Հա

Քաղաքական

04/09/2018 - 11:00

Քաղաքական դիակների վերակենդանացման ձախորդ փորձերը

Երեւանի աւագանու (Քաղաքապետական) արտահերթ ընտրութիւններում ՀՅԴ ցուցակը գլխաւորող Միքայէլ Մանուկեանին զրպարտելու կոչւած, Լեւոն Տէր-Պետրոսեանի խօսափողներ, «1in.am» կայքի ու «Ժամանակ» թերթի «տեղեկատւական-լուսաբանական» գերակտիւութիւնը մեղմ ասած՝ զարմանքի տեղիք է տալիս: Եւ առաջին հերթին ու գլխաւորաբար՝ պահի ու պայմանների ընտրութեան տեսակէտից:

Հ. ՍԵՊՈՒՀ

 

Երեւանի աւագանու (Քաղաքապետական) արտահերթ ընտրութիւններում ՀՅԴ ցուցակը գլխաւորող Միքայէլ Մանուկեանին զրպարտելու կոչւած, Լեւոն Տէր-Պետրոսեանի խօսափողներ, «1in.am» կայքի ու «Ժամանակ» թերթի «տեղեկատւական-լուսաբանական» գերակտիւութիւնը մեղմ ասած՝ զարմանքի տեղիք է տալիս: Եւ առաջին հերթին ու գլխաւորաբար՝ պահի ու պայմանների ընտրութեան տեսակէտից: Այլապէս՝ ՀՀՇ-ՀԱԿ-ամէտ շեփորահարների հակադաշնակցական մոլուցքը պարզ է ու մէկին, արդէն 25 տարիներ ի վեր…

… 1994 թւականին Երեւանի նախկին քաղաքապետ Համբարձում Գալստեանին սպանելու մեղադրանքի (հետագային չապացուցւած ու յօդս ցնդած) մասին 24 տարի անց կրկին յիշաչարող երկւորեակ ԶԼՄ-ները «արդարութեան վերականգնման» մասին են բարձրաձայնում…

Հետաքրքիր նմանութեամբ, պահը նպաստաւոր տեսնող այս «արդարամիտները» 10 տարի անց 2008-ի մարտի 1-ի հարցով նոյնպթս արդարահատոյց են ձեւանում, չարաշահելով ժողովրդի զգացմունքները այդ ողբերգական իրադարձութեան վերաբերեալ:

… Գողերին բռնելուն ոչ ոք, երբեք, դէմ չի եղել, սակայն, ժողովրդական օրինաչափութիւնը միշտ էլ յուշել է «գողին բռնեք» բարձրաձայնողների ու առաջինը ճչացողների խայտառակւելու մասին…, ինչպէս որ դա եղաւ 1995 թւականին, երբ նոյն Միքայէլ Մանուկեանը մէկամեայ շինծու մեղադրանքից ու կալանքից յետոյ անպարտ ու ազատ արձակւեց: Իսկ այդ ժամանակ յայտնի ու խայտառակւող «գող բռնողը» ոչ այլ ոք էր քան՝ ԱԱԾ տեղակալ տխրահռչակ ԿԳԲ-ական Գուրգէն Եղիազարեան կոչեցեալը, որն օրերս կրկին յիշել է իր դաւադիր կարիերայի մասին: Համբարձում Գալստեանի իսկական սպանողը, սակայն, այդպէս էլ չբացայայտւեց, բայց… այժմ էլ, 24 տարի անց՝ «գողին բռնեք» ճչացողները բացայայտ՝ զուր փորձեր են անում ժողովրդին մոլորեցնելու իրենց հնամենի ոճով ու իւրայատուկ պատեհապաշտութեամբ:

… Հերթական չարաշահումն էլ անշուշտ, պայմանաւորւած է Հայաստանեան ներքաղաքական նոր իրադարձութիւններով, որոնք էլ պատեհապաշտ եւ ապազգային տարրերի համար (թէկուզ ժամանակաւոր) ստեղծում են այն ենթահողը, որտեղ սկսում է աշխատել «պղտոր ջրից ձուկ որսալու» մեխանիզմը՝ նախ որպէս քաղաքական դիակներ վերակենդանանալու, ապա իրենց հակադաշնակցական մոլուցքին յագուրդ տալու համար…:

2 սեպտ. 2018 թ.

Յարակից լուրեր

  • Չէի ցանկանայ, որ արհեստական սահմանազատումները վերածւէին իրական սահմանազատումների
    Չէի ցանկանայ, որ արհեստական սահմանազատումները վերածւէին իրական սահմանազատումների

    «Առաւօտ»-ի զրուցակիցն է ՀՅԴ Բիւրոյի անդամ, ՀՅԴ խմբակցութեան պատգամաւոր Սպարտակ Սէյրանեանը:

  • Ինչո՞ւ սկսւեց սեւի եւ սպիտակի խաղը
    Ինչո՞ւ սկսւեց սեւի եւ սպիտակի խաղը

    Աւարտւեցին Երեւանի աւագանու արտահերթ ընտրութիւնները, որտեղ ձայների մեծ առաւելութեամբ յաղթանակ տարաւ «Իմ քայլը» դաշինքի թեկնածու Հայկ Մարութեանը: Բուն ընտրութիւններն անցան առանց լուրջ խախտումների եւ, իրաւամբ, դրանք կարելի է համարել վերջին տարիներին անցկացւած ամենաազատ, արդար ու թափանցիկ ընտրութիւնները մեր երկրում: Սակայն գնահատական տալուց առաջ չի կարելի անտեսել ընտրական գործընթացի անբաժան մաս կազմող նախընտրական քարոզարշաւի փուլը, ինչից մեծապէս կախւած են ընտրութիւնների արդիւնքները: 

  • Միքայէլ Մանուկեան. «Դաշնակցութիւնը երբեք հատակին չի մնայ»
    Միքայէլ Մանուկեան. «Դաշնակցութիւնը երբեք հատակին չի մնայ»

    Երեւանի աւագանու ընտրութիւնների Հայ Յեղափոխական Դաշնակցութեան ցուցակը գլխաւորող, ՀՀ ԲՆ անտառային կոմիտէի նախագահ Միքայէլ Մանուկյանը «tert.am»-ի հետ զրույցում անդրադառնալով ընտրութիւնների  արդիւնքներին` կարծիք յայտնեց, որ ընտրութիւններն աւելի շատ դիտւեցին որպէս վարչապետի վստահութեան հանրաքւէ եւ ժողովուրդը քւէարկեց նախկինների չվերադառնալու օգտին:

  • Ակնարկ. Միջազգային վարկի ապահովման դիտակէտով
    Ակնարկ. Միջազգային վարկի ապահովման դիտակէտով

    Վարագոյրը իջաւ Երեւանի քաղաքապետական ընտրութիւններուն վրայ: Ներհայաստանեան առումով տակաւին կը քննարկուի մասնակցութեան համեմատութիւնը. Ճշգրիտ տուեալներու հիման վրայ կը ներկայացուին քաղաքապետական նախորդ ընտրութիւններու մասնակցութեան քանակը, համապետական ընտրութիւններու եւ համայնքային ընտրութիւններու մասնակցութեան շարժառիթներու տարբերութիւնները եւ իւրաքանչիւր քաղաքական ուժի նախապէս ապահոված քուէներու չափն ու յետյեղափոխական իրավիճակին մէջ իւրաքանչիւրին նկատմամբ ժողովրդային ընկալելիութեան խնդիրները:

  • ՀՅԴ ԳՄ յայտարարութիւնը՝ Երեւանի աւագանու արտահերթ ընտրութիւնների վերաբերեալ
    ՀՅԴ ԳՄ յայտարարութիւնը՝ Երեւանի աւագանու արտահերթ ընտրութիւնների վերաբերեալ

    Ընդունելով ընտրութիւնների արդիւնքները եւ յաղթանակի կապակցութեամբ շնորհաւորելով «Իմ քայլը» դաշինքին՝ մեր պատրաստակամութիւնն ենք յայտնում աջակցել մեր բոլորի երազած Երեւանը իրականութիւն դարձնելու գործին։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։