Հա

Քաղաքական

20/08/2018 - 14:20

ՀՅԴ-ն բաց ցուցակներով համամասնական ընտրակարգն առաւել ժողովրդավարական է համարում

Ընտրական օրէնսգրքի բերեփոխումների նպատակով ստեղծւած ՀՀ ԱԺ աշխատանքային խմբի առաջարկութիւնների փաթեթն արդէն Կառավարութիւնում է: 4 քաղաքական ուժերի առաջարկները գործադիրը կամփոփի եւ սեպտեմբերին կը ներկայացնի օրէնսդիր մարմնին: Ընտրական օրէնսգրքի բարեփոխումների շուրջ Դաշնակցութեան առաջարկների եւ Երեւանի աւագանու արտահերթ ընտրութիւններին հնարաւոր մասնակցութեան մասին «Արմէնպրես»-ը զրուցել է ՀՀ ԱԺ ՀՅԴ խմբակցութեան պատգամաւոր Արմենուհի Կիւրեղեանի հետ:

«alikonline.ir» - Ընտրական օրէնսգրքի բերեփոխումների նպատակով ստեղծւած ՀՀ ԱԺ աշխատանքային խմբի առաջարկութիւնների փաթեթն արդէն Կառավարութիւնում է: 4 քաղաքական ուժերի առաջարկները գործադիրը կամփոփի եւ սեպտեմբերին կը ներկայացնի օրէնսդիր մարմնին: Ընտրական օրէնսգրքի բարեփոխումների շուրջ Դաշնակցութեան առաջարկների եւ Երեւանի աւագանու արտահերթ ընտրութիւններին հնարաւոր մասնակցութեան մասին «Արմէնպրես»-ը զրուցել է ՀՀ ԱԺ ՀՅԴ խմբակցութեան պատգամաւոր Արմենուհի Կիւրեղեանի հետ:

 

ՀՅԴ-ի կողմից ներկայացւած 10 առաջարկների մեծ մասն ընդգրկւեց կառավարութիւն ուղարկւած առաջարկութիւնների փաթեթում: Այս առումով քննարկումներից ձեր սպասելիքները կարելի° է արդարացւած համարել:

- Չէի ասի, որ ամբողջութեամբ, որովհետեւ կան առաջարկներ, որոնք դեռեւս քննարկման ենթակայ են, աւելի լայն արձագանքի կարիք ունեն, բայց հիմնականում գոհ ենք արդիւնքներից: Իհարկէ, այնպէս չէ, որ մեր ներկայացրած փաթեթն ամբողջութեամբ պէտք է ընդունւի կառավարութեան կողմից, բայց, եթէ որեւէ կէտ չի ընդունւում, ապա պէտք է ամենայն մանրամասնութեամբ հիմնաւորւի: Բնականաբար, պէտք է համաձայնեցնել նաեւ կառավարութեան մօտեցումներն ու ստանալ մէկ ամբողջական փաթեթ: Ի վերջոյ, բոլորիս նպատակն այս պահի դրութեամբ լաւագոյն ընտրական օրէնսգիրք ունենալն է:

 

Դաշնակցութիւնն ու Հանրապետականն առաջարկում են ամրագրել բաց ցուցակներով համամասնական ընտրակարգը: Ո°րն է դրա առաւելութիւնը փակ ցուցակների նկատմամբ:

- 100%-անոց բաց համամասնական ցուցակներն աւելի ժողովրդավարական են: Եթէ խօսում ենք ժողովրդավարութեան կայացման մասին, ապա պէտք չէ մոռանալ ներկուսակցական ժողովրդավարութիւնը: Բաց ցուցակներն առաւել նպաստաւոր են թէ՛ մասնակցային, թէ՛ ներկուսակցական ժողովրդավարութեան կայացման առումով: Բնականաբար, ընտրողն իր քւէն տալով այս կամ այն կուսակցութեանը, պէտք է իրաւունք ունենայ ընտրելու նաեւ կուսակցութեան իր նախընտրած ներկայացուցչին:

 

Փակ ցուցակների կողմնակիցներն ասում են, որ քւէաթերթիկների հաշւարկի ժամանակ հնարաւոր է՝ որեւէ թեկնածու իր կուսակից ընկերոջ քւէաթերթիկներն իր անւան դիմաց դնի: Այսպիսի ռիսկ չէ°ք տեսնում:

- Թէ ինչքանով է հնարաւոր, որ կուսակցական մի ընկեր փորձի վերցնել իր կուսակից ընկերոջ ձայները, մեխանիզմի խնդիր է: Պէտք է ստեղծել այնպիսի մեխանիզմ, որ այդպիսի դէպքերը հնարաւորինս նւազեցւեն: Երբեք հնարաւոր չէ դրանք բացառել, որովհետեւ ինչպիսի մեխանիզմ էլ ներդրւի, կարող է ունենալ շրջանցելու տարբերակ: Այստեղ առաջնային է գաղափարը՝ արդեօք մենք ուզո՞ւմ ենք կայացնել մասնակցային ու ներկուսակցական ժողովրդավարութիւնը: Եթէ մեխանիզմների ստեղծման առումով դժւարութիւններ ունենք, չի նշանակում, որ պէտք է հրաժարւենք գաղափարից: Աւելի լաւ է՝ սկսենք աշխատել այդ մեխանիզմները ճիշտ ձեւակերպելու ուղղութեամբ:

 

ՀՅԴ-ն արտահերթ խորհրդարանական ընտրութիւնների անցկացման նախընտրելի ժամանակահատւած ունի°:

- Մենք պէտք է կարեւորենք ընտրութիւնների անցկացման նպատակը: Եթէ գնում ենք ընտրութիւնների միայն իշխանափոխութեան՝ մի կուսակցութիւնից քաղաքական մենաշնորհը վերցնելու եւ միւսին տալու համար, ապա դրանից կեանքի որակի փոփոխութիւն դէպի լաւը չի լինի: Մեր խնդիրն այնպիսի տնտեսութեան ստեղծումն է, որի շնորհիւ մարդիկ լաւ կապրեն: Քանի որ ընտրական օրէնսգրքի արդիւնքում ընտրւած ԱԺ-ն եւ կառավարութիւնը պէտք է իրականացնեն այն փոփոխութիւնները, արտահերթ ընտրութիւնների պէտք է գնալ այն ժամանակ, երբ կունենանք լաւ ընտրական օրէնսգիրք:

 

Բազմաթիւ ակտիւ եւ ոչ ակտիւ քաղաքական ուժեր արդէն յայտարարում են Երեւանի աւագանու արտահերթ ընտրութիւններին իրենց մասնակցութեան մասին: ՀՅԴ ԳՄ-ն այս ընտրութիւնների մասնակցութեան եւ ձևաչափի հարց քննարկե°լ է:

- Մեր Գերագոյն մարմինն առաջիկայում կը կայացնի որոշում: Ամենայն հաւանականութեամբ կը մասնակցենք Երեւանի աւագանու արտահերթ ընտրութիւններին: Եթէ մասնակցենք, ապա մասնակցելու ենք միայն յաղթելու համար, ներկայացնելու ենք շատ լաւ ծրագիր եւ առողջ թիմ, որն ի զօրու կը լինի այդ ծրագիրը կեանքի կոչել: ՀՅԴ-ի մասնակցութեան դէպքում մեր թեկնածուն լինելու է այնպիսին, որ իր հետեւից շատ երեւանցիների է տանելու ու նախընտրական ծրագրով շատերին է համոզելու: Դաշինքով մասնակցութեան հարց դաշնակցութիւնը երբեւէ չի քննարկել: Ընտրութիւններին միշտ մասնակցել ենք միայնակ, ամենայն հաւանականութեամբ, այդպէս կը լինի նաեւ այս դէպքում:

 

- Ի°նչ դիրքորոշում ունէք աւագանու ընտրութիւններին մասնակցութեան ցանկութիւն յայտնած քաղաքական ուժերի ընտրական ցուցակների առաջին համարների վերաբերեալ:

- Մենք բոլոր կուսակցութիւնների ցուցակներում ընդգրկւելիք առաջին անձին նայում ենք որպէս մրցակցի: Թէ ով ինչ հեղինակութիւն ունի, ինչ ձայներ է ստանալու, դա տւեալ կուսակցութեան խնդիրն է: Անընդհատ խօսում ենք քաղաքապետի թեկնածուի մասին, բայց չպէտք է մոռանանք, որ Երեւանի աւագանու ընտրութիւնները ՏԻՄ ընտրութիւններ են, իսկ տեղական ինքնակառավարման մարմիններում որոշում կայացնողն ամենեւին էլ քաղաքապետը չէ, աւագանին է, եւ շատ կարեւոր է այն թիմը, որով հանդէս է գալիս այդ կուսակցութիւնը: Քաղաքապետն ընդամենը այդ ընտրւած անդամներից մէկն է, ով պարտաւոր է իրականացնել աւագանու որոշումները:

Յարակից լուրեր

  • Հ.Յ. Դաշնակցութեան համամասնական ցուցակը հաստատւել է
    Հ.Յ. Դաշնակցութեան համամասնական ցուցակը հաստատւել է

    Երէկ՝ նոյեմբերի 13-ին ՀՅԴ Հայաստանի Գերագոյն մարմինը հաստատել է ՀՅԴ համամասնական ցուցակը: 

  • ՀՅԴ Բիւրոյի անդամ. «Չկա՛յ «ներսի» ու «դրսի», Դաշնակցութիւնը մէկն է»
    ՀՅԴ Բիւրոյի անդամ. «Չկա՛յ «ներսի» ու «դրսի», Դաշնակցութիւնը մէկն է»

    Արդէն 128 տարի Հայ Յեղափոխական Դաշնսկցութիւնը հայ քաղաքական կյանքի կարեւոր դերակատարն է: Քիչ է ասել, թէ այն միայն կուսակցութիւն է. Դաշնակցութիւնը նաեւ հայապահպան մեծ առաքելութիւն է կատարում Սփիւռքում:

  • Արթուր Խաչատրեան. «Մենք հողի եւ հայի համար կռւող կուսակցութիւն ենք` արդէն 128 տարի»
    Արթուր Խաչատրեան. «Մենք հողի եւ հայի համար կռւող կուսակցութիւն ենք` արդէն 128 տարի»

    Ինչո՞ւ քաղաքացին պէտք է քւէարկի Դաշնակցութեան օգտին: Այս հարցին «Երկիր մեդիա» հեռուստաընկերութեան «Հարցեր` դաշնակցականներին» հաղորդաշարի ընթացքում պատասխանել է Շիրակի նախկին մարզպետ, գիւղատնտեսութեան նախկին նախարար Արթուր Խաչատրեանը: 

  • Դուք էք որոշում
    Դուք էք որոշում

    Գնում ենք ԱԺ արտահերթ ընտրութիւնների: Այս ընտրութիւններով է ձեւաւորւելու ՀՀ առաջիկայ 5 տարիների իշխանութիւնը, որ պատասխանատւութիւն է կրելու երկրի արտաքին քաղաքականութեան, տնտեսական առաջընթացի մարդկանց սոցիալական խնդիրների լուծման, սերունդների համերաշխութեան ամրապնդման, ժողովրդավարութեան խորացման, օրէնքների գերակայութեան եւ, իհարկէ, պետութեան եւ ժողովրդի անվտանգութեան համար:

  • Հայ քաղաքական կեանքի մենակը կամ «մեղաւոր է դաշնակցութիւն»
    Հայ քաղաքական կեանքի մենակը կամ «մեղաւոր է դաշնակցութիւն»

    Հերթական ընտրութիւններն են անկախ Հայաստանի պատմութեան մէջ եւ ինչպէս բոլոր ընտրութիւններից առաջ, սկսւել է Դաշնակցութեան դէմ հակաքարոզչութիւնը… Քաղաքական պայքարի տեսակէտից գուցէ տարօրինակ բան չկայ, ցաւալին այն է, որ Դաշնակցութեանը մերժելու մտասեւեռումը մղում է նսեմացնել մեր ազգային արժէքները, ոչ հեռաւոր անցեալի պատմութիւնն ու հերոսական էջերը՝ վերջին 100 տարւայ ազգային ձեռքբերումները, առանց որոնց, որպէս ազգային-պետական հաւաքականութիւն այսօր չէինք լինի:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։