրդ» օրաթերթին յայտնի դարձաւ, որ վերջինիս պատկանող սրճարանը դեռ չի ապամոնտաժւելու, որովհետեւ սրճարանի հետ կապւած գործը դատարանում է:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։