Հա

Քաղաքական

03/09/2018 - 11:20

ԲՀԿ-Քոչարեան համագործակցութեան հեռանկարները

«Իրաւունք» օրաթերթը գրում է. «Կան տեղեկութիւններ, որ այս օրերին երկրորդ նախագահ Ռոբերտ Քոչարեանն ակտիւ բանակցութիւնների մէջ է տարբեր քաղաքական ուժերի եւ անհատների հետ, այդ թւում՝ ծանր քաշային կուսակցութիւնների: Մեր միանգամայն արժանահաւատ աղբիւրի տեղեկացմամբ, քննարկումներ եղել են նաեւ ԲՀԿ-ի հետ:

«alikonline.ir»- «Իրաւունք» օրաթերթը գրում է. «Կան տեղեկութիւններ, որ այս օրերին երկրորդ նախագահ Ռոբերտ Քոչարեանն ակտիւ բանակցութիւնների մէջ է տարբեր քաղաքական ուժերի եւ անհատների հետ, այդ թւում՝ ծանր քաշային կուսակցութիւնների: Մեր միանգամայն արժանահաւատ աղբիւրի տեղեկացմամբ, քննարկումներ եղել են նաեւ ԲՀԿ-ի հետ: Սակայն դեռ վերջնական պայմանաւորւածութիւն չկայ՝ հնարաւոր արտահերթ խորհրդարանական ընտրութիւններում միասնական ճակատով հանդէս գալու մասին, հաշւի առնելով, որ դեռ միանգամայն անորոշ է նաեւ՝ նման ընտրութիւններ կը լինե՞ն, թէ՝ ոչ: Միաժամանակ աղբիւրը տեղեկացնում է, որ այլ ուժերի, այդ թւում՝ Քոչարեանի հետ ԲՀԿ-ի համագործակցութեան հեռանկարն ու ձեւաչափը մեծապէս կախւած է Երեւանի աւագանու առաջիկայ ընտրութիւններից: Կայ հնարաւոր երեք սցենար: Եթէ ԲՀԿ-ին յաջողւի առաւելութեան հասնել Փաշինեանի նկատմամբ, առաւել եւս, եթէ բացարձակ մեծամասնութիւն ստանայ, այս դէպքում Ծառուկեանը հանդէս կը գայ այն տեսլականով, որ ոչ թէ Փաշինեանը, այլ՝ ինքն է ժողովրդի նախապատւելի թեկնածուն, եւ այս դէպքում չի բացառւում, որ հայաստանեան քաղաքական դաշտի առաջնային օրակարգ կը մտնի Սահմանադրական դատարանի միջոցով Փաշինեանի վարչապետ դառնալու հարցը վիճարկելու եւ նոր վարչապետ ընտրելու հարցը: Այս իրավիճակում միանգամից կակտիւանայ ՀՀԿ-ԲՀԿ-ՀՅԴ-Քոչարեան ձեւաչափով համագործակցութիւնը, որի պարագայում հիմնական տարբերակներից է դիտարկւում Քոչարեանի վարչապետ առաջադրելու հնարաւորութիւնը: Առաւել եւս, երբ Մոսկւայից եկող վերջին ազդակներն ակնարկում են, որ սա Կրեմլի համար եւս ընդունելի տարբերակներից է:

Երկրորդ տարբերակը քիչ է տարբերւում առաջինից. Եթէ ԲՀԿ-ն մայրաքաղաքում զիջի Փաշինեանին, սակայն ոչ ձայների էական տարբերութեամբ, սա եւս հիմնաւորում կը դառնայ, որ Փաշինեանն այլեւս չունի այն անառարկելի ժողովրդականութիւնը, որի պատճառով ԲՀԿ-ն վարչապետական ընտրութիւններին հրաժարւեց սեփական յաւակնութիւններից: Այս դէպքում եւս Հայաստանում ձեւաւորւած նոր քաղաքական իրողութիւնների մասին խօսելու եւ Փաշինեանի հրաժարականը պահանջելու օրակարգ կարող է ձեւաւորւել, թէեւ առաջնային կը մնայ նաեւ արտահերթ ընտրութիւնների պահանջը:

Եւ երրորդ տարբերակով, եթէ Փաշինեանին յաջողւի մայրաքաղաքում ունենալ բացարձակ մեծամասնութիւն, այս դէպքում արդէն ԲՀԿ-ն ամենայն հաւանականութեամբ կը գերադասի շարունակել իր ներկայիս զգուշաւոր քաղաքականութիւնը՝ սպասելով իրավիճակի հետագայ փոփոխութիւններին:

Արդիւնքում, Քոչարեանի շուրջ ձեւաւորւող ուժերը, ըստ աղբիւրի, մայրաքաղաքային ընտրութիւններում ակտիւ աջակցութիւն կը ցուցաբերեն ԲՀԿ-ին՝ վերջինիս համար հնարաւորինս մեծ քւէներ ապահովելու համար»:

 

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։