Հա

Քաղաքական

28/08/2018 - 08:25

Նիկոլ Փաշինեանն ու Արա Բաբլոյեանը հանդիպել են. ընտրութիւններ կը լինեն 1 տարում

Օգոստոսի 27-ին կայացել է ՀՀ Ազգային ժողովի նախագահ Արա Բաբլոյեանի եւ ՀՀ վարչապետ Նիկոլ Փաշինեանի հանդիպումը։ 

«alikonline.ir» - Օգոստոսի 27-ին կայացել է ՀՀ Ազգային ժողովի նախագահ Արա Բաբլոյեանի եւ ՀՀ վարչապետ Նիկոլ Փաշինեանի հանդիպումը։ Ինչպէս տեղեկացնում է «news.am»-ը՝ այս մասին հաղորդագրութիւն է տարածել ՀՀ ԱԺ-ն:

Հանդիպման նախաձեռնութեամբ աւելի վաղ հանդէս էր եկել ՀՀ Ազգային ժողովի նախագահը՝ երկրի ներքաղաքական դրութեան մասին արւած յայտարարութիւնով: Բարձրացւած հարցերի շուրջ քննարկումների արդիւնքում ՀՀ օրէնսդիր եւ գործադիր մարմինների ղեկավարները մասնաւորապէս արձանագրել են.

- Անկախ քաղաքական հայեացքներից Հայաստանի Հանրապետութիւնում իւրաքանչիւր ոք ունի խօսքի եւ տարբերւող կարծիքի ազատութեան իրաւունք։

- Դատարանների անկախութիւնը երկրում արդարադատութեան ապահովման կարեւորագոյն երաշխիք է, հետեւաբար օրէնսդիր, գործադիր եւ դատական իշխանութիւնների բաժանման ու հաւասարակշռման մեխանիզմը որեւէ կերպ չպէտք է խաթարւի։

- Արադարադատութեան իրականացման գործում Հայաստանի դատական համակարգն իր ողջ գործիքակազմով իրեն չի սպառել, այդուհանդերձ, եթէ քաղաքական քննարկումների արդիւնքում կողմերը գտնեն, որ կայ անհրաժեշտութիւն «անցումային արդարադատութեան» ինստիտուտի, ապա դա պէտք է իրականացւի Սահմանադրութեան եւ համապատասխան օրէնսդրական դաշտի փոփոխութիւններով եւ միեւնոյն ժամանակ որեւէ կերպ չվնասի արդարադատութեանը:

- ՀՀ ԱԺ կողմից 07.06.2018 թւականին հաւանութեան արժանացած Կառավարութեան ծրագրի համաձայն «Արտահերթ խորհրդարանական ընտրութիւններն անհրաժեշտ է անցկացնել առաւելագոյնը մէկ տարւայ ընթացքում»: Արտահերթ խորհրդարանական ընտրութիւնները սահմանադրական փոփոխութիւնների միջոցով անցկացնելու դէպքում` մեխանիզմների շարքում հանրաքւէի ինստիտուտը կարող է լինել ամենաժողովրդավարականը, քանի որ փոփոխութեան ենթակայ Սահմանադրութիւնն ընդունւել է հանրաքւէով։ Այդուհանդերձ, այս հարցում որեւէ տարբերակի ընտրութիւնը պէտք է արւի հանրային ու քաղաքական լայն քննարկումների արդիւնքում։ Այդպիսի հնարաւորութիւնները սպառւած չեն թէ խորհրդարանում եւ թէ հանրային լայն շրջանակներում»:

Աւելի վաղ «news.am»-ը յայտնել էր, որ ՀՀ ԱԺ նախագահ Արա Բաբլոյեանը հանդէս էր եկել յայտարարութեամբ, որտեղ նշել էր, որ վարչապետ Նիկոլ Փաշինեանը փորձում է ճնշում գործադրել պատգամաւորների նկատմամբ: Նրա կարծիքով, կառավարութիւնը խախտում է խօսքի ազատութիւնը եւ մարդու իրաւունքները:

Իր հերթին Փաշինեանը յայտարարել էր, որ ոչ մի ճնշում չկայ եւ կոչ էր արել հաշւի առնել ժողովրդի կարծիքն ու առկայ իրողութիւնները: Փաշինեանը պատրաստակամութիւն էր յայտնել հանդիպել Արա Բաբլոյեանի հետ եւ քննարկել բոլոր հարցերը:

Յարակից լուրեր

  • «168 ժամ». «Յեղափոխութիւնը խժռում է իր զաւակներին»
    «168 ժամ». «Յեղափոխութիւնը խժռում է իր զաւակներին»

    «168 ժամ» թերթը գրում է. «Վարչապետ Նիկոլ Փաշինեանը բաւարարել է քննիչի կայացրած որոշումը եւ ժամանակաւորապէս դադարեցրել է ՀՀ պետական վերահսկողական ծառայութեան ղեկավար Դաւիթ Սանասարեանի պաշտօնավարութիւնը։

  • Հանդիպում ազգային առաջնորդարանում
    Հանդիպում ազգային առաջնորդարանում

    Ապրիլի 29-30-ին, Իրանի Քիշ կղզիում տեղի է ունենալու եօթերորդ տարածաշրջանային միջազգային համագումար, կազմակերպւած Համաշխարհային Առողջապահութեան կառոյցի եւ Թեհրանի Բժշկագիտական համալսարանի ֆակուլտետի:

  • Այցելութիւն ազգային առաջնորդարան
    Այցելութիւն ազգային առաջնորդարան

    Աշխատանքային այցով Իրանում էր ՀՀ կառավարութեան Պետական եկամուտների կոմիտէի նախագահ՝ պրն. Դաւիթ Անանեանը եւ նրա գլխաւորած պատւիրակութիւնը:

  • Զարիֆը հանդիպել է նախագահ Ասադի հետ
    Զարիֆը հանդիպել է նախագահ Ասադի հետ

    Դամասկոսում գտնւող ԱԳ նախարար Մոհամմադ Ջաւադ Զարիֆը հանդիպել է Սիրիայի նախագահ Բաշշար Ասադի հետ:

  • Այցելութիւն ազգային առաջնորդարան
    Այցելութիւն ազգային առաջնորդարան

    Երկուշաբթի, ապրիլի 15-ի կէսօրին, թեմիս առաջնորդ՝ գերշ. Տ. Սեպուհ Ս. արք. Սարգսեանը, իր գրասենեակում ընդունեց պարոնայք՝ Յակոբ Բալեանին եւ Յակոբ Յարթունեանին, որոնք Հայաստանից հիւրաբար Թեհրանում են գտնւում:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։