Հա

Քաղաքական

29/08/2018

Արմէն Սարգսեանն ու Արա Բաբլոյեանը քննարկել են ՀՀ-ում տիրող ներքաղաքական իրավիճակը

Օգոստոսի 28-ին կայացել է Հայաստանի Հանրապետութեան նախագահ Արմէն Սարգսեանի եւ Ազգային ժողովի նախագահ Արա Բաբլոյեանի հանդիպումը:

«alikonline.ir» - Օգոստոսի 28-ին կայացել է Հայաստանի Հանրապետութեան նախագահ Արմէն Սարգսեանի եւ Ազգային ժողովի նախագահ Արա Բաբլոյեանի հանդիպումը:

Ինչպէս «Արմէնպրես»-ին տեղեկացրին ՀՀ Ազգային ժողովի լրատւութեան եւ հանրութեան հետ կապերի վարչութիւնից, հանդիպման նախաձեռնութեան առաջարկութեամբ աւելի վաղ հանդէս էր եկել Ազգային ժողովի նախագահը՝ երկրի ներքաղաքական դրութեան մասին յայտարարութիւնով:

Խորհրդարանի ղեկավարը ՀՀ նախագահին տեղեկացրել է, որ վարչապետ Նիկոլ Փաշինեանի հետ նախօրէին կայացած հանդիպմանը կողմերն արձանագրել են, որ խնդիրների լուծմանն ուղղւած բոլոր քայլերը պէտք է լինեն ժողովրդավարական չափանիշներին համապատասխան, քաղաքական երկխօսութեան, բանակցութիւնների եւ քննարկումների մթնոլորտում:

ՀՀ նախագահը, կարեւորելով Սահմանադրութեան գերակայութեան հրամայականը վերահաստատել է իր դիրքորոշումը, որ խնդիրները լաւագոյնս լուծւում են երկխօսութեան եւ բանակցութիւնների միջոցով, որոնց ընթացքում ձեռք բերւած պայմանաւորւածութիւնները կողմերը յարգում են՝ հետեւողականօրէն կատարելով այդ պայմանաւորւածութիւններին միտւած գործողութիւններ, ընթացքում դասեր քաղելով եւ արձանագրելով յաջողութիւնները։

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։